იცეკვებს თუ არა სალომე ჭაჭუა ფოტოგრაფთან ერთად?..

სალომე ჭაჭუას ფოტოგრაფმა ძმებმა ღუღუნიშვილებმა ახალი ფოტოსესია ''ცეკვავენ ვარსკვლავების'' დაწყების წინ გადაუღეს. მათ შორის ერთ ფოტოზე თავად ფოტოგრაფი, ლაშა ღუღუნიშვილია გამოსახული სალომე ჭაჭუასთან ერთად. მეგობრები ''ფეისბუქის'' გვერდზე ფოტოგრაფს ეკითხებიან, ხომ არ აპირებს ის ახალ სეზონში ''ცეკვავენ ვარსკვლავების'' კონკურსანტობას, რაზეც ლაშა პასუხობს, რომ აპირებს არა მხოლოდ ის, არამედ მისი ძმაც. დავინტერესდით, შეესაბამება თუ არა სიმართლეს ეს ყოველივე და სალომეს დავუკავშირდი.
სალომე ჭაჭუა:
- ძმებმა ღუღუნიშვილებმა ფოტოები გადამიღეს. ერთ-ერთია სწორედ ეს ფოტო, რომელიც ''ფეისბუქზე'' გინახავთ, მაგრამ ის, რომ მე და ლაშა ერთად ვიცეკვებთ, სიმართლეს არ შეესაბამება და ხუმრობაა.
- უკვე შერჩეულია ვარსკვლავი, რომელთან ერთადაც ახალ სეზონში იცეკვებ?
- არა, ჯერ არაფერი ვიცი. არც ის ვარსკვლავები, რომლებთან ერთადაც ვიცეკვებ და არც კონკრეტულად ჩემი პარტნიორი.

ჟურნალი ''რეიტინგი''