ვერკა ჯაჯანიძე: ''მიყვარს საქართველოს პრეზიდენტი''

შოუ ''ცეკვავენ ვარსკვლავები'' დაიწყო და მაყურებელს განსაკუთრებულებად აინტერესებს მეგაპროექტის კულუარები. როდესაც ცნობილი გახდა მონაწილეების ვინაობა, ყველაზე დიდი მოლოდინი გია სურამელაშვილის გარშემო შეიქმნა.

ალბათ, ყველასთვის ცხადია, რომ გიას მიწვევა შოუს ელემენტი იყო, თორემ მომღერალი განსაკუთრებული ქორეოგრაფიული მონაცემებით არ გამოირჩეოდა. ვერკა ჯაჯანიძემ ბევრი ეცადა გიასგან მოცეკვავე გამოეყვანა, მაგრამ არ დასცალდა, პირველივე საკონკურსო დღეს წყვილმა პროექტი დატოვა.

ამჯერად თქვენი ყურადღება ვერკას ''ფეისბუქ'' გვერდზე აღმოჩენილ ფოტოზე მინდა შევაჩერო, სადაც ის თავის მეწყვილე გიორგი სუთიძესთან და საქართველოს პრეზიდენტთან ერთადაა აღბეჭდილი.

როგორც გავარკვიეთ, ვერკა მეგობრებთან ერთად ბათუმში პიაცაზე იყო. თურმე, ვერკასა და გიორგის თხოვნით მუსიკა ჩართეს და წყვილმა ისე იცეკვა, რომ ირგვლივმყოფთა ყურადღება დაიმსახურა. ისინი არც იქვე მყოფ მიხეილ სააკაშვილს დაუტოვებია უყურადღებოდ - წყვილთან მისულა და შეუქია...

ვერკა:
- სიმართლე გითხრა, როცა ჩვენსკენ მომავალი საქართველოს პრეზიდენტი დავინახე, ცოტა ავღელდი, მაგრამ რომ შეგვაქო და გვითხრა, კარგი ბავშვები ხართო - გაგვიხარდა. მიყვარს საქართველოს პრეზინდეტი, რადგან აფასებს ნიჭიერ ახალგაზრდებს და მათ შრომას.
- მას შემდეგ თუ შეხვედრიხარ პრეზიდენტს?
- არა, მას შემდეგ აღარ.
- რაც შეეხება ''ცეკვავენ ვარსკვლავებს'' , ალბათ გული დაგწყდათ, რომ დატოვეთ პროექტი..
- კი, რასაკვირველია. დიდხანს ველოდი ამ პროექტს, პირველი ორი სეზონის დროს საქართველოში არ ვიყავი, მესამის შემთხვევაში კი ქასთინგი გავიარე და ამიყვანეს. საწყენია, რომ პირველი ტურიდან გამოვვარდი. გია ძალიან კარგი ადამიანია, კმაყოფილი ვარ მისი მუშაობით. ცუდი მეწყვილე არ იყო, მაგრამ უკეთესიც შეიძლებოდა.

ქეთი მელაძე
''რეიტინგი"