ანტონიო ბანდერასი მოსკოვში სეირნობით უკმაყოფილოა

ბანდერასმა მოსკოვში, 3 ოქტომბერს, მაყურებელს წარუდგინა მულტფილმი "Justin and the Knights of Valor", სადაც მან მთავარი გმირი გაახმოვანა. ის, ასევე, მულტფილმის პროდიუსერია.
ცნობილი ესპანელის თავგადასავალი მოსკოვში, რამდენიმე დღე წარუმატებლად წარიმართა. პირველსავე დღეს, დაგვიანებული რეისისა და გაუსაძლისი საცობის გამო, ის ვერ დაესწრო ერთ-ერთ ელიტურ რესტორანში ვახშამს.
მეორე დღეს, კი სასტუმრო Ritz Carlton-დან გამოსვლისთანავე, ვიპ-სტუმარმა რამდენიმე ინტერვიუ მისცა მოსკოვის რადიოსადგურებს, შემდეგ კი ქალაქის დასათვალერებლად გაემართა. თავდაპირველად, ბანდერასი გულუხვად არიგებდა ავტოგრაფებს და დაუღალავად იღებდა ფოტოებს ფანებთან, მაგრამ შემდეგ ხასიათი გაუფუჭდა.
შესაძლოა არ მოეწონა სადილი ცნობილ რესტორანში «The Сад» ან რუსი ფანების ყურადღებით დაიღალა. დაცვასა და თარჯიმანს მან სასწრაფოდ სასტუმროში დაბრუნება სთხოვა.