როგორ გავთხოვდეთ - 7 ოქროს წესი
2 810 ნახვა
ქალების დიდი ნაწილი რას აღარ აკეთებს, რომ საოცნებო მენდელსონის მარშის ხმა გაიგოს. განსაკუთრებულად კი ისინი ნერვიულობენ, ვინც ოცდაათ წელს მიაღწიეს და ჯერ კიდევ ვერ მოტეხეს რქები თუნდაც ერთ მამაკაცს. უცნაურია და ზოგიერთი ქალბატონი ამ ასაკში უკვე სამჯერ ასწრებს გათხოვებას. ზოგს კი ერთთანაც არ გაუმართლა. გთავაზობთ, შვიდ ოქროს წესს თუ როგორ დაიპყროთ მამაკაცი და საკუთარი ნებით მიიყვანოთ საკურთხველთან.
1. გაუშვით, მამაკაცმა ინადიროს
იმედია, ამას პირდაპირი მნიშვნელობით არ გაიგებთ და მისთვის ნადირობისთვის საჭირო ნივთებს არ შეიძენთ. თუ ძალიან გინდათ გათხოვება, მაშინ ისეთი შთაბეჭდილება დატოვეთ თითქოს საერთოდ არ გინდათ. მამაკაცი ბუნებით მონადირეა. მათ უყვართ ქალბატონები, მათთვის ბრძოლა და გულის მონადირება. ამ უჩვეულო და რთული პროცესისგან დიდ სიამოვნებას იღებენ. მიანიჭეთ თქვენს რჩეულს ეს უფლება. გავა დრო და გააცნობიერებს, რომ თქვენი დაუფლების ერთადერთი გზა მხოლოდ ქორწინებაა. მთავარია არ გადააჭარბოთ, თორემ დაიჯერებს, რომ მართლა არ გინდათ გათხოვება და თქვენი გულის მოსაგებად ბრძოლას თავს დაანებებს. მამაკაცისთვის მნიშვნელოვანია არჩევანის თავისუფლება. ამიტომ არავითარ შემთხვევაში არ აიძულოთ, რომ თქვენზე იქორწინოს.
2. აიძულეთ იეჭვიანოს
ზოგიერთი ქალი შეგნებულად იჩენს საყვარელს ან ფლირტის ობიექტს და ამ მეთოდით ქმარს აიძულებს ყურადღება მიაქციოს და აეჭვიანებს. მოიფიქრეთ რამე ისტორია, რომ ვიღაც თქვენი გულის მოგებას დაჟინებით ცდილობს. თუ სერიოზულად ფიქრობს, ამის შემდეგ აუცილებლად გაუჩნდება სურვილი, რომ თქვენზე გარკვეული უფლებები გააჩნდეს. ქორწინება კი ამისთვის ერთადერთი გამოსავალია, მაგრამ ამ მეთოდის გამოყენებისას სიფრთხილე გმართებთ. მით უმეტეს, თუ თქვენი რჩეული ზედმეტად ეჭვიანია.
3. უბრალოდ უთხარით მას...
ეცადეთ აუხსნათ თქვენს რჩეულს, რომ არ მოგწონთ არასტაბილური და არაოფიციალური ურთიერთობები ცხოვრებაში. შეგიძლიათ მოატყუოთ, რომ კოლეგები თქვენს წყვილს არასერიოზულად უყურებენ და ზურგს უკან თქვენზე ჭორაობენ. ისიც უთხარით, რომ თქვენი მშობლებიც უკმაყოფილოები არიან. მამაკაცმა შეიძლება საბოლოოდ გააცნობიეროს, რომ არასასიამოვნო სიტუაციაში ჩაგაყენათ და კეთილშობილი გრძნობებიდან გამომდინარე შესაძლოა ხელიც გთხოვოთ. სულაც არ არის საშიში, უთხრათ საყვარელ ადამიანს, რომ გინდათ ურთიერთობა დააკანონოთ, რადგან შესაძლებელია, რომ მას თავად უნდოდა ამის თქმა თქვენთვის, მაგრამ უარის ეშინოდა და თავს იკავებდა.
4. უსუსურობის დემონსტრაცია
იყავით უსუსური თქვენს რჩეულთან. მას მოსწონს საკუთარი თავის გმირად წარმოდგენა. თუ რამე გაფუჭდა, ონკანი, კომპიუტერი, წიგნების თარო, ნუ ეცდებით ამ ყველაფრის დამოუკიდებლად შეკეთებას. მიმართეთ მას დახმარებისთვის და აუცილებლად შეაქეთ გაწეული სამსახურისთვის. ეს კიდევ ერთი მიზეზი იქნება, ის საღამო ფინჯან ჩაიზე ერთად გაატაროთ.
5. სწორად აირჩიეთ მამაკაცი
ნამდვილად გინდათ გათხოვება? - მაშინ შეხვედრაც მხოლოდ იმ მამაკაცთან ღირს, რომელიც მზად არის ქორწინებისთვის. ისინი კი, ვისაც საერთოდ არ სწამს ოჯახი და ქორწინება, თქვენი ცხოვრებიდან გააქრეთ.
6. კარგად გაიაზრეთ თქვენი სურვილები
უპასუხეთ საკუთარ თავს კითხვაზე - რატომ გინდათ გათხოვება? ამ ნაბიჯის გადადგმას მშობლები გაიძულებენ, თუ უბრალოდ გარშემო მყოფთა კითხვები ოჯახურ მდგომარეობაზე ყელში ამოგივიდათ და გინდათ მათ წინ თეთრ კაბაში გამოწყობილმა მოკლე გზა გაიაროთ საკურთხევლამდე. თქვენი ყველა დაქალი გათხოვილია და თქვენ არა? იქნებ გინდათ რომ შვილები გყავდეთ, თუ უბრალოდ წესია და ასეა საჭირო? კარგად გააცნობიერეთ ვის სჭირდება ეს. ჩამოყალიბდით, კონკრეტულად რა გინდათ პირადად თქვენ. შეიძლება, თქვენი ცხოვრების წესი და გეგმები საერთოდ არ შეესაბამებოდეს ოჯახურ ცხოვრებას.
7. ოცნებები თუ ოჯახი?
თუ სურვილი გაქვთ ისწავლოთ, გაიკეთოთ წარმატებული კარიერა, იმოგზაუროთ, მაშინ სავარაუდოდ გესმით, რომ გათხოვების შემთხვევაში შესაძლოა სამივე მათგანზე უარის თქმამ მოგიწიოთ. გაითვალისწინეთ, რომ როდესაც ოჯახი გაქვთ, საკუთარ თავს აღარ ეკუთვნით. იქნებ თქვენთვის ჯერ არც დამდგარა ამის დრო. ასე რომ, გაერკვიეთ საკუთარ სურვილებში, ხოლო შემდეგ იმოქმედეთ საჭირო მიმართულებით.
სალომე დადიანი
ჟურნალი „რეიტინგი“
1. გაუშვით, მამაკაცმა ინადიროს
იმედია, ამას პირდაპირი მნიშვნელობით არ გაიგებთ და მისთვის ნადირობისთვის საჭირო ნივთებს არ შეიძენთ. თუ ძალიან გინდათ გათხოვება, მაშინ ისეთი შთაბეჭდილება დატოვეთ თითქოს საერთოდ არ გინდათ. მამაკაცი ბუნებით მონადირეა. მათ უყვართ ქალბატონები, მათთვის ბრძოლა და გულის მონადირება. ამ უჩვეულო და რთული პროცესისგან დიდ სიამოვნებას იღებენ. მიანიჭეთ თქვენს რჩეულს ეს უფლება. გავა დრო და გააცნობიერებს, რომ თქვენი დაუფლების ერთადერთი გზა მხოლოდ ქორწინებაა. მთავარია არ გადააჭარბოთ, თორემ დაიჯერებს, რომ მართლა არ გინდათ გათხოვება და თქვენი გულის მოსაგებად ბრძოლას თავს დაანებებს. მამაკაცისთვის მნიშვნელოვანია არჩევანის თავისუფლება. ამიტომ არავითარ შემთხვევაში არ აიძულოთ, რომ თქვენზე იქორწინოს.
2. აიძულეთ იეჭვიანოს
ზოგიერთი ქალი შეგნებულად იჩენს საყვარელს ან ფლირტის ობიექტს და ამ მეთოდით ქმარს აიძულებს ყურადღება მიაქციოს და აეჭვიანებს. მოიფიქრეთ რამე ისტორია, რომ ვიღაც თქვენი გულის მოგებას დაჟინებით ცდილობს. თუ სერიოზულად ფიქრობს, ამის შემდეგ აუცილებლად გაუჩნდება სურვილი, რომ თქვენზე გარკვეული უფლებები გააჩნდეს. ქორწინება კი ამისთვის ერთადერთი გამოსავალია, მაგრამ ამ მეთოდის გამოყენებისას სიფრთხილე გმართებთ. მით უმეტეს, თუ თქვენი რჩეული ზედმეტად ეჭვიანია.
3. უბრალოდ უთხარით მას...
ეცადეთ აუხსნათ თქვენს რჩეულს, რომ არ მოგწონთ არასტაბილური და არაოფიციალური ურთიერთობები ცხოვრებაში. შეგიძლიათ მოატყუოთ, რომ კოლეგები თქვენს წყვილს არასერიოზულად უყურებენ და ზურგს უკან თქვენზე ჭორაობენ. ისიც უთხარით, რომ თქვენი მშობლებიც უკმაყოფილოები არიან. მამაკაცმა შეიძლება საბოლოოდ გააცნობიეროს, რომ არასასიამოვნო სიტუაციაში ჩაგაყენათ და კეთილშობილი გრძნობებიდან გამომდინარე შესაძლოა ხელიც გთხოვოთ. სულაც არ არის საშიში, უთხრათ საყვარელ ადამიანს, რომ გინდათ ურთიერთობა დააკანონოთ, რადგან შესაძლებელია, რომ მას თავად უნდოდა ამის თქმა თქვენთვის, მაგრამ უარის ეშინოდა და თავს იკავებდა.
4. უსუსურობის დემონსტრაცია
იყავით უსუსური თქვენს რჩეულთან. მას მოსწონს საკუთარი თავის გმირად წარმოდგენა. თუ რამე გაფუჭდა, ონკანი, კომპიუტერი, წიგნების თარო, ნუ ეცდებით ამ ყველაფრის დამოუკიდებლად შეკეთებას. მიმართეთ მას დახმარებისთვის და აუცილებლად შეაქეთ გაწეული სამსახურისთვის. ეს კიდევ ერთი მიზეზი იქნება, ის საღამო ფინჯან ჩაიზე ერთად გაატაროთ.
5. სწორად აირჩიეთ მამაკაცი
ნამდვილად გინდათ გათხოვება? - მაშინ შეხვედრაც მხოლოდ იმ მამაკაცთან ღირს, რომელიც მზად არის ქორწინებისთვის. ისინი კი, ვისაც საერთოდ არ სწამს ოჯახი და ქორწინება, თქვენი ცხოვრებიდან გააქრეთ.
6. კარგად გაიაზრეთ თქვენი სურვილები
უპასუხეთ საკუთარ თავს კითხვაზე - რატომ გინდათ გათხოვება? ამ ნაბიჯის გადადგმას მშობლები გაიძულებენ, თუ უბრალოდ გარშემო მყოფთა კითხვები ოჯახურ მდგომარეობაზე ყელში ამოგივიდათ და გინდათ მათ წინ თეთრ კაბაში გამოწყობილმა მოკლე გზა გაიაროთ საკურთხევლამდე. თქვენი ყველა დაქალი გათხოვილია და თქვენ არა? იქნებ გინდათ რომ შვილები გყავდეთ, თუ უბრალოდ წესია და ასეა საჭირო? კარგად გააცნობიერეთ ვის სჭირდება ეს. ჩამოყალიბდით, კონკრეტულად რა გინდათ პირადად თქვენ. შეიძლება, თქვენი ცხოვრების წესი და გეგმები საერთოდ არ შეესაბამებოდეს ოჯახურ ცხოვრებას.
7. ოცნებები თუ ოჯახი?
თუ სურვილი გაქვთ ისწავლოთ, გაიკეთოთ წარმატებული კარიერა, იმოგზაუროთ, მაშინ სავარაუდოდ გესმით, რომ გათხოვების შემთხვევაში შესაძლოა სამივე მათგანზე უარის თქმამ მოგიწიოთ. გაითვალისწინეთ, რომ როდესაც ოჯახი გაქვთ, საკუთარ თავს აღარ ეკუთვნით. იქნებ თქვენთვის ჯერ არც დამდგარა ამის დრო. ასე რომ, გაერკვიეთ საკუთარ სურვილებში, ხოლო შემდეგ იმოქმედეთ საჭირო მიმართულებით.
სალომე დადიანი
ჟურნალი „რეიტინგი“
