რა განსაზღვრავს სექსუალურობას საქართველოში +ფოტო+ვიდეო

2 წლის წინ ჟურნალმა "ბომონდმა" და საიტმა მარაო,ჯიმ ჩაატარა გამოკითხვა, რომლის მიზანი ყველაზე პოპულარული ქართველი ქალის გამოვლენა იყო. ერთად ვნახოთ, როგორი იყო მაშინ ქართველი კაცების გემოვნება და რა შეიცვალა ახლა...

რა განსაზღვრავს სექსუალურობას საქართველოში. მე თუ მკითხავთ, სექსუალურობას აზროვნება და სიტყვა-პასუხი ზუსტადაც რომ არ განსაზღვრავს. ჩემთვის სექსუალურობა სხეული, გამოხედვა და მიხვრა-მოხვრაა. ხოლო, სექსუალურიც რომ არის და პირის დაღების შემდეგაც რომ მონუსხულს გტოვებს, ეგ იდეალური ქალია. იდეალურის რა მოგახსენოთ, მაგრამ ამ ათეულში ბევრ სექსუალურ ქართველ ქალს იხილავთ, თუმცა, ალბათ საკამათო იქნება მათი პოზიციები ათეულში... კარგი ის არის, რომ მხოლოდ შოუბიზნესის წარმომადგენლებზე არ შევიდნენ და ჩამონათვალში პოლიტიკოს ქალსაც იხილავთ.

ქალი, რომელიც ყველაზე ახლოს არის ქართველი კაცის გუნებასთან. მინისტრ ექსქალბატონს ხომ არც სექსუალურობა აკლია და "კუხნის" (მაგალითად, პურის ცხობა გამოსდის კარგად) საქმეებიც გადასარევად გამოსდის.




რა თქმა უნდა, ყველაზე სექსუალური ქართველი ქალების ჩამონათვალში უდავოდ შემყვას სალომე ღვინიაშვილი,  რომლის სილამაზეზე საქართველოს ფარგლებს გარეთაც საუბრობენ. ერთი რამ არის უცნაური, 2011 წელს ინერნეტსაიტმა Marao.ge-მ ჩაატარა გამოკითხვა, სადაც მკითხველი ყველაზე სექსუალურ ქართველ ქალებს ასახელებდა და იმ გამოკითხვაში სალომე ღვინიაშვილზე მეტი ხმა ლალი მოროშკინამ მიიღო. როგორც ჩანს  ქართველი კაცებისათვის ახალგაზრდა მოდელზე მეტად სექსუალური ორმოც წელს გადაცილებული მოროშკინაა...




რაკიღა ბლოგი სუბიექტურობის შესაძლებლობას იძლევა, გულწრფელი ვიქნები და ვიტყვი, რომ ნამდვილად არ ვეთანხმები იმ გამოკითხულებს, რომლებმაც გადაწყვიტეს, რომ ლალი მოროშკინა სალომე ღვინიაშვილზე მეტად სექსუალურია. როდესაც საუბარია სექსუალურობაზე, მე უპირატესობას ახალგაზრდა, ყოველმხრივ დახვეწილი აღნაგობისა და უნაკლო სახის მქონე სალომე ღონიაშვილს ვანიჭებ... ამ საკითხზე თავისი მოსაზრება აქვს თავად ლალი მოროშკინას: "როდესაც საუბარია სექსუალურობაზე... სექსუალურობა მოდის ასაკთან ერთად. არ შეიძლება 20 წლის და 22 წლის იყოს სექსუალური." - ამბობს მოროშკინა ერთ-ერთ ინტერვიუში. ლალი, მესმის, რომ თქვენი ამ თეორემის გათვალისწინებით, ყველაზე სექსუალურების ათეულში მერვე ადგილი დიდი ვერაფერი წარმატებაა, თუმცა ალბათ დამეთანხმებით, რომ "ყველაზე უგემოვნოს" სტატუსს ნამდვილად სჯობს...




ის, რომ ნუკი სექსუალურია, მიმაჩნია, ამაში საკამათო არაფერია, მაგრამ ეს გოგო მეშვიდე ადგილისთვის მენანება. სიამოვნებით ვიხილავდი სექსუალურ, ქერა ლამაზმანს ათეულის სოლიდურ პოზიციებზე. დასანანია, რომ ერმა მას ყველაზე სექსუალურთა შორის მეშვიდე ადგილი მიუჩინა...




როგორც ჩანს, ჩვენს დროში, ქალის სექსუალურობას განსაზღვრება კარგი ღვინის განსაზღვრებას ემთხვევა. ქალი "დაძველებით" ისევე ფასობს, როგორც ღვინო. ამის მაგალითია არა მარტო მოროშკინა, არამედ "ბომონდისა" და Marao.ge-ს მკითხველის "ყველაზე სექსუალურის" მეექვსე ადგილოსანი...




უსამართლო ვიქნები, თუ ფარულავას სილამაზეს დავუწუნებ. მე კი ჩემო მკითხველო, მერწმუნეთ, ვერ ვიტან უსამართლობას... გარდა ამისა, ფარულავასა და მოროშკინას მაგალითზე დაყრდნობით დავასკვენი, რომ ჩვენს ქვეყანაში ქალის სექსუალურობას არა ტანი, მაღალი ფეხები და დახვეწილი სახის ნაკვთები, არამედ სხეულის ერთი კონკრეტული ორგანო - მკერდი განსაზღვრავს. თუ ასეა, მაშინ მოროშკინასა და ფარულავას მკერდის მომნუსხველობის კოეფიციენტი ნამდვილად აძლევს მათ "ყველაზე სექსუალურის" სტატუსს.

თითქოს ლოგიკას მოვარგე არსებულ ათეულში "ყველაზე სექსუალურების" რიგითობა, თუმცა მალევე მომიწევს ზემოთ აღნიშნული თეორიის გაბათილება, რომლის თანახმად, ქართველებისთვის, სექსუალურობას მკერდი განსაზღვრავს, რადგან მეხუთე ადგილზე გასული მშვენიერი, ახალგაზრდა მსახიობი, მოროშკინა-ფარულავაზე ნაკლები "მკერდიანობით" გამოირჩევა, თუმცა ათეულში მათზე წინ - მეხუთე პოზიციაზეა.



ეს ის შემთხვევაა, როდესაც არ ვკამათობ. მიმაჩნია, რომ ნანკა ღირსეულად იკავებს ყველაზე სექსუალური ქალების საპრიზო, მეხუთე ადგილს.

აღარ გავაჩმახებ, და ვიტყვი, რომ ნიჟარაძის მეოთხე პოზიციაზე ყაბულს ვარ. ასევე, ხელის აწევით ვეთანხმები მესამე პოზიციასაც.



თიკა ფაცაციას სილამაზე, რომელიც სხვადასხვა სილამაზის კონკურსებზე არაერთხელ დაფასებულა, ისევე შენარჩუნებულია, როგორც წლების წინ. გამიკვირდა, როდესაც აღმოვაჩინე, რომ სილამაზის დედოფალის სტატუსი ფაცაციასგან განსხვავებით ვერ შეინარჩუნა ირინა ონაშვილმა. თუმცა... რაღაც ავურიე, - ამჯერად ხომ საუბარი არა სილამაზეზე, არამედ სექსუალურობაზეა. ირინა, როგორც ჩანს თქვენ ლამაზი ხარ, მაგრამ არა სექსუალური...



არა მგონია, ვინმე შემედავოს, თუ ვიტყვი, რომ მაკა ასათიანი სექსუალურია ახლაც, როდესაც ორმოც წელს გადააჭარბა. შესაძლოა, მასზე მეტად სექსუალურიც, ვინც ამ გამოკითხვის მონაწილეებმა პირველ ადგილზე გაიყვანეს...
ყველაზე სექსუალურის სტატუსი, გამოკითხვების თანახმად, შორენა ბეგაშვილს ერგო!




ამ პოსტში წარმოდგენილი ათეულის მიხედვით, ძნელია იმის თქმა, თუ რა განსაზღვრავს სექსუალურობას საქართველოში. თავად ხედავთ, რომ ეს ათეული სხვადასხვა ასაკისა და გარეგნობის ქალბატონებით არის დაკომპლექტებული... ასეა თუ ისეა, ასეთი იყო 2 წლის წინანდელი მონაცემები და საინტერესოა, ახლა რომ ჩატარდეს იგივე გამოკითხვა, როგორი იქნება შედეგები.
რა განსაზღვრავს სექსუალურობას საქართველოში ვის თვლით ყველაზე სექსუალურ ქართველ ქალად? ამ კითხვაზე პასუხს ამ პოსტის ქვეშ, თქვენს კომენტარებში ველოდები...