20 მიზეზი ღიმილისათვის, ანუ როგორ ვიპოვოთ ბედნიერება

1. დაამკვიდრეთ რაიმე ტრადიცია

მაგალითად, თვეში ერთხელ საკუთარ თავსა და ახლობლებს პატარა, უმნიშვნელო საჩუქრები მაინც გაუკეთეთ.

2. არის კონტაქტი

უფრო ხშირად ეკონტაქტეთ დადებითად განწყობილ ადამიანებს, რომლებიც ცხოვრებისეულ სირთულეებს არ მოგახვევენ თავს. კარგი განწყობა კი ბედნიერებისთვის მთავარია.

3. სიცილის თერაპია

დილაობით სარკის წინ იცინეთ. 4 წლის ბავშვი დღეში 500-ჯერ იცინის, მოზრდილი კი მხოლოდ 15-ჯერ.

4. წყალი, წყალიიიიი!..

წყალთან კონტაქტის ერთი შანსიც არ გაუშვათ ხელიდან... ეს საუკეთესო საშუალებაა დაგროვილი უარყოფითი ენერგიისგან გასათავისუფლებლად. მდინარე ან ტბა თქვენგან შორია? უკიდურეს შემთხვევაში, შხაპის მიღებაც გიშველით.

5. მხოლოდ კარგზე

ყოველთვის მხოლოდ კარგზე იფიქრეთ, იმ შემთხვევაშიც კი, თუ რაიმე კონკრეტული მიზეზი არ გაქვთ. თუ ხშირად მოიქცევით ასე, ცუდი და უარყოფითი ფიქრები ვერ შეძლებენ თქვენში "დაბუდებას".

6. ვაშა, პიკნიკიიიი!

ბუნება, ამინდი, მწვადი მდინარის პირას... მაინც რა ცოტა გვინდა ბედნიერებისთვის!

7. დღის სინათლე

ხშირად გადით ქუჩაში. იარეთ კონცერტებზე, გამოფენებსა თუ სპექტაკლებზე. თქვენი ცუდი ხასიათის დონე, სულ ცოტა, 10 პუნქტით დაიკლებს.

8. გემო ბავშვობიდან

რა გიყვარდათ ყველაზე მეტად? - ესკიმო, შოკოლადის თუ ხილის ნაყინი? მიეცით თავს უფლება, კიდევ ერთხელ გაიხსენოთ სწორედ ის გემო.

9. უბრალოდ, კომედია

გადახედეთ საყვარელ კინოკომედიებს - ეს დარდს ნამდვილად გაგიქარვებთ. ასეთია ხელოვნების ძალა.

10. მარწყვი ან ჟოლო

ისინი ააქტიურებენ ჩვენს გრძნობებს. ამასთან, გემრიელი, არომატული და სასიამოვნოა. ეს ყველაფერი ერთად კი ძალიან კარგი რამაა.

11. მკვეთრი ფერის პომადა

შეიძლება, ძალიან კაშკაშაც არ იყოს, მაგრამ მთავარია, როდესაც ის გისვიათ, თავს თავდაჯერებულად გრძნობდეთ.

12. ცნობისათვის

ყოველთვის თან იქონიეთ პატარა ბლოკნოტი და ფანქარი, იქნებ დღის განმავლობაში რამე ნათელმა იდეამ გაგიელვოთ. ის აუცილებლად ჩაინიშნეთ, საღამოს კი ბრძნულ იდეებს რევიზია ჩაუტარეთ და ამ საქმიდან რაღაც აუცილებლად გამოვა.

13. აი, ასეთი ანეკდოტი

ინტერნეტით მოძებნე ანეკდოტები, ყველაზე სასაცილოები კი სხვებსაც მოუყევი.

14. განაახლე

შოპინგი იდეალურია სევდის გასაქარვებლად. ერთი შენაძენიც კი თითქოს აცოცხლებს მთელ თქვენს გარდერობს.

15. მწვანე

ეს ფერი ყველაზე მეტად ამშვიდებს ნერვულ სისტემას. შეიძინეთ მაგალითად, მწვანე ფეხსაცმელი, რატომაც არა?

16. გახდით იოგის მიმდევარი

დაკავდით სიცილის თერაპიით (ჰასიაიოგით). ეს ტრადიცია ინდოეთიდან იღებს სათავეს. იგი სუნთქვის სწორად განაწილებაზეა დაფუძნებული და სიცილის იმიტაციის ეფექტი აქვს...

17. საოცარი კოქტეილი

მაღალი ბოკალი, ლაიმის ნაჭერი, ცოტა პიტნა - ესაა სასმელი, რომლის დალევის შემდეგაც სისხლი ჩქეფას იწყებს, თვალები კი - ბრჭყვიალს.

18. გაიღიმეთ

როცა სევდა შემოგიტევთ, მოძებნეთ ფოტო, რომელშიც ყველაზე მეტად მოგწონთ საკუთარი თავი. გვენდეთ, ეს ძალიან იმოქმედებს თქვენს განწყობაზე.

19. პატარა პიკასოები
სთხოვეთ პატარას, დაგხატოთ. გვერწმუნეთ, ძალიან გაერთობით.

20. ბედნიერების ბაღი
არაფერი შეედრება იმ სილამაზეს, როცა უყურებ, როგორ ფარფატებს ნაზი პეპელა ყვავილიდან ყვავილზე, როდესაც ბალახის სურნელს შეიგრძნობთ. სენტიმენტალურია, მაგრამ განწყობას ამაღლებს.