ნუკი კოშკელიშვილი შეყვარებულია

ნუკი კოშკელიშვილი ქართული საზოგადოებისთვის ცნობადი და საყვარელი სახე, მოდელი და ტელეწამყვანი გახლავთ. მის კარიერასა და პირად ცხოვრებაში მნიშვნელოვანი სიახლეებია. ნუკი "კომედი შოუს" ბიჭებთან ერთად ახალ პროექტზე მუშაობს. "ფეის ნუკი" ასე ჰქვია გადაცემას, რომლის სტუმრებიც პოპულარული ადამიანები არიან. კომედიურ ჟანრში მუშაობა ნუკისთვის ახალია, მეტიც ხუმრობები წინასწარ დაწერილი და დადგმული არ იქნება.

ნუკი შეყვარებულია. ის რჩეულის ვინაობასა და ასაკს არ გვიმხელს, თუმცა აღიარებს, რომ სამსახურეობრივი რომანიც არ აქვს: "ცნობილი სახე არ არის. ასაკს არ გეტყვით, თუმცა ჩემზე ბევრად უფროსი არ არის. ეს არც სამსახურებრივი რომანია. მე ამ ურთიერთობას სიყვარულს და გაგიჟებას ვერ დავარქმევ, უბრალოდ ერთად ვართ და ვნახავთ რა გამოვა. ერთმანეთი მოგვწონს".
image

ნუკი წლების მანძილზე შეყვარებული იყო ოთო მარგოშვილზე. წყვილი პრესას საერთო ინტერვიუებითაც ანებივრებდა. სამწუხაროდ ურთიერთობა არ შედგა. "ზოგჯერ გგონია, რომ კომფორტია როცა გიყვარს და უყვარხარ. ზოგჯერ გგონია, რომ კომფორტია, როცა მარტო ხარ. ცვალებადია ეს ყველაფერი, ისე როგორც გემოვნება, დღეს ვარდისფერი მოგწონს, ხვალ შეიძლება იისფერი მოგეწონოს. ასეა პირადი ცხოვრებაც-ზოგჯერ ყვავილები და რომანტიკა გიტაცებს, ზოგჯერ კი გირჩევნიათ უბრალოდ კარგი მეგობრები იყოთ"-გვიამბობდა ნუკი.

საინტერესოა რამდენ ხანს გასტანს ახალი რომანი. ვუსურვოთ ნუკის წარმატებები და ბედნიერი მომავალი.