ჯეჯი გომელაურმა მარიტა ჯანაშიას ძველი სიყვარული დაავიწყა

ცნობილი ადამიანების პირადი ცხოვრების დეტალები ყოველთვის იწვევს საზოგადოების დიდ ინტერესს... მოგეხსენებათ, თბილისში არაფერი იმალება, ჭორების გავრცელებას კი საფუძველს ''ფეისბუქზე''-ზე ატვირთული ფოტოებიც უწყობს ხელს.

ამ ბოლო დროს, მოდელ მარიტა ჯანაშიას ''ფეისბუქის'' გვერდზე ნიკო გომელაურის შვილთან, ჯეჯისთან ერთად გადაღებული უამრავი ფოტო გამოჩნდა, რაც ეჭვს ბადებს, იმის თაობაზე, რომ წყვილს სასიყვარულო ურთიერთობა აკავშირებთ.

შეგახსნებეთ, რომ მარიტა კარგა ხნის განმავლობაში ფოტოგრაფ ირაკლი ღუღინიშვილზე იყო შეყვარებული და თბილისურ საღამოებზეც ხშირად ჩნდებოდნენ ერთად. ცოტა ხნის წინ კი მარიტამ ჟურნალ ''რეიტინგს'' ამ ურთიერთობის დასრულების შესახებ აუწყა, მიზეზებზე საუბრისგან კი თავი შეიკავა. 

''ლაშა და მე დიდი ხანია დავშორდით ერთმანეთს. ჩემთვის ეს იმდენად არასასიამოვნო თემაა, რომ გახსენება და ფიქრიც არ მსიამოვნებს. უბრალოდ, მოხდა რაღაც და ახლა ერთად აღარ ვართ, თუმცა ნორმალურ მეგობრებად დავრჩით, ლაშა ძალიან კარგი ადამიანია'', - ამბობდა მაშინ მარიტა.

მიუხდავად იმისა, რომ მარიტა ჯანაშიას მსახიობ ბებიას, მარი ჯანაშიას სულაც არ უნდოდა შვილიშვილის მსახიობობა, მარიტამ თავისი გაიტანა და სამსახიობო ფაკულტეტზე ჩააბარა. მოდელობასა და სამსახურს სწვლა ვერ შეუთავსა, ამიტომ აკადემიური წელიწადი აიღო, შარშან კი გადაწყვიტა ამ საქმისთვის სერიოზულად მოეკიდა ხელი, ერთი კურსით უკან დაიხია და გიზო ჟორდანიას ჯგუფში, პირველი კურსიდან შეუდგა მსახიობობის დაუფლებას.

როგორც აღმოჩნდა, ნიკო გომელაურის ვაჟიც გიზო ჟორდანიას ჯგუფში ჩაირიცხა... ერთად სწვალამ და დიდი დროის ერთად გატარებამ წყვილი ერთმანეთის მიმართ გულგრილი არ დატოვა. როგორც ფოტოებიდან ჩანს, ზაფხულში დასასვენებლადაც ერთად იყვნენ და მიუხედავად უარყოფილი რომანისა ერთმანეთის გარმოცვაში თავს კარგად გრძნობენ.


სალომე დადიანი
''რეიტინგი"