5 რამ, რაც ქალებს სურთ, რომ კაცებმა იცოდნენ

ყველა ქალი ინდივიდუალურია და მათი მოხიბვლის ხერხებიც განსხვავდება. თუმცა არის 5 საკითხი, რომელიც ნებისმიერი სოცილური სტატუსის მქონე ქალს აღიზიანებს. გთავაზობთ რჩევებს, რომელიც ყველა მამაკაცმა უნდა იცოდეს.

1. არ დაგავიწყდეთ ქალის დაბადების დღე და მნიშვნელოვანი ღონისძიების წლისთავი: "ძლიერი სქესის წარმომადგენლებისგან ხშირად გაგვიგონია ხუმრობით ნათქვამი, რომ არა "ფეისბუქი", ამდენ თარიღს რა დაგვამახსოვრებდაო. გირჩევთ, ხუმრობისთვის სხვა თემები შეარჩიოთ, რადგან ერთი შეხედვით მარტივი საკითხი უეჭველ დაშორებას უტოლდება", - ამბობენ ფსიქოლოგები.

2. ყურადღება მიაქციეთ კომპლიმენტებს: ქალმა ისედაც იცის, რომ ლამაზი თვალები, ან გრძელი ფეხები აქვს, მაგრამ ამის "დამოწმებას" თქვენგან ელის. თუმცა, ნუ გადაამლაშებთ, რადგანაც ცარიელი ლამაზი სიტყვების მოსმენა არავის სიამოვნებს.

3. ნებისმიერ საკითხში დახმარება სთხოვეთ. რატომღაც კაცების უმეტესობა ვერასდროს ხვდება, რა და როგორ ითხოვოს. მარტივ ექსპერიმენტს გთავაზობთ - ცოლს სთხოვეთ სადილი მოგიმზადოთ. ამ სიტყვის გაგონებაზე ქალს ხასიათი შეეცვლება და სამზარეულოში უხასიათოდ გავა. მაგრამ, თუ რომელიმე კონკრეტული კერძის მომზადებას სთხოვთ და შეაქებთ, რომ ეს კერძი კარგად გამოსდის, რამდენიმე საათში გემრიელად დანაყრდებით.

4. ყოველთვის ყურადღებით მოუსმინეთ. როდესაც პარტნიორი სუსტ სქესს არ უსმენს, ურთიერთობა ფუჭდება, რადგან ქალი ამას უპატივცემულობად მიიჩნევს. ნურც ისე იზამთ, რომ მხოლოდ თვალებში უყუროთ და სიტყვებს ყურადღება არ მიაქციოთ - ქალს ვერაფერს გამოაპარებთ. კარგად დაიმახსოვრეთ: ქალებს კი არ ატყუებთ, ისინი იქცევიან ისე, თითქოს ვერაფერს ხვდებიან.

5. საჩუქრებით გაანებივრეთ: ყველას არ აქვს მაღალი ხელფასი და შეყვარებულს ძვირფასი ავტომობილით ვერ გაანებივრებს, მაგრამ ეს იმას არ ნიშნავს, რომ ლამაზი თაიგული არ იყიდოთ. თუ მართლა გინდათ, გოგონა გააოცოთ, ნებისმიერი მიზეზის გარეშე მიართვით საჩუქარი.
askmen.com-ის მიხედვით.