სააკაშვილი "დაღეჭილი" პერანგით და წულუკიანი ალუჩებით - დიზაინერი პოლიტიკოსებზე +ვიდეო
1 730 ნახვა
"ნანუკას შოუში" დიზაინერმა გიორგი ნაზღაიძემ ქართველი პოლიტიკოსების ჩაცმის სტილზე, მათ მინუსებსა და პლუსებზე ისაუბრა. წამყვანმა და დიზაინერმა 10-მდე პოლიტიკოსის ჩაცმულობა განიხილეს, მათ შორის - პრეზიდენტის, მთავრობის წევრებისა და საპარლამენტო უმრავლესობისა და უმცირესობის წარმომადგენლების.იმ ფოტოების მიხედვით, რომლებიც გადაცემაში იყო წარმოდგენილი, გაირკვა, რომ ხელისუფლების წევრებს ტანსაცმლის დაუთოების პრობლემაც ჰქონიათ - დიზაინერის შეფასებით, ყველა მათგანს დაკუჭული ტანსაცმელი აცვია, რაც ალბათ მათი "მოუცლელობით" აიხსნება.
ნაზღაიძის შეფასებით, საქართველოს პრეზიდენტ მიხეილ სააკაშვილს თანამედროვედ აცვია, თუმცა ფერების შეხამებაში სერიოზული პრობლემა აქვს. ენერგეტიკის მინისტრს დიზაინერი ვარცხნილობას უწუნებს, პარლამენტის წევრ ეკა ბესელიას - სამკაულსა და მაკიაჟს, საპარლამენტო უმცირესობის წევრ მარიამ საჯაიას კი - პიჯაკების ფერს.
ჩამოთვლილი პოლიტიკოსების გარდა, ნაზღაიძემ ნინო ბურჯანაძე, სალომე ზურაბიშვილი, თინა ხიდაშელი, ირმა ნადირაშვილი, მანანა კობახიძე და თავად გადაცემის წამყვანიც შეაფასა.
