უხელებო ქალი გათხოვდა, შვილები გააჩინა და ჩემპიონი გახდა

არიზონაში, კერძოდ ფინიქსში, მცხოვრები 37 წლის ქალი, ბარბი ტომასი, ბოდიბილდინგში ჩემპიონი გახდა. ბარბიმ ორივე ხელი ჯერ კიდევ 2 წლის ასაკში დაკარგა, როცა ტრანსფორმატორზე აძვრა და ელექტროსადენებს ჩაეჭიდა, რის შედეგადაც ხელები მთლიანად დაეწვა.

ექიმებს სხვა გზა არ დარჩენოდათ და ორივე ზედა კიდური ბოლომდე მოკვეთეს. უკვე მოზრდილი გოგონა ცურვით დაკავდა და სხვადასხვა ტურნირში მონაწილეობდა. 2000 წლიდან კი ბოდიბილდინგით დაინტერესდა.

ბარბი გათხოვილია. ორი შვილის დედამ პირველ წარმატებას გასულ წელს მიაღწია. წელს კი ჩემპიონი გახდა. იმას, რასაც სხვები ხელებით აკეთებენ, ბარბი ფეხებით მშვენივრად ართმევს თავს – ამზადებს საჭმელს, მართავს ავტომობილს და წერს წერილებს.