ია სუხიტაშვილი: ძალიან მინდა კომედიური როლის თამაში კინოში

მსახიობი ია სუხიტაშვილი საკმაოდ წარმატებული მსახიობია. მსახიობის განცხადებით, თეატრში მისი როლები ისე მიეწყო, ნაზი და საყვარელი გოგოს როლების თამაში უწევდა, რაც არ სიამოვნებდა, თვლის, რომ მსახიობს ბევრი კუთხე უნდა ჰქონდეს.ძალიან ბევრი როლია, რომელიც მას არ მოურგია, თუნდაც უარყოფითი პერსონაჟები. თვლის რომ ამის ცდაც შეიძლება, თუმცა ყველაზე მეტად, მაინც კომედიური როლის შესრულება უნდა კინოში.მიაჩნია, რომ კაცი ქალზე მეტად წარმატებული უნდა იყოს და ამბობს, რომ მიშა მესხი მასზე წარმატებულია.
„შეიძლება კარგმა რეჟისორმა არ შემოგთავაზოს როლი, მაგრამ ისეთი გუნდი ჰყავდეს, რომ ამის გამო დასთანხმდე. ხანდახან ფილმი არ ვარგა საერთოდ, მაგრამ ერთი მსახიობის ერთი კონკრეტული პერსონაჟი მთელ ფილმს ქაჩავს. და მაინც, მსახიობი ყველაფერში არ უნდა აითქვიფოს....ჩვენთვის მთავარია დრამატურგია და სცენარი. თუ ჩემს გმირს საინტერესოდ დავინახავ, მაშინ შეიძლება თამამი სცენებიც ვითამაშო, 21-ე საუკუნეა და ამას ვერ წაუხვალ...მე და მიშა მუდმივად ვსაუბრობთ ჩვენ-ჩვენს როლებზე, ერთმანეთს რჩევებს ვაძლევთ და ხანდახან ვკამათობთ კიდეც. ეს კარგიცაა, კამათი ბოლოს ჯანსაღ აზრამდე მიდის.მიშას ბევრი რჩევა გამითვალისწინებია. მიშა მესხი რომ გავიცანი, პოპულარობის პიკზე იყო, რადგან მესამე „ყარაბაღზე" მუშაობას იწყებდნენ. ვიცოდი, ვის მივყვებოდი.საერთოდ კი ვთვლი, რომ კაცი ქალზე ბევრად წარმატებული უნდა იყოს და ჩვენს შემთხვევაშიც ასე არის",-ამბობს ია სუხიტაშვილი.