ბოლივიაში დოლარების წვიმა მოვიდა

ბოლივიაში სანტა კრუსის დეპარტამენტის სამხრეთით დოლარის კუპიურები ჩამოცვივდა, რომელთა საერთო ოდენობა 1 მლნ. აშშ დოლარს შეადგენდა.
ВВС-ს ცნობით, დოლარების ერთ შეკვრაზე პარაგვაის ერთ-ერთი ბანკის ბეჭედი ერტყა. პოლიცია ვარაუდობს, რომ საქმეში გარეულია ადგილობრივი მაფიოზური კლანები, რომლებიც ნარკოტიკების კონტრაბანდით არიან დაკავებულნი.
26 პლასტიკურ პაკეტში გახვეული კუპიურები ნარკოდილერებს მიწიდან უნდა აეკრიფათ, თუმცა მათ პოლიციამ დაასწრო.
დაკავებულია სამი ეჭვმიტანილი. ფულის გარდა, მათ ჩამოართვეს ცეცხლსასროლი იარაღი.
ბოლივია, კოლუმბიასთან და პერუსთან ერთად, კოკაინის უმსხვილეს მწარმოებელ ქვეყანათა რიცხვშია.