ჯანეტ ქერდიყოშვილმა „ვია გრას“ „იმედი“ არჩია

2011 წლის „მის საქართველომ" ჯანეტ ქერდიყოშვილმა უკრაინული კონკური „ხოჩუ ვ ვიაგრუ" ფინალში გასულმა დატოვა და თბილისში დაბრუნდა. ის ამჯერად „იმედის" „ დღის შოუს" წამყვანია და საკმაოდ კმაყოფილიცაა საკუთარი გადაწყვეტილებით. ამბობს, რომ კონკურსის დატოვება მამის და ძმის შეხედულების გამო გადაწყვიტა, რადგან მისი ოჯახის წევრებს ძალიან არ მოსწონდათ საკმაოდ სექსუალური იმიჯის მქონე ანსამბლი. როგორც ჯანეტი ამბობს, მთავარ პროდიუსერს და რეჟისორს განუცხადა, რომ „მის სამყაროზე" იღებს მონაწილეობას და კონკურსის დატოვებაც ამიტომ უწევს, მათ კი მიანიშნეს, რომ ანსამბლის შემადგენლობა ხშირად იცვლება და ისინი წინააღმდეგნი არ იქნებიან მისი მიღების. ჯანეტი მართლაც ემზადება „მის სამყაროსთვის" და წარმატების იმედიც აქვს, თუმცა არც „იმედზე" მუშაობითაა უკმაყოფილო.
„როცა მითხრეს, ეთერში გასვლამდე 3 წამია დარჩენილიო, ვიფიქრე, რომ მოვკვდებოდი, ხმას ვერ ამოვიღებდი, მაგრამ როგორც კი კამერაზე წითელი ღილაკი დავინახე, მომენტალურად მოვეშვი. ბევრი რამე მეშლება, ახლა ვიწყებ ყველაფერს, მაგრამ თანდათანობით შევეჩვევი. დილით ადრე ადგომა არ მიყვარს, მაგრამ ახლა დილის 10 საათზე უკვე სამსახურში ვარ",-ამბობს ჯანეტი.