ინდოელების შეურაცხყოფისთვის "მის სამყარო 2012"-ს უჩივიან
1 691 ნახვა
ყველაზე პრესტიჟული სილამაზის კონკურსის - "მის სამყარო"-ს 2012 წლის გამარჯვებული, 21 წლის ამერიკელი ოლივია კულპო სკანდალში გაეხვია.ოლივია შიდსთან ბრძოლისა და ქალთა უფლებების დაცვის კამპანიის ფარგლებში ინდოეთს 10 დღით სტუმრობდა. მან ტაჯ-მაჰალის მონახულებისას ტურისტებისთვის შემოღებული მკაცრი წესები უხეშად დაარღვია. საქმე ის
არის, რომ ოლივიამ ტაჯ-მაჰალის წინ მაღალქუსლიანი ფეხსაცმლით იპოზიორა. გოგონას წინააღმდეგ საჩივარი პოლიციაში ინდური ორგანიზაცია ASI-ს წარმომადგენლებმა შეიტანეს.
"სანდლები (მაღალქუსლიანი) ჯგუფის ერთ-ერთმა წევრმა ჩანთიდან ამოიღო. ოლივია კულპომ ერთი ფეხსაცმელი ჩაიცვა, ხოლო მეორე ხელში ეჭირა. ტაჯ-მაჰალის ფონზე ფეხსაცმლის რეკლამას აკეთებდა", - წერს hindustantimes.com.
ინდოეთის უზენაესი სასამართლოს გადაწყვეტილებით, ტაჯ-მაჰალის წინ ნებისმიერი ბრენდის საჯარო რეკლამირება აკრძალულია.
