ევა ლონგორია და ერნესტო არგუელო ერთმანეთს დაშორდნენ
2 017 ნახვა
ევა ლონგორიასა და ერნესტო არგუელოს რომანმა მხოლოდ 4 თვეს გასტანა. პორტალ „TMZ“-ის ინფორმაციით, წყვილის ურთიერთობამ სიშორეს ვერ გაუძლო. ევა უმეტეს დროს ლოს ანჟელესში ატარებს, ხოლო მისი რჩეული მაიამიში ცხოვრობს. ჟურნალისტები იმ ვერსიასაც განიხილავენ, რომ შესაძლოა, მათ მხოლოდ პაუზით ისარგებლეს. შეგახსენებთ, რომ ლონგორიასა და არგუელოს სერიოზული ურთიერთობა ჰქონდათ. ერნესტომ ევას თავისი მშობლებიც გააცნო. მათი გარემოცვა, კი შეყვარებულების მომავალი ქორწილის შესახებაც ალაპარაკდა. „ერნესტო პლეიბოის ცხოვრებით ცხოვრობს მხოლოდ მაშინ, როდესაც შეყვარებული არ ჰყავს. მას არავისთვის არასდროს უღალატია და იგი რელიგიური ადამიანია. არგუელო ოჯახურ ურთიერთობებს ძლიერ აფასებს და შესაძლოა, ევა სწორედ ამან მოხიბლა“, — განუცხადა პრესას ერნესტოს ნაცნობმა.
