ჩემპიონატი მობილურების ტყორცნაში

ფინეთის ქალაქ სავონლინაში მსოფლიო ჩემპიონატი გაიმართა მობილური ტელეფონების სროლაში. ჩემპიონატის წესების თანახმად, მობილურის წონა 220–დან 400 გრამამდე უნდა ყოფილიყო. უცნაური ჩემპიონატის ჩატარების იდეა 2000 წელს ადგილობრივ მცხოვრებს, კრისტინა ლუდის გაუჩნდა. მას შემდეგ შოუ ასობით ტურისტსა და მონაწილეს იზიდავს. ამჯერად მამაკაცებს შორის ფინელმა რიკუ ხავერინემ გაიმარჯვა, რომელმაც თავისი მობილური 97,73 მეტრზე ისროლა, ხოლო ქალებს შორის საუკეთესო შვედი ოსა ლუნდგრენი აღმოჩნდა, რომელმაც მობილური 40,41 მეტრზე ისროლა. მომავალი ჩემპიონატი 2014 წლის აგვისტოში ისევ სავონლინაში ჩატარდება.