ნიკა ლომიძე: "მე და ნანიკო ხაზარაძე სიხარულით დავიშალეთ"
2 175 ნახვა
ტელესახე ნიკა ლომიძე ეკრანიდან კვლავ გაუჩინარდა, მაგრამ – დროებით. ამბობს, რომ ისევ ტელეკომპანია "მაესტროს" ეთერში გამოჩნდება, სადაც გასართობ შოუს წაიყვანს. თვლის, რომ გადაცემა "შუადღე", რომელიც ნანიკო ხაზარაძესთან ერთად მიჰყავდა, ისეთი არ იყო, როგორიც წარმოედგინა. ამიტომ მისი დახურვის გამო დიდად არ უნერვიულა, უფრო მეტიც, ეს გადაწყვეტილება ტელევიზიის ხელმძღვანელებთან ერთად თავად მიიღო. ნიკა ერთ–ერთი სარეკლამო კომპანიის ხელმძღვანელი და "მაესტროს" არტდირექტორია. მისი საქმე 24 საათიან მუშაობას მოითხოვს, მაგრამ დრო ოჯახისთვის მაინც ყოველთვის რჩება. 11 წელია, ის და თეა გობეჯიშვილი ცოლ–ქმარი არიან. მათი საერთო შვილი, ნიტა, მალე 10 წლის გახდება. ის უკვე პოპულარული გოგონაა, სპექტაკლებსა და ფილმებში იწვევენ, რითიც მამიკო ძალიან ამაყობს.
– ნიკა, რატომ დაიხურა "მაესტროზე" თქვენი გადაცემა? რეიტინგი არ ჰქონდა?
– თქვენ წარმოიდგინეთ, რეიტინგი ჰქონდა. ჩვენ თვითონვე ვიყავით უკმაყოფილონი, რადგან იმ გადაცემით ახალი არაფერი გვითქვამს. ბევრ არხზეა შუადღის გადაცემა და ჩვენი მათგან არაფრით განსხვავდებოდა. უნდა ვაღიაროთ, რომ ახალი ვერაფერი გავაკეთეთ. მოკლედ, არ იყო ის, რაც ჩვენ გვინდოდა.
– პრობლემა ისიც ხომ არ იყო, რომ თქვენ და ნანიკო ხაზარაძეს ერთად მუშაობა არ გამოგივიდათ?
– არა, ნანიკოს და ნიკას თავიდან "შეთამაშება" ძალიან მარტივად მოხდა, ერთმანეთთან კონტაქტი ჩვენ არასდროს გაგვიწყვეტია, ჩვენ შორის მეგობრობა არასდროს დაკარგულა. "ტოროლები" კი აღარ განმეორდება, რადგან ის იყო პირველი ახალი სიტყვა ქართულ ტელესივრცეში. მაშინ ჩვენც პატარები ვიყავით, თავში გვიქროდა, ვაფრენდით... თუმცა არც ახლა მიჭირს გაფრენა. რომ გითხრათ, მთლად დალაგებული ვარ–მეთქი, მართალი არ ვიქნები (იცინის). ჩვენი ეს ბოლო გადაცემა "ტოროლებისგან" აბსოლუტურად განსხვავდებოდა, სულ სხვა ფორმატის იყო, მაგრამ, ისევ ვიმეორებ, ისეთი არ იყო, როგორიც უნდა ყოფილიყო. ზედმეტად სტანდარტული აღმოჩნდა, არც სათანადო თემები გვქონდა, რომ გაგვეფრინა. ძალიან მძიმე სოციალურ თემებთან მოგვიწია შეხება. მე და ნანიკო "საკაიფოდ", სიხარულით დავიშალეთ. ძალიან გაგვიხარდა, რომ გადაცემა დაიხურა. ტელევიზიაში ყველანი ერთად დავსხედით და ეს გადაწყვეტილება მივიღეთ. "მაესტრო" ერთი დიდი ოჯახია, იქ ცალმხრივად არავინ არაფერს წყვეტს. წლების წინ კი, როცა "ტოროლები" დაიხურა და "მაესტროც" გაქრა ტელესივრციდან, ჩვენი დაშლა მართლა მტკივნეული იყო. ყველამ კარგად იცის, იმ დროს "მაესტრო" რატომ გაქრა ტელესივრციდან და, იმედია, მსგავსი რამ არასდროს განმეორდება.
– ნანიკო ტელეკომპანია "იმედზე" გადავიდა, თქვენ რას აპირებთ?
– ნანიკო გადარეულია "იმედზე". ყოველთვის აღნიშნავდა, რომ ის გარემო, სადაც მუშაობდა, ძალიან მოსწონდა. ახლა კი დაუბრუნდა იმ ადგილს, სადაც თავს კარგად გრძნობს. მან მიიღო გადაწყვეტილება, არ დაეკარგა დრო და სხვა ტელეკომპანიაში წასულიყო. რაც შეეხება ჩემს წამყვანობას, ამ მხრივ, უახლოეს მომავალში არაფერი იქნება, მაგრამ გრანდიოზული გადაცემისთვის ვემზადებით. ქართულ ტელესივრცეში უპრეცედენტო შოუს გავაკეთებთ. საუბარია გასართობ პროექტზე, მეტს არაფერს გეტყვით, დაგველოდეთ.
– ანუ ისევ "მაესტროზე" რჩებით?
– ჩემი და "მაესტროს" თანამშრომლობა ერთხელ უკვე შეწყდა, რაც არ მომწონდა. ვფიქრობ, რადგან კვლავ დავბრუნდი ოჯახში, სადაც გავიზარდე, ბევრი ვისწავლე და გამოცდილება დავაგროვე, ეს ურთიერთობა აღარ უნდა შეწყდეს.
– ზოგი ძალიან მტკივნეულად აღიქვამს ტელეეკრანიდან გაუჩინარებას. თქვენ ეს არ გიჭირთ?
– მე – არა. სიმართლე ცუდად კი გამომივა, მაგრამ ამის გამო მართლაც ემართებათ დეპრესია იმ ადამიანებს, რომლებსაც დორბლი სდით იმაზე, რომ ეთერში ისხდნენ. უდიდეს მსახიობს, რამაზ ჩხიკვაძეს, როცა კომპლიმენტს ეუბნებოდნენ, ყოველთვის რცხვენოდა, არასოდეს ამბობდა, რომ ვარსკვლავი იყო. ახლა კი ზოგიერთებს მართლა ვარსკვლავი ჰგონიათ თავი. თუმცა, ისიც უნდა ითქვას, რომ ტელეეთერი სერიოზული ნარკოტიკია, სულ გინდა, რომ იქ მუშაობდე.
– ახლა რას საქმიანობთ? რა არის თქვენი შემოსავლის წყარო?
– სარეკლამო კომპანიაში ვმუშაობ და ეს არის ჩემი ძირითადი საქმე. ვიღებთ სარეკლამო კლიპებს, ვაწყობთ ივენთებს... სხვათა შორის, "მაესტროს" ვიზუალურ მხარეზე ჩვენი კომპანია ზრუნავს. ბევრი რომ არ გავაგრძელო, "მაესტროს" არტდირექტორი ვარ და მის ვიზუალს მე უნდა მივხედო. 24 საათი ვმუშაობ და არავინ იცის, სახლში როდის შევდივარ, როდის ვიძინებ.
– ოჯახის წევრები როგორ ეგუებიან თქვენს ასეთ რთულ სამუშაო გრაფიკს?
– ვცდილობ, ოჯახსაც დიდი დრო დავუთმო. შვილთან განსაკუთრებით ყურადღებიანი ვარ, რადგან ჩემზე ისტერიკა სჭირს, ძალიან ვუყვარვარ. თეა ახლა საქართველოში არ არის და ნიტას ჩემთან ერთად სძინავს. მე და თეა უკვე 11 წელია, რაც ცოლ–ქმარი ვართ. ერთმანეთი ისევე გვიყვარს, როგორც 11 წლის წინ. ცოლქმრობაში არ არსებობს კრიზისი, როდესაც არის სიყვარული. მოკლედ, ჩვენს ოჯახში ყველაფერი კარგად არის, ვგიჟდები ჩემს გოგოებზე – თეასა და ნიტაზე და ვართ სიამტკბილობაში.
– ნიტა ქართველმა მაყურებელმა უკვე გაიცნო ფილმით "ცელქი ბავშვები". კიდევ ხომ არ აკავებენ რაიმე როლში?
– ნიტას ცხოვრებაში ბევრი საინტერესო სიახლეა. როგორც ვიცი, ფილმ "ცელქი ბავშვების" მეორე სერიის გადაღება იგეგმება, ასევე დათო დოიაშვილი დგამს სპექტაკლს, სადაც ჩემს გოგოს კვლავ დააკავებს. ნიტა 22 სექტემბერს 10 წლის ხდება, ის ჩემზე უარესად აფრენს. ტანმოვარჯიშეა. დღეში 4 საათი ვარჯიშობს. ამის ფონზე, არ ვიცი, სკოლისთვის როგორ მოიცლის. კარგად სწავლობს, მაგრამ, როგორც ყველა ბავშვს, მასაც ბევრი ჩიჩინი სჭირდება. ნიტა ხან თეას ჰგავს, ხან – მე. მე უფრო ნიჭით, სითბოთი და სილამაზით მგავს. ჩვენს ცხოვრებაში ნიტამ ყველაფერი შეცვალა, ჩემს ყველაზე დიდ მიღწევად ნიტას არსებობა მიმაჩნია.
– ნიკა, რატომ დაიხურა "მაესტროზე" თქვენი გადაცემა? რეიტინგი არ ჰქონდა?
– თქვენ წარმოიდგინეთ, რეიტინგი ჰქონდა. ჩვენ თვითონვე ვიყავით უკმაყოფილონი, რადგან იმ გადაცემით ახალი არაფერი გვითქვამს. ბევრ არხზეა შუადღის გადაცემა და ჩვენი მათგან არაფრით განსხვავდებოდა. უნდა ვაღიაროთ, რომ ახალი ვერაფერი გავაკეთეთ. მოკლედ, არ იყო ის, რაც ჩვენ გვინდოდა.
– პრობლემა ისიც ხომ არ იყო, რომ თქვენ და ნანიკო ხაზარაძეს ერთად მუშაობა არ გამოგივიდათ?
– არა, ნანიკოს და ნიკას თავიდან "შეთამაშება" ძალიან მარტივად მოხდა, ერთმანეთთან კონტაქტი ჩვენ არასდროს გაგვიწყვეტია, ჩვენ შორის მეგობრობა არასდროს დაკარგულა. "ტოროლები" კი აღარ განმეორდება, რადგან ის იყო პირველი ახალი სიტყვა ქართულ ტელესივრცეში. მაშინ ჩვენც პატარები ვიყავით, თავში გვიქროდა, ვაფრენდით... თუმცა არც ახლა მიჭირს გაფრენა. რომ გითხრათ, მთლად დალაგებული ვარ–მეთქი, მართალი არ ვიქნები (იცინის). ჩვენი ეს ბოლო გადაცემა "ტოროლებისგან" აბსოლუტურად განსხვავდებოდა, სულ სხვა ფორმატის იყო, მაგრამ, ისევ ვიმეორებ, ისეთი არ იყო, როგორიც უნდა ყოფილიყო. ზედმეტად სტანდარტული აღმოჩნდა, არც სათანადო თემები გვქონდა, რომ გაგვეფრინა. ძალიან მძიმე სოციალურ თემებთან მოგვიწია შეხება. მე და ნანიკო "საკაიფოდ", სიხარულით დავიშალეთ. ძალიან გაგვიხარდა, რომ გადაცემა დაიხურა. ტელევიზიაში ყველანი ერთად დავსხედით და ეს გადაწყვეტილება მივიღეთ. "მაესტრო" ერთი დიდი ოჯახია, იქ ცალმხრივად არავინ არაფერს წყვეტს. წლების წინ კი, როცა "ტოროლები" დაიხურა და "მაესტროც" გაქრა ტელესივრციდან, ჩვენი დაშლა მართლა მტკივნეული იყო. ყველამ კარგად იცის, იმ დროს "მაესტრო" რატომ გაქრა ტელესივრციდან და, იმედია, მსგავსი რამ არასდროს განმეორდება.
– ნანიკო ტელეკომპანია "იმედზე" გადავიდა, თქვენ რას აპირებთ?
– ნანიკო გადარეულია "იმედზე". ყოველთვის აღნიშნავდა, რომ ის გარემო, სადაც მუშაობდა, ძალიან მოსწონდა. ახლა კი დაუბრუნდა იმ ადგილს, სადაც თავს კარგად გრძნობს. მან მიიღო გადაწყვეტილება, არ დაეკარგა დრო და სხვა ტელეკომპანიაში წასულიყო. რაც შეეხება ჩემს წამყვანობას, ამ მხრივ, უახლოეს მომავალში არაფერი იქნება, მაგრამ გრანდიოზული გადაცემისთვის ვემზადებით. ქართულ ტელესივრცეში უპრეცედენტო შოუს გავაკეთებთ. საუბარია გასართობ პროექტზე, მეტს არაფერს გეტყვით, დაგველოდეთ.
– ანუ ისევ "მაესტროზე" რჩებით?
– ჩემი და "მაესტროს" თანამშრომლობა ერთხელ უკვე შეწყდა, რაც არ მომწონდა. ვფიქრობ, რადგან კვლავ დავბრუნდი ოჯახში, სადაც გავიზარდე, ბევრი ვისწავლე და გამოცდილება დავაგროვე, ეს ურთიერთობა აღარ უნდა შეწყდეს.
– ზოგი ძალიან მტკივნეულად აღიქვამს ტელეეკრანიდან გაუჩინარებას. თქვენ ეს არ გიჭირთ?
– მე – არა. სიმართლე ცუდად კი გამომივა, მაგრამ ამის გამო მართლაც ემართებათ დეპრესია იმ ადამიანებს, რომლებსაც დორბლი სდით იმაზე, რომ ეთერში ისხდნენ. უდიდეს მსახიობს, რამაზ ჩხიკვაძეს, როცა კომპლიმენტს ეუბნებოდნენ, ყოველთვის რცხვენოდა, არასოდეს ამბობდა, რომ ვარსკვლავი იყო. ახლა კი ზოგიერთებს მართლა ვარსკვლავი ჰგონიათ თავი. თუმცა, ისიც უნდა ითქვას, რომ ტელეეთერი სერიოზული ნარკოტიკია, სულ გინდა, რომ იქ მუშაობდე.
– ახლა რას საქმიანობთ? რა არის თქვენი შემოსავლის წყარო?
– სარეკლამო კომპანიაში ვმუშაობ და ეს არის ჩემი ძირითადი საქმე. ვიღებთ სარეკლამო კლიპებს, ვაწყობთ ივენთებს... სხვათა შორის, "მაესტროს" ვიზუალურ მხარეზე ჩვენი კომპანია ზრუნავს. ბევრი რომ არ გავაგრძელო, "მაესტროს" არტდირექტორი ვარ და მის ვიზუალს მე უნდა მივხედო. 24 საათი ვმუშაობ და არავინ იცის, სახლში როდის შევდივარ, როდის ვიძინებ.
– ოჯახის წევრები როგორ ეგუებიან თქვენს ასეთ რთულ სამუშაო გრაფიკს?
– ვცდილობ, ოჯახსაც დიდი დრო დავუთმო. შვილთან განსაკუთრებით ყურადღებიანი ვარ, რადგან ჩემზე ისტერიკა სჭირს, ძალიან ვუყვარვარ. თეა ახლა საქართველოში არ არის და ნიტას ჩემთან ერთად სძინავს. მე და თეა უკვე 11 წელია, რაც ცოლ–ქმარი ვართ. ერთმანეთი ისევე გვიყვარს, როგორც 11 წლის წინ. ცოლქმრობაში არ არსებობს კრიზისი, როდესაც არის სიყვარული. მოკლედ, ჩვენს ოჯახში ყველაფერი კარგად არის, ვგიჟდები ჩემს გოგოებზე – თეასა და ნიტაზე და ვართ სიამტკბილობაში.
– ნიტა ქართველმა მაყურებელმა უკვე გაიცნო ფილმით "ცელქი ბავშვები". კიდევ ხომ არ აკავებენ რაიმე როლში?
– ნიტას ცხოვრებაში ბევრი საინტერესო სიახლეა. როგორც ვიცი, ფილმ "ცელქი ბავშვების" მეორე სერიის გადაღება იგეგმება, ასევე დათო დოიაშვილი დგამს სპექტაკლს, სადაც ჩემს გოგოს კვლავ დააკავებს. ნიტა 22 სექტემბერს 10 წლის ხდება, ის ჩემზე უარესად აფრენს. ტანმოვარჯიშეა. დღეში 4 საათი ვარჯიშობს. ამის ფონზე, არ ვიცი, სკოლისთვის როგორ მოიცლის. კარგად სწავლობს, მაგრამ, როგორც ყველა ბავშვს, მასაც ბევრი ჩიჩინი სჭირდება. ნიტა ხან თეას ჰგავს, ხან – მე. მე უფრო ნიჭით, სითბოთი და სილამაზით მგავს. ჩვენს ცხოვრებაში ნიტამ ყველაფერი შეცვალა, ჩემს ყველაზე დიდ მიღწევად ნიტას არსებობა მიმაჩნია.
