მწვანე შუა თითმა მეზობლები შეურაცხყო

ინგლისის საგრაფო სტაფორდშირში მცხოვრებმა 53 წლის მებაღემ რიჩარდ ჯექსონმა საკუთარ ბაღში გიგანტურ ბუჩქს შუა თითის ფორმა მისცა და ამით მეზობლების აღშფოთება გამოიწვია.

მათ ადგილობრივ პოლიციას და ოფიციალურ პირებსაც კი მიმართეს, რათა ტერიტორიას საზოგადოებისთვის მიუღებელი ფორმის ბუჩქი სასწრაფოდ მოაშორონ. თუმცა რიჩარდი საკუთარ ბუჩქს თავგამოდებით იცავს.

"მხოლოდ ერთი მეზობელი შეწუხდა და პოლიცია მატყუებს, თითქოს ყველანი შეურაცხყოფილები არიან. სულაც არ ვაპირებ, ბაღში მცენარეები მეზობლების სურვილის მიხედვით გავჩეხო. ბუჩქს 8 წელია დიდი სიყვარულით ვუვლი და მხოლოდ დღეს გაახსენდათ, რომ მიუღებელი ფორმა აქვს? ჩემი ბაღი ძალიან პოპულარულია. მწვანე შუა თითი ყველას მოსწონს", - ამბობს მებაღე.







მომზადებულია dailymail.co.uk-ის მიხედვით.