მონიკა ბელუჩი სილამაზის შესახებ

მონიკა ბელუჩი 30 სექტემბერს, 49 წლის გახდა. ამ ასაკში კი ბელუჩი ქალბატონებს სილამაზისკენ მოუწოდებს და მათთვის რჩევებსაც არ იშურებს:
1. ნუ შეგაშინებთ ასაკი
მონიკა ბელუჩიმ ერთ-ერთ ინტერვიუში თქვა: "მე ბუნებრივი მოვლენების წინააღმდეგი არ ვარ. ადამიანები თვლიან, რომ ეს ნორმალურია. ორმოცი წლის ქალი, რომელიც ცდილობს 20 წლის გოგონას დაემსგავსოს, სასაცილოა."
2. მთავარი იარაღი - წითელი ტუჩის საცხი
"გინდათ რომ მამაკაცებმა შეგამჩნიოთ? გამოიყენეთ ამისათვის წითელი ტუჩის საცხი! მე ის ყოველთვის მომწონდა. ქალებს ეს სიყვარული, დედებისგან და ბებიებისგან მოჰყვებათ. სარკეში ჩახედვა და საცხის წასმა, ყველა ქალისთვის ბუნებრივი და სასიამოვნო პროცესია,"- უთხრა მსახიობმა Daily Mail-ს. მონიკამ ეს რჩევა ბებიისგან მიიღო, რომელიც სიბერემდე წითელ ტუჩის საცხს იყენებდა, იმ დროსაც კი, როცა ეკლესიაში შედიოდა.
3. გახსოვდეთ მაღალქუსლიანი ფეხსაცმელები
"კრისტიან ლაბუტინი - ჩემი ღმერთია!" - გამუდმებით იმეორებს მსახიობი. ის ამბობს, რომ ქუსლიანი ფეხსაცმლის გარეშე, თავი ვერ წარმოუდგენია. თუმცა სიმართლეა, რომ ის ხალხის წინაშე "ბალეტკებითაც" გამოჩენილა, მაგრამ მხოლოდ მგზავრობისას.
4. იამაყეთ თვქენი ტანით!
178 სანტიმეტრის სიმაღლის მონიკა 68 კილოგრამს იწონის. ასეთი ფორმა ჰოლივუდის მსახიობისთის, ფუფუნებაა. მონიკა ბელუჩი გამუდმებით იმეორებს, რომ საკუთარ ტანი უყვარს და მისით ამაყობს კიდეც. ის თვლის, რომ ქალის მიმზიდველობა მხოლოს მის წელზე ან მკერდზე არაა დამოკიდებული. მთავარი, მისი აზრით, ადამიანის საკუთარი თავისადმი დამოკიდებულებაა.
5. ოჯახი პირველ ადგილზე
მონიკა ბელუჩი მიიჩნევს, რო ქალს სამსახურისა და ოჯახისთვის დროის თანაბრად გადანაწილება უნდა შეეძლოს. ის ამბობს, რომ არ შეიძლება ქალი პირადი ცხოვრების გარეშე ბედნიერი იყოს. "მე არ მინდა მუშაობა პირველ ადგილას დავაყენო, რადგან ჩემთვის შვილები გაცილებით მნიშვნელოვანია," - აცხადებს მსახიობი.