4 წლის ანდრია ფაღავამ გეგა ფალავანდიშვილს „ნიჭიერის“ ჟიური „დაატოვებინა“
9 033 ნახვა
14 ოქტომბერს „ნიჭიერის“ სატელევიზიო სეზონი იწყება, მანამდე კი ტრადიციულად კიდევ ერთ მონაწილეს გაგაცნობთ. ქართველები რომ ნიჭიერი ხალხი ვართ ამაში არაერთხელ დავრწმუნდი, მაგრამ ის რაც ფილარმონიის სცენაზე მოხდა ჩემთვისაც მოულოდნელობა აღმოჩნდა. ჟიურის წინაშე ერთ-ერთი მონაწილე, 4 წლის ანდრია ფაღავა გამოვიდა. მართალია, სცენაზე დასარტყამი ინსტუმენტები იდგა, მაგრამ მაინც ვერავინ წარმოიდგინა, რომ ეს პატარა ბიჭი დრამერი იყო. ჟიური და მაყურებელი ანდრიას შესრულებამ შოკში ჩააგდო. ამ ასაკში ასეთი პროფესიონალიზმი ყველასთვის სიურპრიზი აღმოჩნდა.
კულისებში ანდრიას დედას ვესაუბრე და როგორც გავიგე პატარა ვირტუოზმა დაკვრა თავიდან პასტებით და ფანქრებით დაიწყო. სამი წლისაც არ იყო, როცა დასარტყამ ინსტრუმენტებს პროფესიონალურ დონეზე დაეუფლა. ანდრიას მამა, ირაკლი ფაღავა ასევე მუსიკოსია და შვილი ხშირად ესწრებოდა მამის რეპეტიციებს.
გაზაფხულზე ჯაზ-ფესტივალის პერიოდში როგორც გახსოვთ საქართველოს ამერიკელი ჯაზ-მომღერალი სტეისი კენტი ესტუმრა. სცენაზე გამოსვლისას მოულოდნელად შეამჩნია, რომ პატარა ანდრია სცენასთან ახლოს იდგა და დაკვრის იმიტაციას აკეთებდა.
ქალბატონი იმდენად მოიხიბლა პატარა ვირტუოზით, რომ სცენაზე აიყვანა როგორ მომავალი დრამერი. ანდრიას დედას იმედი აქვს, რომ მართლაც ასე იქნება. ყველაფერი ამით არ დამთავრებულა. 4 წლის მუსიკოსი მთელი ზაფხულის განმავლობაში ბათუმში სასტუმრო „რედისონში“ სხვა და სხვა ღონისძიებების დროს უკრავდა.
როგორც ჩანს, ანდრიას მხოლოდ სტეისი კენტი არ მოუხიბლავს, რადგან ფილარმონიის სცენაზე მისი წარმატებული გამოსვლის შემდეგ, გეგა ფალავანდიშვილმა ჟიური დატოვა და სცენაზე ავიდა, რათა ვირტუოზი პირადად გაეცნო.
ანდრიას გარდა, ამ სეზონზე კიდევ ბევრ უნიჭიერეს პატარას გაიცნობთ, რომლების სხვა და სხვა სფეროში თავიანთ შესაძლებლობებს აჩვენებენ.
ნინო გიგიშვილი
„რეიტინგი"
