რას ურჩევს ჯენიფერ ლოპესი ახალგაზრდა გოგონებს

მომღერალმა ჯენიფერ ლოპესმა ჟურნალ Cosmopolitan-ისთვის მიცემულ ინტერვიუში მარტოხელა დედების მძიმე ხვედრზე ისაუბრა. ვარსკვლავმა განაცხადა, რომ მისთვის სამაგალითო დედა მისი და, ლინდაა.


"ლინდა ძალიან მიყვარს და მას დიდ პატივს ვცემ. ის შვილს ქმრის გარეშე ზრდის და ჩემსავით მარტოხელა დედაა, მაგრამ ჩვენს შორის დიდი სხვაობაა. მე უამრავი ძიძა და მოსამსახურე მყავს, ის კი საკუთარ შვილზე თავად ზრუნავს. როდესაც მასთან დასახმარებლად მივდივარ, ვეკითხები რა გჭირდება, რა გავაკეთო შენთვის, ლინდა თბილად მიღიმის და ამბობს, რომ ყველაფერი კარგადაა და არაფერი უნდა.

თუმცა, ვხედავ როგორი გამოფიტულია. ამიტომ ყველა მარტოხელა დედას პატივს ვცემ", - ამბობს მომღერალი.


ჯენიფერმა ჟურნალისტთან საუბარში განაცხადა, რომ პოპულარობამდე კაცებს ხშირად უყურადღებოდ დაუტოვებიათ, ან მასთან ურთიერთობაზე უარი უთქვამთ. ლოპესი ახალგაზრდა გოგონებს ურჩევს, ასეთი შემთხვევები დაივიწყონ.


"თუ ვინმე თქვენზე უარს ამბობს, დაივიწყეთ. გახსოვდეთ, ისინი თქვენს ყურადღებას არ იმსახურებენ", - განაცხადა მომღერალმა.


Cosmopolitan-ის მიხედვით.