ვის სურს გახდეს „მეორე ანჯელინა ჯოლი“
2 061 ნახვა
როგორც ამბობენ, 27 წლის მსახიობი ამბერ ჰერდი საკმაოდ სარფიანად იყენებს 50 წლის ვარსკვლავ ჯონი დეპთან გაჩაღებულ რომანს. ის მიჯნურს იმასაც კი სთხოვს, „მეორე ანჯელინა ჯოლიდ“ აქციოს.
ამბერ ჰერდს ჯონი დეპთან ურთიერთობა იმისთვის სჭირდება, რომ კარიერულ კიბეზე კიდევ უფრო მაღლა ავიდეს და რაც მთავარია, მისი მიზანი ანჯელინა ჯოლის დაჩრდილვა ყოფილა.
ყოველ შემთხვევაში, ასე ამტკიცებს წყვილის ერთ-ერთი ნაცნობი: „როცა ამბერმა და ჯონიმ შეხვედრები დაიწყეს, დეპმა მას სიტყვა მისცა, რომ მისგან მეორე ანჯელინა ჯოლის შექმნიდა, მაგრამ ჯერჯერობით პირობა არ შეუსრულებია.
იმის ნაცვლად, რომ ამბერი ჰოლივუდის საუკეთესო პროდიუსერებსა და რეჟისორებს წარუდგინოს, პირიქით, ცდილობს, როლებზე უარი ათქმევინოს.
მაგალითად, ცოტა ხნის წინ ამბერს როლი შესთავაზეს ცნობილი ეროტიკული რომანის „რუხის 50 შუქ-ჩრდილის“ ეკრანიზაციაში, თუმცა ჯონიმ მეგობარი ქალი დაარწმუნა, უარი ეთქვა ამ პროექტზე, რადგან, მისი აზრით, ეს სურათი ძალიან უხამსი იქნებოდა“ .
როგორც წყვილის საერთო ნაცნობი ირწმუნება, „ამბერი ჯერ ელის და იმედი აქვს, რომ მიჯნური სოლიდური როლების მოპოვებაში დაეხმარება“ . საინტერესოა, რომ ახალგაზრდა მსახიობს გამუდმებით სდებენ ბრალს საკულტო ვარსკვლავთან რომანით სარგებლობაში. თუმცა თვითონ არაერთხელ უთქვამს, რომ არასდროს მიისწრაფოდა ვინმესთან სერიოზული ურთიერთობებისკენ და არც ვინმეზე დამოკიდებული სურს იყოს, თუნდაც ჯონი დეპზე.
„ყოველთვის იმისკენ მივისწრაფვი, რომ ჩემი ცხოვრება და ჩემი საქმე არ მოექცეს საყოველთაოდ მიღებული სტანდარტების ჩარჩოებში. უფრო მეტიც, თვით იდეა, ვიყო ისეთი, როგორიც ყველა, მაგიჟებს და მაშინებს კიდეც“ , - ამბობს ამბერი. ასე რომ, ძნელი წარმოსადგენია, რატომ სურს ასეთ დამოუკიდებელ ქალს, გახდეს მეორე ანჯელინა.
ჟურნალი „რეიტინგი“
ამბერ ჰერდს ჯონი დეპთან ურთიერთობა იმისთვის სჭირდება, რომ კარიერულ კიბეზე კიდევ უფრო მაღლა ავიდეს და რაც მთავარია, მისი მიზანი ანჯელინა ჯოლის დაჩრდილვა ყოფილა.
ყოველ შემთხვევაში, ასე ამტკიცებს წყვილის ერთ-ერთი ნაცნობი: „როცა ამბერმა და ჯონიმ შეხვედრები დაიწყეს, დეპმა მას სიტყვა მისცა, რომ მისგან მეორე ანჯელინა ჯოლის შექმნიდა, მაგრამ ჯერჯერობით პირობა არ შეუსრულებია.
იმის ნაცვლად, რომ ამბერი ჰოლივუდის საუკეთესო პროდიუსერებსა და რეჟისორებს წარუდგინოს, პირიქით, ცდილობს, როლებზე უარი ათქმევინოს.
მაგალითად, ცოტა ხნის წინ ამბერს როლი შესთავაზეს ცნობილი ეროტიკული რომანის „რუხის 50 შუქ-ჩრდილის“ ეკრანიზაციაში, თუმცა ჯონიმ მეგობარი ქალი დაარწმუნა, უარი ეთქვა ამ პროექტზე, რადგან, მისი აზრით, ეს სურათი ძალიან უხამსი იქნებოდა“ .
როგორც წყვილის საერთო ნაცნობი ირწმუნება, „ამბერი ჯერ ელის და იმედი აქვს, რომ მიჯნური სოლიდური როლების მოპოვებაში დაეხმარება“ . საინტერესოა, რომ ახალგაზრდა მსახიობს გამუდმებით სდებენ ბრალს საკულტო ვარსკვლავთან რომანით სარგებლობაში. თუმცა თვითონ არაერთხელ უთქვამს, რომ არასდროს მიისწრაფოდა ვინმესთან სერიოზული ურთიერთობებისკენ და არც ვინმეზე დამოკიდებული სურს იყოს, თუნდაც ჯონი დეპზე.
„ყოველთვის იმისკენ მივისწრაფვი, რომ ჩემი ცხოვრება და ჩემი საქმე არ მოექცეს საყოველთაოდ მიღებული სტანდარტების ჩარჩოებში. უფრო მეტიც, თვით იდეა, ვიყო ისეთი, როგორიც ყველა, მაგიჟებს და მაშინებს კიდეც“ , - ამბობს ამბერი. ასე რომ, ძნელი წარმოსადგენია, რატომ სურს ასეთ დამოუკიდებელ ქალს, გახდეს მეორე ანჯელინა.
ჟურნალი „რეიტინგი“
