აბრამოვიჩმა ნიუ-იორკში ბინა 75 მლნ. დოლარად შეიძინა

რუსმა მილიარდერმა რომან აბრამოვიჩმა ნიუ-იორკის ფეშენებელურ რაიონში ბინა 75 მლნ. დოლარად შეიძინა, იტყობინება bbc.co.uk
ცნობილია, რომ ბინაში 8 საძინებელი ოთახი და დიდი, ცენტრალური დარბაზია.
New York Post-ის ცნობით, აბრამოვიჩი მეზობლებთან მოლაპარაკებებს აწარმოებს, რათა მათგან გამოისყიდოს ბინები და ამ უძველესი სახლის ერთპიროვნული მეპატრონე გახდეს.
ბრიტანული Daily mail შეგვახსენებს, რომ 46 წლის აბრამოვიჩი მსოფლიოში ყველაზე დიდი იახტის მფლობელია, მისია საფეხბურთო კლუბი ჩელსი, აქვს უძრავი ქონება ლონდონსა და პარიზში და მისი ქონება 10 მილიარდ დოლარად არის შეფასებული.