ფეხმძიმე ანუკი არეშიძე ძმის ჯვრისწერას დაესწრო

რამდენიმე დღის წინ ცნობილი გახდა, რომ ენერგეტიკის მინისტრ კახი კახალაძის მეუღლე ანუკი არეშიძე მესამე ბავშვს ელოდება.

წყვილს ორი ვაჟი ჰყავს და როგორც ჩანს, ბევრ შვილზე ოცნებობენ. ანუკი ყველა მშობიარობის შემდეგ ფორმას ადვილად იბრუნებს და არც საკუთარ საქმეს ივიწყებს.

რამდენიმე წელია რაც ყოფილი მოდელი დიზაინერი გახდა და საკუთარი კოლექციის ჩვენებაც არაერთხელ გამართა.

ორი დღის წინ სოციალურ ქსელში ფეხმძიმე ანუკის ფოტო გავრცელდა, მაგრამ მისი ფეხმძიმობა კარგად არ ჩანდა და მხოლოდ მილოცვებით მივხვდით, რომ არეშიძე კიდევ ერთ შვილს ელოდებოდა.

ორი დღის წინ ანუკის ძმამ, გიორგი არეშიძემ ჯვარი დაიწერა. ''რომეოდა ჯულიეტა'' - ასე დაასათაურა ანუკიმ ძმის და რძლის ფოტო, რომელიც სოციალურ ქსელში საკუთარ გვერდზე გამოაქვეყნა.

გიორგი არეშიძის რჩეული მარი ფანჯავიძე გახლავთ. როგორც ფოტოებიდან ჩანს, წყვილმა ამ მნიშვნელოვანი დღის აღნიშვნა ვიწრო წრეში გადაწყვიტა.

ჯვირსწერას ესწრებოდნენ, ანუკი არეშიძე, მშობლებთან ერთად და როგორც ჩანს, ახლო ნათესავები და მეგობრები.

წყვილს ბედნიერებას ვუსურვებთ, ანუკის კი კარგ ფეხმძიმობას და კიდევ ერთი ჯანმრთელი პატარას შეძენას.

სალომე დადიანი
''რეიტინგი"