რა შეცდომებს უშვებენ მამაკაცები საწოლში

სწრაფვა პირველობისთვის მამაკაცის ბუნებრივი სურვილია. პირველობაში არა მხოლოდ კარიერული წინსვლა, არამედ საწოლში დომინანტობაც იგულისხმება. თითოეული მამაკაცისთვის მნიშვნელოვანია იყოს საუკეთესო საყვარელი და სიამოვნება მიანიჭოს საყვარელ ქალს. თუმცა არსებობს შეცდომები, რომელსაც ზოგჯერ ვუშვებთ, ეს კი იმით არის განპირობებული, რომ ზოგიერთი მამაკაცი კარგად არ იცნობს პარტნიორი ქალის ფსიქოლოგიას.

საწოლში დაშვებული შეცდომებიდან ყველაზე მასობრივია ზოგიერთი მამაკაცის მიდგომა, რომ რაც შეიძლება მალე "მიაღწიოს საწადელს", რაც ხშირ შემთხვევაში პარტნიორის გაღიზიანების მიზეზი ხდება. საქმე ის არის, რომ ქალებისათვის განსაკუთრებული მნიშვნელობა აქვს პრელუდიას; არსებობენ ქალები, რომლებიც აღიარებენ, რომ პრელუდია მეტად დიდ სიამოვნებას ანიჭებთ, ვიდრე უშუალოდ სქესობრივი აქტი.

არსებობენ ქალები, რომლებისთვისაც ხანგრძლივი "სექს-მარათონი" დიდი სიამოვნებაა, თუმცა არიან ისეთებიც, ვისაც სექსუალური აქტისთვის 5 წუთიც კი ყოფნის. საერთოდაც, მეცნიერები, რომლებიც დიდიხანია სწავლობენ ქალისა და მამაკაცის ინტიმურ სფეროს, ამტკიცებენ, რომ ორგაზმის მისაღწევად ისეთი მცირე დროც კი საკმარისია, როგორიცაა 2 წუთი და 2 წამი. ამით დასკვნის ავტორები სწორედ სქესობრივი აქტის პრელუდიის მნიშვნელობაზე მიგვანიშნებენ.

აგრეთვე, მამაკაცები ხშირად ვფიქრობთ, რომ პარტნიორი გოგონა გავაოცოთ "კამასუტრას" იშვიათი "ილეთებით", თუმცა უნდა გახსოვდეთ, რომ ყველა გოგო არ არის მზად ამისთვის.

მამაკაცებისთვის ასევე ხშირია შემდეგი მიდგომა - რაც მეტი, მით უკეთესი. ეს კიდევ ერთი მცდარი დამოკიდებულებაა სექსისადმი. არაერთი სოციოლოგიური კვლევა ადასტურებს იმას, რომ გამოცდილება არა პარტნიორთა სიმრავლეს, არამედ სტაბილურ ურთიერთობას მოაქვს. იმის შანსი, რომ სქესობრივმა აქტმა მაქსიმალური სიამოვნება მოგიტანოთ, სტაბილურ პარტნიორთან ურთიერთობისას მნიშვნელოვნად დიდია. ამას ის ფაქტორი განაპირობებს, რომ ხანგრძლივი პარტნიორები ერთმანეთის სურვილებსა და ეროგენულ ზონებს ბევრად უკეთ იცნობენ, ვიდრე სხვა ნებისმიერი შემთხვევითი პარტნიორი.

როგორ მოიქცეთ, თუ თქვენ მხოლოდ ახლა იწყებთ ურთიერთობას, რომელსაც პერსპექტიული მომავალი აქვს? პირველ რიგში სქესობრივ აქტამდე პარტნიორებს შორის მთავარი ვერბალური კონტაქტია. გულახდილად გაუზიარეთ საყვარელ ქალს თქვენი სექსუალური სურვილები და მისგანაც მოისმინეთ მისი ფანტაზიების შესახებ.
წყარო