ახალდაქორწინებულების რამდენ პროცენტს არ აქვს სექსი პირველ ღამეს?

ბრიტანული გამოცემა Daily Mail დაინტერესდა, ახლადაქორწინებულების რამდენ პროცენტს აქვს სექსი პირველ ღამეს.

ექსპერიმენტის შედეგებმა აჩვენა, რომ ლამაზი საქორწინო ცერემონია უღიმღამო ფინალით სრულდება - მიზეზი სასიძოა. როგორც გამოკითხული პატარძლები ამბობენ, პირველ ღამეს ინტიმური ურთიერთობა იმიტომ არ ჰქონდათ, რომ სასიძო მთვრალი იყო და მთელი ღამე ეძინა.

მარკეტინგული კომპანია Voucher Codes Pro ბოლო 3 წლის განმავლობაში დაქორწინებულ ბრიტანელ წყვილებს დაუკავშირდა და ექსპერიმენტში მონაწილეობა შესთავაზა. პროექტში მონაწილეობის სურვილი 2 128-მა ახლადაქორწინებულმა წყვილმა გამოთქვა.

გამოკითხულთა 52%-მა დაადასტურა, რომ პირველ ღამეს ინტიმური ურთიერთობა არ ჰქონია. 24% ამბობს, რომ მიზეზი საქმროა, რომელიც ძალიან დათვრა. 13%-მა დამნაშავედ ცოლი სცნო - პატარძლები ძალიან დათვრნენ და რომანტიკისთვის არ ეცალათ. 7% ამბობს, რომ სექსს მეგობრებთან გართობა ერჩივნათ და მთელი ღამე ცეკვაში გაატარეს. ამასთან, რამდენიმე პირმა განაცხადა, რომ ქორწილში პარტნიორთან იჩხუბა და ღამე ცალ-ცალკე ოთახში გაატარეს. 8% კი მიზეზად გზას ასახელებს - მათ საქორწინო მოგზაურობაში წასვლა საქორწილო ცერემონიის დამთავრებისთანავე გადაწყვიტეს.
Daily Mail-ის მიხედვით.