5 ფაქტორი, რაც ქალს მამაკაცის მიმართ ვნებას უქვეითებს
4 874 ნახვა
რა აღიზიანებთ ქალებს მამაკაცებში და რა უკარგავთ მათ ჩვენს მიმართ სურვილს? წარმოგიდგენთ სხვადასხვა კვლევებს იმის შესახებ, თუ რა აღიზიანებთ ქალებს მამაკაცში. შედეგების მიხედვით ქალებს დამკვიდრებულ სტერეოტიპებზე მეტად (მაგალითად უყურადღებობა, ნაკლებად რომანტიულობა და ა.შ.) არაჰიგიენურობა აწუხებთ. თითოეულმა მამაკაცმა იცის, რომ პირადი ჰიგიენა მნიშვნელოვანია, თუმცა, როგორც ჩანს ამას იმდენად ნაკლებ ყურადღებას ვუთმობთ, რომ კითხვაზე, რა გიკარგავთ მამაკაცის მიმართ სურვილს, ქალების აბსოლუტურმა უმრავლესობამ სწორედ არაჰიგიენურობა დაასახელა.
როგორც აღმოჩნდა, ქალები ძალიან მგრძნობიარეები არიან სუნის მიმართ, რაც სრულებით არ არის გასაკვირი. ამიტომ, პირველ რიგში, უმთავრესია ჰიგიენა.
გამოკითხული ქალები ამბობენ, რომ მათთვის უმთავრესია მოწესრიგებული პირის ღრუ და რომ, სულ მცირე სუნმაც კი, შესაძლოა, პარტნიორი მამაკაცის მიმართ სურვილი დააკარგვინოთ. ეს განსაკუთრებით მწეველმა მამაკაცებმა უნდა გაითვალისწინოთ. ასეა, არავის სიამოვნებს საფერფლესთან ზასაობა, როგორც გადატანითი, ასევე პირდაპირი მნიშვნელობით... ქალები ალკოჰოლის სუნზეც ცუდად რეაგირებენ. ასე რომ, ყურადღება მიაქციეთ პირის ღრუს, ეს მართლაც ძალიან მნიშვნელოვანია.
აღმოჩნდა, რომ ქალებს სურვილს უკარგავს მამაკაცი, რომელსაც ცუდი კბილები აქვს. ამიტომ, საპირისპირო სქესთან წარმატების მისაღწევად სტომატოლოგთან ვიზიტი ნამდვილად ღირს. მით უფრო, რომ სუსტი სქესის წარმომადგენლებზე მომხიბვლელი ღიმილი კარგად ჭრის...
შემდეგი ფაქტორი კვლავ ჰიგიენას უკავშირდება. ცნობილი ფაქტია, რომ ქალები დიდ ყურადღებას აქცევენ ფრჩხილებს და არა მხოლოდ საკუთარს... არავინ ითხოვს ჩვენგან, მამაკაცებისგან, ფრჩხილებზე სილამაზის სალონში ზრუნვას. უბრალოდ, ის, რაც შესაძლოა ჩვენთვის უმნიშვნელოა, საპირისპირო სქესის წარმომადგენლებისთვის პრიორიტეტულია, ასე რომ მოიწესრიგეთ ფრჩხილები.
კიდევ ერთი ფაქტორი, რაც ქალებს მამაკაცის მიმართ ვნებას უქვეითებს, ეს არის ბეწვები ცხვირში, რაც ესთეტიურად მართლაც არ არის სასიამოვნო. უსიამოვნოა მათი მოშორებაც, მაგრამ აუცილებელი.
ცნობილი ფაქტია, რომ მამაკაცების აბსოლუტურ უმრავლესობას ოფლიანობა ახასიათებს, რაც კიდევ ერთი დისკომფორტია ქალებისთვის.
თუმცა, ნურც ის დაგავიწყდებათ, რომ ქალებს არც ზედმეტად გადაპრანჭული მამაკაცები მოსწონთ, ამიტომ, ალბათ ეს კვლევის შედეგები ერთ დიდ ქართველ მწერალს რომ ენახა, არც უსარკობა ვარგა და არც მხოლოდ სარკიდამ გამოხედვაო, იტყოდა :)
ასეთია ის ძირითადი 5 ფაქტორი, რაც, ევროპის რამდენიმე ქვეყანაში ჩატარებული გამოკითხვის მიხედვით, ქალებს მამაკაცის მიმართ სურვილს უკარგავს. ვიმედოვნებ, რომ ამ სიას ქართველი ქალებიც შემატებენ საკუთარ პრეტენზიებს სტატიის ქვემოთ, კომენტარების საშუალებით, რაც ერთნაირად გამოსადეგი იქნება, როგორც ქალებისთვის, ასევე მამკაცებისთვის, რათა მეტად კომფორტული და ჰარმონიული გავხადოთ ურთიერთობა.
წყარო
