სალომე ჭაჭუამ ''თელა'' დატოვა და პარტნიორობას ანატოლი ბოისას გაუწევს

სალომე ჭაჭუას და გიგი გაჩეჩილაძის დაშორების მიზეზს ყვითელი პრესა აქტიურად ეძებდა. პირველი ეჭვი, რა თქმა უნდა, გიორგი ვარდოსანიძესთან დაკავშირებით ჩნდებოდა, რადგან ''ცეკვავენ ვარსკვლავებში'' ერთად იღებდნენ მონაწილეობას, მაგრამ ორივე მხარე უარყოფდა რომ პროექტში მონაწილეობის დროს ერთმანეთი შეუყვარდათ.

მოგვიანებით, სოციალურ ქსელში გაჩნდა მამულიჩას და სალომე ჭაჭუას ვარჯიშის დროს გადაღებული ფოტო და რატომღაც ზოგიერთი გიგისა და სალომეს დაშორების მიზეზს მამულიჩასაც მიაწერდა.

გასულ კვირას, ჭორებს წერტილი თავად გიორგი ვარდოსანიძემ დაუსვა და თქვა, რომ ის და სალომე ერთად არიან და რომ ერთმანეთი ძალიან უყვართ. რამდენიმე დღის წინ გიორგი ვარდოსანიძემ ''ფეისბუქზე'' დაწერა:

''მეგობრებო, ვეძებ მიწის ნაკვეთს ნორმალური ხედით... ვინმეს რამე ნორმალური ვარიანტები თუ გეგულებათ, იქნებ დამეხმაროთ. არ დაგავიწყდეთ, რომ ერთი მოკვდავი მსახიობი ვარ, ასე რომ აქსილიარდი ნუ ეღირება'' .

სავარაუდოდ, გიორგი და სალომე უკვე ფიქრობენ, რომ საკუთარი სახლი ჰქონდეთ, რომელსაც ერთად მოაწყობენ. გიგი გაჩეჩილაძე ამ ყველაფერს მშვიდად შეხვდა. მისი თქმით, სალომესთან დაშორების შემდეგ დაახლოებით ორი თვე ცდილობდა მასთან შერიგებას.

იგი ინტერვიუებში ამბობს, რომ გიორგის და სალომეს სიყვარულის შესახებ, მანაც გიორგის ინტერვიუდან შეიტყო, თუმცა დასძენს, რომ ცხოვრებაში ყველაფერი უკეთესობისკენ ხდება.

სალომე ჭაჭუას ცხოვრებაში კიდევ ერთი სიახლეა. ცნობილია, რომ მან ''თელაში'' ისწავლა ცეკვა და ბოლო დროს ამ სტუდიაში მუშაობდა ცეკვის მასწავლებლად. ცოტა ხნის წინ ''რეიტინგთან'' მიცემულ ინტერვიუშიც ამბობდა, რომ საერთოდ არ უჭირდა გიგის მშობლებთან და გიგისთან ერთად ''თელაში'' მუშაობა.

''გიგის მეგობარი ვარ და მათი მშობლებისგან არასდროს არაფერი მწყენია, ჩვენ შორის ჩვეულებრივი საქმიანი ურთიერთობააო. ცოტა ხნის წინ კი მან გადაწყვეტილება შეცვალა. საკუთარი სტუდია შექმნა'' .

როგორც ამბობენ, გიორგი გაჩეჩილაძეს მისთვის ''თელაში'' დარჩენა შეუთავაზებია, მაგრამ სალომეს გადაწყვეტილება არ შეუცვლია და ახლა ვისაც აქვს სურვილი, რომ სალომე ჭაჭუას მსგავსად ცეკვავდეს, შეუძლია მის საკუთარ სტუდიაში მიაკითხოს.

ჩვენთვის ცნობილი გახდა, რომ პროექტ ''ცეკვავენ ვარსკვლავებში'' სალომე, კალათბურთელ ანატოლი ბოისას გაუწევს პარტნიორობას. ალბათ, სალომეს პოპულარობის შემდეგ უკვე რთულია გაარკვიო ვინ არის ამ წყვილიდან ვარსკვლავი.

სალომე დადიანი
''რეიტინგი"