ჯინსის ფრჩხილები: ინსტრუქცია ნაბიჯ-ნაბიჯ

ფრჩხილზე ჯინსის დიზაინის გასაკეთებლად თქვენ დაგჭირდებათ არა მხოლოდ ჩვეული ბაზა, საშრობი და ფერადი ლაკი, არამედ აკრილის საღებავიც. შეგიძლიათ ჩაატაროთ ექსპერიმენტი სხვა სამხატვრო საღებავებით - მაგალითად, ტემპერათი ან ზეთითაც კი. გამოდგება ინტერიერის ნებისმიერი სქელი საღებავიც.

ნაბიჯი 1. ვისვამთ გამჭვირვალე, ფრჩხილის გასამაგრებელ ბაზას. შემდეგ - ორ ფენას ფრჩხილის ლურჯ ლაქს ინდიგოს ტონიდან დაწყებული, რუხი-მოლურჯოთი დამთავრებული. ლაქი რაც უფრო ახლოს იქნება ჯინსის ფერთან, მით რეალისტური გამოვა ნახატი. ფრჩხილის ლაქის ლურჯი ჯინსის ტონები მოდის ზენიტში სულ ახლახან იყო (ის დღესაც აქტუალურია), ამიტომაც შესაფერისი ფერის შოვნა არ გაგიჭირდებათ.

ნაბიჯი 2. ვიღებთ ძველ, უხეშ ჯაგრისს და თეთრ საღებავს. ფუნჯით მცირეოდენი საღებავით ვიკეთებთ საფარს ფრჩხილის ფუძიდან მის კიდემდე. არ აიღოთ ბევრი საღებავი. წასმამდე გაწმინდეთ ჯაგრისი ხელსახოცით იმისათვის, რომ შექმნათ მშრალი ფუნჯით დახატულის ეფექტი. შემდეგ ვააფიქსირებთ ამ ფენას გამჭვირვალე ლაქით, რადგან ამის შემდეგ კიდევ მოგვიწევს აკრილის საღებავით ერთი ფენის გაკეთება, საღებავები კი ერთმანეთში არ უნდა აიზილოს.

ნაბიჯი 3. ახლა იგივე მეთოდით, მშრალი ფუნჯით ვღებავთ ჰორიზონტალური მიმართულებით. იმისათვის, რომ შევქმნათ გახეხილი ჯინსის ეფექტი, აიღეთ სპონჟზე (ღრუბელზე) ცოტაოდენი ლურჯი ფერის (ფონის) ლაქი და ალაგ-ალაგ შეეხეთ ფრჩხილს, რომ ოდნავ "გაიდღაბნოს" თეთრი საღებავი.

ნაბიჯი 4. თუ გაქვთ არალამინირებული ზედა საფარი, უმჯობესი იქნება, ფრჩხილები ამით დაიფაროთ. თუ არ გაქვთ, ნებისმიერი გამჭვირვალე ლაქი გამოგადგებათ. შემდეგ - ვხატავთ "გვირისტს" და "კნოპებს". შეგიძლიათ გააკეთოთ სადა დიზაინი, ან პირიქით, მყვირალა - მაგალითად, ა-ლა ჯიბეები ან პლანკები ღილებით. "გვირისტის" დასახატად დაგჭირდებათ თეთრი ფრჩხილის ლაქი და წვრილი ფუნჯი. "კნოპები" მბზინავი ფირფიტებისგან გაიკეთეთ.