როდის ხდება კაცი ნინუცა მაყაშვილი

მსახიობი და ტელეწამყვანი ნინუცა მაყაშვილი, რომელსაც გასულ სეზონზე ტელეკომპანია ''მაესტროზე'' გადაცემა ''მაღვიძარა'' მიჰყავდა, ძალიან მხარჯველი ყოფილა. ეთანხმება იმ მოსაზრებას, რომ ბევრი ფული ადამიანს ცვლის, მაგრამ თავად ამბობს, რამდენი ფულიც უნდა მქონდეს, არ შევიცვლებიო. აზარტული თამაშები დიდად არ აინტერესებს, თუმცა ფულს ხშირად პოულობს, ერთხელ ასანთის კოლოფი გახსნა და...

- ზაფხული როგორ გაატარე?
- ნორმალურად... ჯერ ჩემი შვილი იყო დასასვენებლად წასული, მერე დედასთან დავტოვე ბავშვი და ''სამერსეთ ფესტივალზე'' წავედი, ისეთი ხალხი ჰყავდათ მოწვეული, რომელთა მოსმენაც მინდოდა და ეს სიამოვნება მივიღე. შიგადაშიგ მეგობრებთან ერთად კარვებითაც დავდიოდი სამოგზაუროდ.
- გადავიდეთ ჩვენი რუბრიკის თემაზე, რომელსაც ''ფულის გემო'' ჰქვია..
- არ არსებობს ადამიანი, რომელსაც ფული არ უყვარდეს, არ სჭირდებოდეს და არ უნდოდეს (იღიმის).
- საერთოდ, რამდენად მფლანგველი ხარ?
- ვაიმე, საშინლად მფლანგველი ვარ, მიყვარს საჩუქრების კეთება და ფული არასდროს მიჩერდება საფულეში. ჩემი მეგობრები მეხუმრებიან ხოლმე, სალაროსთან კაცი ხდებიო (იცინის). თუ ერთად მივდივართ სადმე, თუნდაც საჭმელად, ყოველთვის ვცდილობ გადავიხადო, სულ ვჩხუბობ, თავი დამანებეთ, მე გადავიხდი-მეთქი. მეუბნებიან, ნუ ხარ ასეთი მფლანგველი, შეინახე, გადადეო, მაგრამ არ შემიძლია.
- რაში შეგიძლია გადაიხადო ბოლო კაპიკები?
- ნებისმიერ რამეში... შეიძლება, ბოლო კაპიკი სხვას მივცე.. შეიძლება, ბოლო ლარიანი მქონდეს დარჩენილი, დავინახო ქუჩაში გაჭირვებული ბებო და მას მივცე... მიუხედავად იმისა, ''მიყვარს საჩუქრების კეთება და ფული არასდროს მიჩერდება საფულეში'' რომ ლარზე ნაკლებს არასდროს ვაძლევ და მივიჩნევ, რომ არც არავინ უნდა მისცეს, იმიტომ, რომ ეს ჩვენთვის დიდი დანაკლისი არ იქნება, გაჭირვებულ ადამიანს კი დიდად დაეხმარება. ჩემი შვილი ყოველდღიურად მართმევს ფულს და ბავშვებს ხან ნაყინს ყიდულობს, ხან კიდევ მანქანებს.
- პირველი შენი ჰონორარი ან ხელფასი თუ გახსოვს?
- კი, მახსოვს, ძალიან ბევრი იყო იმ დროისთვის... ინტერნეტის რეკლამაში გადამიღეს და გადამიხადეს 200 დოლარი, მაშინ ეს პატარა თანხა ნამდვილად არ გახლდათ, მეგონა, ქვეყანა ჩემი იყო..
- რაში დახარჯე გახსოვს?
- არა.. მაშინდელი კი არა, დღესაც რომ მქონდეს 3000 დოლარი, ისე დავხარჯავ, ვერ გავიგებ, ძირითადად ასე ხდება ხოლმე, ვერ ვხვდები, რაში მეხარჯება თანხა.
- ფინანსურად კრიზისული პერიოდი თუ გქონია?
- კი, როგორ არა. ალბათ ყველა ადამიანის ცხოვრებაში ყოფილა მსგავსი პერიოდი და მეც არ ვარ გამონაკლისი. ვყოფილვარ სიტუაციაში, როცა ფული არ მქონია, არადა, ბევრი რამ ყოფილა გადასახდელი და არ ვიცოდი, რა უნდა გამეკეთებინა, მაგრამ არა უშავს, ყველაფერი ხდება ცხოვრებაში. ჩემთვის არაპრესტიჟული სამუშაო არ არსებობს, მხოლოდ ერთია ასეთი და ალბათ ხვდებით, რასაც ვგულისხმობ. ყველანაირი სამუშაო მისა-ღებია, პირადად მე ნებისმიერ ადგილას ვიმუშავებ, მთავარია, ადამიანს გულით გინდოდეს რაღაც. სხვათა შორის, ძალიან ბევრ ადგილას ვმუშაობდი, სანამ ტელევიზიაში დავსაქმდებოდი, მათ შორის იყო სხვადასხვა ბავშვთა გასართობი ცენტრი, ანიმატორი გახლდით თეატრალურ ინსტიტუტში სწავლის დროს, ასევე ვმუშაობდი რადიოში... სხვადასხვა სფეროში ძალების მოსინჯვა გამოცდილების დასაგროვებლად ძალიან კარგია.
- ფულის სესხება-გასესხების საკითხში როგორი ხარ?
- ჩვეულებრივი. როცა ვხვდები, რომ მეგობრებს სჭირდებათ ფული, თვითონვე ვაძლევ და ისინიც ასე არიან, თუ ხვდებიან, რომ იმ პერიოდში ფინანსურად არასახარბიელო სიტუაციაში ვარ, დახმარებას მთავაზობენ.
- ხშირად ამბობენ, ფული ადამიანებს ცვლისო...
- ასეცაა, მაგრამ მე ვერაფრით შემცვლის ფული. ბევრი ფული რომ მქონდეს, სხვანაირი კი არ გავხდები, უბრალოდ, შემეცვლება მდგომარეობა, თორემ სხვა არაფერი, რადგან ორ ლარსაც ისეთივე სიხარულით ვხარჯავ, როგორითაც დავიწყე თუმცა მალევე მივხვდი, რომ უნდა გავჩუმებულიყავი (იცინის). ისე, ხუთ და ათლარიანები მიპოვია რამდენჯერმე. ჩემსავე ჯიბეში დარჩენილ და გადავიწყებულ ფულსაც რომ ვპოულობ, ისიც კი მიხარია (იღიმის). გარდა ჯიბეებისა, ფულის შენახვა, გადანახვა ვიცი ტელეფონში, ანუ ტელეფონი ხომ დევს კაუჩუკის ჩასადებში, ჰოდა, მათ შორის ვიცი ხოლმე გარკვეული თანხის შენახვა, ამას წინათ გამიფუჭდა ის ჩასადები, გამოვცვალე და მაშინ ვიპოვე ადრე შენახული ფული... სულ ასე აქეთიქით ვტენი ათლარიანებს და მერე რომ ვპოულობ, მიხარია.
- ფულის შეგროვება შეგიძლია?
- არა, არაფრით.. ჩემი მეგობარი ბანკში მუშაობს და სულ მეჩხუბება, აიღე 50 ან 100 ლარი, გახსენი ყულაბა და გადადეო, მაგრამ ვერ ვახერხებ და რა ვქნა.
- რუსკა რამდენადაა ჩახედული შენს ფინანსურ საკითხებში, თუ სთხოვ ხოლმე დახმარებას?
- კი, როგორ არა, როცა ერთმა იცის, რომ მეორეს ფული სჭირდება, ეხმარება, აბა, როგორ, დები და ოჯახის წევრები ვართ...
- როდესაც საქმეს გთავაზობენ, რამდენად მნიშვნელოვანია ანაზღაურება?
- ძალიან მნიშვნელოვანია, რადგან როდესაც მუშაობ, გყავს შვილი, გჭირდება კიდეც ფული. როდესაც რომელიღაც კომპანიის სახე ხდები, შესაბამისად უნდა გადაგიხადონ და მხოლოდ გადაღების ჰონორარის, მაგალითად, 100 ლარის გაცემით არ უნდა დაკმაყოფილდნენ... შენს შრომას შენვე უნდა დაადო ფასი... ჩვენს ქვეყანაში ადამიანები ძალიან ბევრს შრომობენ, მაგრამ ნაკლებ თანხას უხდიან.
- შვილი გყავს, ბავშვს ბევრი რამ სჭირდება, ახერხებ მის უზრუნველყოფას ყველაფრით? ბავშვის მამა რამდენად გეხმარება ამ საკითხში?
- ვცდილობ უზრუნველვყო, რაც შეეხება მამას, ხანდახან მეხმარება, მაგრამ უფრო ხშირად არა (იცინის).
- ნინუცა, პირადი ურთიერთობის აწყობის დროს რა მნიშვნელობას ანიჭებ მამაკაცის ფინანსურ მხარეს?
- არანაირს, ამ ნიშნით არ ვარჩევ ადამიანებს... არც ვიცოდი, როგორი ფინანსური მდგომარეობა ჰქონდა ჩემს ყოფილ მეუღლეს, როცა ცოლად გავყევი, თუმცა ოჯახში ეს საკითხი ერთ-ერთი მნიშვნელოვანია და არა გადამწყვეტი.
- დაბოლოს, რა ხდება შენს პირად ცხოვრებაში...
- ეგ რა არის (იცინის)?
- არ იცი?
- არა (იცინის), რადგან ჩემი პირადი ცხოვრება არის სამსახური, ჩემი შვილი და ვარჯიში.

ციცი ომანიძე
ჟურნალი ''რეიიტნგი''