ალუბლის მარმელადი (+ ფოტოგაკვეთილი)

საჭირო მასალა

250 გრ უკურკო ალუბალი
80 გრ შაქარი
20 გრ ჟელატინი

მომზადება

ალუბლისგან გავაკეთოთ პიურე ან ავთქვიფოთ ბლენდერში.

ცოტა ცხელ წყალში (დაახლოებით 0,5 ჭიქა) გავადნოთ ჟელატინი, გავწუროთ და ჩავასხათ ალუბლის პიურეში. ჟელატინი აუცილებლად ისეთი შევარჩიოთ, რომელიც ადრეც გამოგვიყენებია და დარწმუნებული ვართ მის ხარისხში. ოთხკუთხედ ჭურჭელში ჩავაფინოთ ცელოფანი, ჩავასხათ ალუბლის მასა და შევდგათ მაცივარში 12 საათით.

სასურველია, ჟელე უშუალოდ სუფრაზე მიტანის დროს გადმოვიღოთ ფორმიდან. დაფაზე გადმოვაბრუნოთ ჟელეს ჭურჭელი, ავაძროთ ცელოფანი და სასურველ ზომაზე დავჭრათ. ამოვავლოთ შაქარში ან ქოქოსის ფანტელში.