ჯანეტ ქერდიყოშვილი "Хочу в ВИА ГРУ"-ს მეორე ტურში +ვიდეო

27 სექტემბერს კონსტანტინ მელაძის მასშტაბური პროექტის "Хочу в ВИА ГРУ"-ს მეორე ტური გავიდა ეთერში. ტურმა ორ ეტაპად ჩაიარა. პირველ ეტაპზე გოგონებმა ცეკვის კონკურსი გაიარეს, რომელსაც უნდა წარმოეჩინა მათი ქორეოგრაფიული მონაცემები და ამ კონკურსის შედეგებით მეორე ეტაპზე გასულიყვნენ.

ცეკვის კონკურსი 21-მა მონაწილემ ვერ გადალახა და მეორე ტურში 60 მონაწილიდან მხოლოდ 39 გოგონა გადავიდა, მათ შორის ქართველი მონაწილე "მის საქართველო 2011" ჯანეტ ქერდიყოშვილი.

მეორე ეტაპი უკვე ჯგუფის შექმნას ითვალისწინებდა. დარჩენილი კონკურსანტები ტრიოებად და დუეტებად დაჯგუფდნენ და ჟიურის წინაშე წარსადგენი მუსიკალური ნომერი მოამზადეს. თუ როგორ გაართვა თავი ქართველმა "მისმა" საკმაოდ რთულ მეორე ტურს ვიდეოში იხილავთ...