თინა კანდელაკს ახალი შეყვარებული შვილებისთვის არ გაუცვნია

ცნობილმა ტელეწამყვანმა და ბიზნეს-ლედიმ, თინა კანდელაკმა ერთ-ერთ ინტერვიუში პირად ცხოვრებაზე ისაუბრა და აღიარა, რომ შეყვარებულია და ახალგაზრდა მამაკაცთან სასიყვარულო ურთიერთობაც აკავშირებს.

"შეყვარებული ვარ და ნახევარი წელია მასთან ურთიერთობა მაქვს" - განაცხადა 37 წლის ტელევარსკვლავმა, თუმცა ახალი პარტნიორის ვინაობის გამხელა არ ისურვა.

"ჩემს მდგომარეობაში მყოფი ქალი, რომელსაც უკვე მოზრდილი შვილები ჰყავს, მამაკაცთან ურთიერთობაზე მხოლოდ მაშინ ისაუბრებს გულახდილად, თუ ამ კაცთან ცხოვრებაც აპირებს. მოცემულ მომენტში კი მსგავსს არაფერს ვაპირებ, ამიტომაც ამ ურთიერთობის გასაჯაროვებას აზრი არა აქვს. სერიოზული აღმოჩნდება თუ არა ეს ურთიერთობა, ამას მხოლოდ მომავალი გვიჩვენებს", - განაცხადა კანდელაკმა და დაამატა, რომ თავისი რჩეული ჯერ შვილებისთვისაც არ წარუდგენია.

"არაფრის დაჩქარება არ მსურს. მოსახდენი თავისთავად მოხდება, სიმართლე გითხრათ, მაინც და მაინც დიდი სურვილი, რომ ისევ ვიღაცის ცოლი გავხდე, არ მაქვს. მიყვარს, ვუყვარვარ და ამ ეტაპზე ჩემთვის ეს საკმარისია" - განაცხადა კანდელაკმა.

ტელეწამყვანმა ყოფილი ქმარიც გაიხსენა და აღიარა, რომ მასთან განქორწინება საუკეთესო გამოსავალი იყო.
"ანდრეი მშვიდად მიუყვებოდა ცხოვრების დინებას, მე კის საოცარი სისწრაფით მივქროდი წინ. კიდევ კარგი, დავშორდით, თორემ ოჯახის გადარჩენის მცდელობაში ერთმანეთს საბოლოოდ დავუნგრევდით ცხოვრებას" - აღნიშნა კანდელაკმა და მომავალი გათხოვების პერსპექტივებიც განიხილა.

"როგორც ყველა ქალი, მეც ხრულფასოვან ოჯახზე ვოცნებობ - მინდა ქმარიც მყავდეს და კიდევ გავაჩინო შვილები, მაგრამ ამ სასიხარულო სიახლით კიდევ დიდხანს ვერ გაგახარებთ. ჩემი ცხოვრება ისე აეწყო, რომ კარიერას ძალიან დიდ დროს ვუთმობ. პირადი ცხოვრებისთვის ცოტა დრო მაქვს. როგორც წესი, დილის 5-6 საათზე ვდგები და თუ გვერდით ისეთი მამაკაცი არ მეყოლება, ვისთვისაც ასეთი გრაფიკი ცხოვრების წესია, ჩვენი თანაცხოვრება დიდხანს ვერ გასტანს" - განაცხადა ტელეწამყვანმა.
heat.ru-ს მიხედვით.