ჩიჩოლინას მემკვიდრე მსოფლიო პორნოფესტივალის სახე გახდა

რუსი მომღერალი, მოდელი და ტელეწამყვანი ბარსელონის ეროტიკული კინოს ფესტივალის მთავარ მონაწილედ გამოაცხადეს. წელს კინოფესტივალს სახელად Klic-Klic დაერქვა, ფოტოაპარატის ჩხაკუნის მიმსგავსებით.

ის მოზრდილთათვის ფილმების მსოფლიოს უდიდესი ფესტივალია. ლას-ვეგასის, ბერლინისა და კანის ანალოგიური ფესტივალებისგან განსხვავებით, ის გაცილებით უფრო მასშტაბურია. 2005 წელს კატალონიის ხელისუფლებამ რეგიონის უმნიშვნელოვანეს სანახაობრივ მოვლენასაც გაუთანაბრა.

დაჯილდოების ცერემონიის გარდა ფესტივალი ცნობილია ასობით სტრიპტიზ და სექსშოუებით, რომლებშიც ვარსკვლავებთან ერთად მაყურებელიც მონაწილეობს. ხუთი დღის განმავლობაში ფესტივალს 100 ათასამდე ადამიანი სტუმრობს.

სწორედ ამ ფესტივალის მთავარ სახედ აღიარეს წელს კატია სამბუკა, რომელიც ნომინირებულია პრიზზე ''საუკეთესო მსოფლიო ეროტიკული საკლუბო შოუსთვის'' .

- ჩემთვის დიდი პატივია, პლანეტის ყველაზე სექსუალური გოგონების სიის სათავეში რომ აღმოვჩნდი, - ამბობს კატია, - ტანსაცმელში ყველა ლამაზია, მაგრამ აბა, გაიხადეთ და ისე აჩვენეთ სილამაზე. მე მსიამოვნებს ლამაზი, მხიარული ადამიანების წრეში ყოფნა და გარშემო მყოფებისთვის სიხარულის მინიჭება.

რაც შეეხება რუს კატიას, ის 1991 წელს პეტერბურგში დაიბადა, ყოფილი ტანმოვარჯიშისა და ჩვეულებრივი მშენებლის ოჯახში. სკოლის დამთავრების შემდეგ კულინარიულ ტექნიკუმში სწავლობდა, საიდანაც გამოაგდეს ერთ-ერთ რუსულ ტელეარხზე პორნოგადაცემაში მონაწილეობის გამო.

15 წლის იყო, როცა მისი სახის მიხედვით ლონდონში ბავშვებისთვის სათამაშო შექმნეს. ადრე თოჯინების ამ ხაზის პროტოტიპები იყვნენ ნიკოლ კიდმანი, ჯესიკა ალბა და ავრილ ლავინი. მიუხედავად არასრულწლოვნებისა, 16 წლისას დართეს ნება, გათხოვილიყო, რადგან შვილი პორნოფილმების ცნობილი რეჟისორის ბობი ჯეკისგან გააჩინა.

ბავშვის სახელსა და მის ფოტოებს კატია არ აქვეყნებს, ''მეშინია, თვალი არ ეცესო'' , ამბობს.
კატია სამბუკა ''პლეიბოის'' ჩილური ვარიანტის წლის გოგონა და ''პორნოოსკარის'' მფლობელია პორტუგალიურ პორტოში გამართულ ფესტივალზე. ის ჩიჩოლინამ თავის მემკვიდრედ, თავისი შემოქმედების გამგრძელებლად დაასახელა.

კატიას მუსიკალურმა კლიპმა ''იუთუბზე'' ოთხი ჯილდო მიიღო, როგორც ''ნახვების ლიდერმა'' , ''განხილვების ლიდერმა'' , ''ყველაზე პოპულარულმა ვიდეომ განყოფილებაში ადამიანები და ბლოგები'' და ''პირველმა რჩეულთა ტოპში'' . ორ კვირაში ვიდეო მოხსნეს, როგორც ამტკიცებენ, ლედი გაგას კუთვნილი ერთ-ერთი მედიაარხის საჩივრის თანახმად, რომელმაც სამბუკაში სერიოზული კონკურენტი დაინახა.

კატიას არც ერთ პორნოფილმში არ უთამაშია ის ძირითადად ეროტიკული შოუებითა და კლიპებით არის ცნობილი. ''არ მჭირდება კინოსტუდიების მილიონიანი ბიუჯეტები, - ამბობს სამბუკა, - უბრალოდ ვდებ ჩემს კლიპს და ხალხი თვითონ ირჩევს, რა აინტერესებს.

სხვა საქმეა, რომ ჩემი შემოქმედების ზოგიერთი მომენტი სასკოლო ასაკის არ არის. ასეთი რამ მხოლოდ შეზღუდულად უნდა მიეწოდებოდეს და ფასიანი უნდა იყოს'' .