პრინცესა დიანამ მიდლტონს რჩევები მისცა

პრინცესა დიანამ დაღუპვამდე რამდენიმე დღით ადრე გააკეთა აუდიოჩანაწერი, რომელშიც პრინც ჰარის და მის მომავალ მეუღლეს რჩევებს აძლევს. ჩანაწერი ერთ-ერთი ამერიკული გამოცემის ჟურნალისტებმა აღმოაჩინეს. ამის შესახებ Daily Mail-ი იუწყება. თუმცა ჩანაწერის სანდოობაზე განცხადება ჯერ არ გაკეთებულა.
ბრიტანული გამოცემა აუდიოჩანაწერის პატარა მონაკვეთს ასაჯაროებს.
„გაუფრთხილდით თქვენს შვილებს ჩემი გულისთვის. იცოდენ, რომ მე ისინი მეყვარება და მათ თვალყურს ვადევნებ“, - ამბობს დიანას ხმა, რომელიც აქვე აღნიშნავს, რომ უილიამის ცოლი იქნება „ლამაზი, ჭკვიანი და დამოუკიდებელი.“
„ვიცი, რომ გაგაღმერთებ. შენ უნდა იყო განსაკუთრებული, სხვა შემთხვევაში, შენ ვერ გახდებოდი უილიამის მეუღლე“, - მიმართავს ჩანაწერში დიანა მომავალ რძალს.
გამოცემასთან საუბარში დიანას ერთ-ერთი ახლო მეგობარი, რომლის ვინაობაც არ სახელდება, აღნიშნავს, რომ პრინცესა დიანამ ჩანაწერი გააკეთა, რადგან შიშობდა, რომ მის სიცოცხლეს საფრთხე ემუქრებოდა, თუმცა საფრთხის წყაროს შესახებ დიანას მეგობარი არ საუბრობს.