რა თხოვნა აქვს მედეა ლორთქიფანიძეს ლევან ყოჩიაშვილის ცოლთან
1 946 ნახვა
ცნობილი დედა–შვილი სერიალიდან "ჩემი ცოლის დაქალები", მანანა და დათო, კადრმიღმაც დედა–შვილივით იქცევიან. მსახიობები ლევან ყოჩიაშვილი და მედეა ლორთქიფანიძე, როცა გადაღება მთავრდება, ერთმანეთზე ზრუნვას აგრძელებენ. ალბათ ყველას ახსოვს, ცოლის მოღალატე დათოს დედა როგორ ამართლებდა. "სარკეში" იმასაც წაიკითხავდით, რომ ლევანს რეალურადაც ჰქონდა ცოლთან პრობლემები, მაგრამ ყველაფერი მოგვარდა და ოჯახური ცხოვრება კალაპოტში ჩადგა. ქალბატონმა მედეამ ამ შემთხვევაშიც გამოიჩინა დედობრივი მზრუნველობა და ჩვენთან ლევანის გამართლებას შეუდგა.
მედეა: ძალიან კარგი შვილი მყავს. ბიჭი რომ მყოლოდა, ვინატრებდი, ლევანისნაირი ყოფილიყო. ძალიან კონტაქტური, განათლებული, თბილი ადამიანია. თან ისეთი კარგი პარტნიორია, ხანდახან მგონია, რომ მართლა ჩემი შვილია. თამამად შემიძლია ვთქვა, რომ ყველა დედამ უნდა ინატროს ასეთი შვილი!
– ლევანის გმირის, დათოსადმიც ასეთი დამოკიდებულება გაქვთ?
მედეა: რაც შეეხება ლევანის გმირს, უნდა გითხრათ, რომ ის დედისთვის ძალიან კარგია, ცოლიც ძალიან უყვარს, ერთადერთი უარყოფითი ის აქვს, რომ ცხოვრება ძალით აირია. ეს დათოს დიდი მინუსია, მაგრამ მე, როგორც დედა, მაინც ვცდილობ, გამართლება მოვუძებნო. უკვე გამოსწორების გზაზეა, სახლში რემონტიც კი გააკეთა. რაც ყველაზე მთავარია, გიჟდება შვილებზე და ეს ყველა მამისთვის დიდი პლუსია. ვერ ვიტყვი, რომ ცოლი არ უყვარს, მაგრამ ყველა კაცს აქვს გაფრენის პერიოდი. მანახეთ ერთი კაცი, რომელსაც ცოლისთვის არ უღალატია! ნინას იმაში ვამტყუნებ, რომ, რადგან ქმარს აპატია, ყოველ წუთს არ უნდა წამოაძახოს დაშვებული შეცდომა. მესმის, ქალისთვის ძალიან ძნელია ღალატის გადატანა, მაგრამ თუ აპატიებ, მის შეცდომას ხაზი უნდა გადაუსვა და მასთან ერთად ახალი ცხოვრება დაიწყო.
– ლევან, ქალბატონი მანანა ხასიათით დედათქვენს ხომ არ ჰგავს?
ლევანი: ჩემი და მედეას დედაშვილობა სერიალში კარგად შედგა. ისეთივე ყურადღებიანი და მზრუნველია, როგორიც დედაჩემი. მხოლოდ ჩემთან კი არა, ყველა მსახიობთან ძალიან თბილია. დედაჩემიც ზუსტად ასეთია, ქალბატონ მედეასავით ძალიან ემოციურია, რაღაცეები საკმაოდ მძიმედ გადააქვს. სერიალის დასაწყისში ვცდილობდი, მანანასა და დედაჩემში რაღაც საერთო მეპოვა, რომ ჩვენი დედაშვილობა შემდგარიყო და, როგორც ჩანს, გამოგვივიდა, ერთმანეთისადმი პატივისცემა ეკრანზე კარგად ჩანს.
მედეა: ენაცვალოს დედა!
ლევანი: დედაჩემიც ზუსტად ისევე ცდილობს ჩემი და ჩემი ძმების გამართლებას, როგორც მანანა ამართლებს დათოს. ქვეყანა რომ დავაქციოთ, დედის მხარდაჭერა მაინც გვაქვს.
– არ ფიქრობთ, რომ მანანა ზედმეტად ერევა შვილის და რძლის ცხოვრებაში?
ლევანი: არა, რადგან ყველა ქართველი დედა ასეა. ცნობილი ფაქტია, რომ დედებს ბიჭები განსაკუთრებულად უყვართ. მანანას უნდა, მისი შვილის ოჯახი სამაგალითო და კარგი იყოს. ხომ გახსოვთ, შვილს რამდენ შენიშვნას აძლევდა და რა დღეში იყო, როცა ცოლს უღალატა? ისეთ დღეში მაგდებდა, ცეცხლი მენთო ქოჩორზე!
მედეა: დედა ყოველთვის შვილზეა გადამკვდარი და სულ მის გვერდითაა. რა მნიშვნელობა აქვს, რა ასაკისაა, სკოლას ამთავრებს, უნივერსიტეტს თუ ცოლი მოჰყავს? გასაგებია, რომ ქმარიც კარგია, მაგრამ შვილის სიყვარული სულ სხვანაირია. მანანა სულ ფიქრობს, მის შვილს არ შიოდეს, სამსახურში როგორაა. დათო რასაც აკეთებს, ყველაფერი აინტერესებს.
– ასეთი ხართ თქვენი ქალიშვილის მიმართაც?
მედეა: ჩემს შვილზე მართლა გადამკვდარი ვარ. სულ მაინტერესებს და ვეკითხები, რატომ არის მოწყენილი, რა მოხდა, ხომ არაფერი უჭირს.
ლევანი: ვერ ვიტყოდი, რომ მხოლოდ შვილთანაა ასე. ჩვენთან, მსახიობებთანაც, ზუსტად ასეთი დამოკიდებულება აქვს. ჩვენი ყველაფერი გულთან ახლოს მიაქვს და ნერვიულობს.
მედეა: კახელი ქალები თუ დინჯები არიან, იმერლები ცოტა ქოთქოთები ვართ. ლევანის გაბრაზება ცხოვრებაში არასოდეს მინახავს, თუ ერთ შემთხვევას არ ჩავთვლით.
– თქვენ ხომ არ გაგიბრაზდათ?
მედეა: არა, რაღაც მოხდა და გაბრაზდა. ისე არ მოექცნენ, როგორც საჭირო იყო და ნამდვილად არ იყო ამისი ღირსი. ლევანი ისეთი ადამიანია, კოლექტივმა ხელისგულზე უნდა ვატაროთ. მართლა ყველას უყვარს, მაგრამ რატომღაც მის გმირს ღალატს არ პატიობდნენ.
– თქვენც გყავთ გოგო და ანალოგიურ შემთხვევაში ეტყოდით, ქმარს აპატიე და შეურიგდიო?
მედეა: კი, აუცილებლად. ოჯახის შექმნა ძალიან ადვილია, დანგრევაა ძნელი. ამიტომ ვეტყოდი, თავის ქმარს ხან აქედან მიდგომოდა, ხან იქიდან და ყველა სიტუაციაში ეპატიებინა. როგორ შეიძლება ოჯახის ერთი ხელის მოსმით დანგრევა?! ნინამ კი რა გააკეთა – ოჯახის დანგრევას ხელი შეუწყო. ქმარს ეუბნებოდა, რომ არ ეცალა, არსად დაჰყვებოდა. მანანამ საჭმელი თუ არ მიუტანა, ქმარს შიმშილით მოკლავს და ასეთი რაღაცეები როგორ შეიძლება. ერთი გაბედონ და ამისი თავი დამიჩაგრონ, თვალებს ამოვთხრი!
– ლევან, თქვენს ცოლს და დედას ისეთივე ურთიერთობა აქვთ, როგორიც სერიალში ნინას და მანანას?
ლევანი: მანანა ძალიან ემოციურია და ყველაფერზე ქოთქოთებს, ჩემი ცოლის და დედაჩემის შემთხვევაში კი ცოტა სხვანაირადაა. ისინი ერთმანეთთან ისე არიან, როგორც შეიძლება ქართველი რძალ–დედამთილი იყვნენ. ყველგანაა რაღაც დარტყმები.
მედეა: ჩემს სიძესთან ისეთი მორიდებული ვარ, სულ ვცდილობ, ყველაფერში გავამართლო. ცოტა ფიცხია, ორი შვილი ჰყავს და ორივე ძალიან ცელქები არიან. ჩემს გოგოს სულ ვეუბნები, კაცი სამსახურიდან დაღლილი მოდის და უნდა მოუთმინო–მეთქი.
– ლევან, ქმარმა თუ უნდა აპატიოს ცოლს ღალატი?
ლევანი: ტყუილი და ღალატი სასიამოვნო არ არის. ადამიანს ძალიან უნდა, რომ აპატიონ, მაგრამ შეიძლება ასე არ მოხდეს.
მედეა: კაცი განათხოვარ, შვილიან ქალს უფრო ითხოვს და ცოლს ღალატს ვერ აპატიებს. კაცს რომ ცოლი უღალატებს, ეს ყველაზე დიდი საშინელებაა. ქალების ბედი კი ის არის, რომ ერთხელ მაინც აუცილებლად ღალატობს ქმარი.
– ქალბატონო მედეა, ალბათ გაიგებდით, რომ სერიალის პარალელურად ლევანს ოჯახშიც ჰქონდა გაუგებრობა ცოლთან. როგორი რეაქცია გქონდათ ამაზე?
მედეა: როცა ეს ამბავი გავიგე, ვუთხარი, რაღაც მოვიდა ჩემს ყურამდე და რა ხდება–მეთქი. ყველა ოჯახშია უსიამოვნება. როცა ქალი მსახიობს მიჰყვება ცოლად, ქმრის განრიგით უნდა იცხოვროს და მისი სამსახურისადმი პატივისცემა გამოიჩინოს. ლევანი ხანდახან ღამის 2 ან 3 საათზე შედის სახლში, აბა, რა ქნას, ოჯახს რჩენა არ უნდა? მესმის, რომ ქალს ქმარი სჭირდება გვერდით, მაგრამ ხელი აუცილებლად უნდა შეუწყოს. ლევანი ისეთი წესიერი და პატიოსანი ბიჭია, ვერ წარმოიდგენთ! ხომ შეეძლო, როცა ცოლთან დაშორებული იყო, საყვარელი გაეჩინა. ეთქვა, მე მსახიობი ვარ, თუ გინდა, შეეგუე, თუ არადა ქალის მეტი რა არისო. რამდენი კაცია, რომელსაც აღარც ცოლი უნდა და აღარც შვილები. ლევანი ასეთი არაა.
ლევანის ცოლს ვთხოვ: ჩვენ შენი ქმარი ძალიან გვიყვარს და ცოტა ხანს დაგვეხმარე, რომ მას სახლში სიმყუდროვე და სიწყნარე ჰქონდეს.
ლევანი: ახლა უკვე ყველაფერი მოგვარდა, წყნარად, ნორმალურად ვართ. ერთი რამ ზუსტად ვიცი, არასოდეს უნდა თქვა, ჩემთან ცუდი არაფერი მოხდებაო.
– ლევან, თქვენი ცოლი ეჭვიანი არ არის?
ლევანი: არა. თუკი ოდესმე დამიგვიანია, ჩემთან ტელეფონზე დარეკვა არასოდეს დაუწყია. სამსახურის მერე ზოგჯერ დალევა მიწევს და ამიტომ უფრო მიგვიანდება სახლში, მაგრამ მარინას ეჭვიანობა არასოდეს მიგრძვნია. ჩვენი შვილები უკვე დიდები არიან, მათ ბევრი ყურადღება სჭირდებათ და ამიტომ ეჭვიანობის დროც არ აქვს. ამას გარდა, ძალიან კარგად მიცნობს. ურთიერთობაში მთავარი ნდობაა და მარინა მენდობა.
მედეა: მარინასი მესმის. გასაგებია, როცა ქმარი რამდენჯერმე დააგვიანებს, მაგრამ მთელი წლის განმავლობაში სულ სამსახურზე რომაა გადართული, საყვედურს ეტყვი, აბა, რა იქნება?!
ლევანი: მსახიობისთვის სახლში ჯდომა არ გამოდის.
– ლევან, დათოს ღალატის გამო ერთი პერიოდი ძალიან განაწყენებული გყავდათ მაყურებელი. როგორც ატყობთ, დაიბრუნეთ მისი კეთილგანწყობა?
ლევანი: ვცდილობ, რაღაცნაირად შემოვირიგო. ძალიან მაკრიტიკებდნენ, რადგან ჩემი გმირისგან ასეთ საქციელს არ ელოდნენ. სადაც კი შევდიოდი, ერთი ამბავი ატყდებოდა ხოლმე, სერიალს რეალობისგან ვეღარ არჩევდნენ. მეუბნებოდნენ, გაჩერდი, იმ ქალს თავი დაანებეო. ერთმა ქალმა მითხრა, არც ერთი ქალი ღირს შენი შვილების ცრემლებადო – ჯეკო და ტასო იგულისხმა.
ერთხელ ბენზინგასამართ სადგურზე ვიღაც ბიჭმა მითხრა, გეხვეწები რა, გაჩერდი, ცოლი კბილის ექიმთან აღარ მიშვებსო. ბევრს ისიც უთქვამს, ტელეფონზე სალაპარაკოდ სხვა ოთახში რომ გავდივარ, ცოლი მეკითხება, ვის ველაპარაკე, როცა ადრე ამით არ დაინტერესებულაო.
ხალხი ძლივს დავაჯერეთ, რომ მე და ანი ტყებუჩავა რეალურად ცოლ–ქმარი არ ვართ და ტასოს და ჯეკოს როლის შემსრულებლები ჩვენი შვილები არ არიან. შეიძლება ვიღაცეებს დღესაც ასე ჰგონიათ.
– არ შიშობთ, რომ ეს როლები ისე "მოგეწებებათ", ხალხისთვის ყოველთვის მანანად და დათოდ დარჩებით?
ლევანი: კი, ვფიქრობ. ამდენი სეზონის და ასეთი პოპულარობის შემდეგ ალბათ ძალიან განსხვავებული როლი უნდა ვითამაშო, რომ ყველასთვის ისევ დათო გოცირიძე არ ვიყო.
მედეა: მე აღარ მინდა, სხვაგანაც ქოთქოთა ბებიის როლი ვითამაშო. წყნარი, თბილი, მოსიყვარულე ბებიის ან მინისტრის გადაპრანჭული ცოლის როლი მინდა.
– ბატონო ლევან, თქვენი შვილები უყურებენ სერიალს?
ლევანი: კესო 15 წლის არის, ვასიკო – 6–ის. ორივე უყურებს სერიალს. ადრე პატარა ცოტა ეჭვიანობდა ტასოზე, ვერ გაიგო, რა ხდებოდა, სხვები რატომ მეძახდნენ მამას. ერთხელ მკითხა, ეს ხომ კინოა და მართლა იმათი მამა არ ხარო. ავუხსენი, რომ ეს უბრალოდ თამაშია.
ქეთი დინოშვილი, ჟურნალი სარკე
მედეა: ძალიან კარგი შვილი მყავს. ბიჭი რომ მყოლოდა, ვინატრებდი, ლევანისნაირი ყოფილიყო. ძალიან კონტაქტური, განათლებული, თბილი ადამიანია. თან ისეთი კარგი პარტნიორია, ხანდახან მგონია, რომ მართლა ჩემი შვილია. თამამად შემიძლია ვთქვა, რომ ყველა დედამ უნდა ინატროს ასეთი შვილი!
– ლევანის გმირის, დათოსადმიც ასეთი დამოკიდებულება გაქვთ?
მედეა: რაც შეეხება ლევანის გმირს, უნდა გითხრათ, რომ ის დედისთვის ძალიან კარგია, ცოლიც ძალიან უყვარს, ერთადერთი უარყოფითი ის აქვს, რომ ცხოვრება ძალით აირია. ეს დათოს დიდი მინუსია, მაგრამ მე, როგორც დედა, მაინც ვცდილობ, გამართლება მოვუძებნო. უკვე გამოსწორების გზაზეა, სახლში რემონტიც კი გააკეთა. რაც ყველაზე მთავარია, გიჟდება შვილებზე და ეს ყველა მამისთვის დიდი პლუსია. ვერ ვიტყვი, რომ ცოლი არ უყვარს, მაგრამ ყველა კაცს აქვს გაფრენის პერიოდი. მანახეთ ერთი კაცი, რომელსაც ცოლისთვის არ უღალატია! ნინას იმაში ვამტყუნებ, რომ, რადგან ქმარს აპატია, ყოველ წუთს არ უნდა წამოაძახოს დაშვებული შეცდომა. მესმის, ქალისთვის ძალიან ძნელია ღალატის გადატანა, მაგრამ თუ აპატიებ, მის შეცდომას ხაზი უნდა გადაუსვა და მასთან ერთად ახალი ცხოვრება დაიწყო.
– ლევან, ქალბატონი მანანა ხასიათით დედათქვენს ხომ არ ჰგავს?
ლევანი: ჩემი და მედეას დედაშვილობა სერიალში კარგად შედგა. ისეთივე ყურადღებიანი და მზრუნველია, როგორიც დედაჩემი. მხოლოდ ჩემთან კი არა, ყველა მსახიობთან ძალიან თბილია. დედაჩემიც ზუსტად ასეთია, ქალბატონ მედეასავით ძალიან ემოციურია, რაღაცეები საკმაოდ მძიმედ გადააქვს. სერიალის დასაწყისში ვცდილობდი, მანანასა და დედაჩემში რაღაც საერთო მეპოვა, რომ ჩვენი დედაშვილობა შემდგარიყო და, როგორც ჩანს, გამოგვივიდა, ერთმანეთისადმი პატივისცემა ეკრანზე კარგად ჩანს.
მედეა: ენაცვალოს დედა!
ლევანი: დედაჩემიც ზუსტად ისევე ცდილობს ჩემი და ჩემი ძმების გამართლებას, როგორც მანანა ამართლებს დათოს. ქვეყანა რომ დავაქციოთ, დედის მხარდაჭერა მაინც გვაქვს.
– არ ფიქრობთ, რომ მანანა ზედმეტად ერევა შვილის და რძლის ცხოვრებაში?
ლევანი: არა, რადგან ყველა ქართველი დედა ასეა. ცნობილი ფაქტია, რომ დედებს ბიჭები განსაკუთრებულად უყვართ. მანანას უნდა, მისი შვილის ოჯახი სამაგალითო და კარგი იყოს. ხომ გახსოვთ, შვილს რამდენ შენიშვნას აძლევდა და რა დღეში იყო, როცა ცოლს უღალატა? ისეთ დღეში მაგდებდა, ცეცხლი მენთო ქოჩორზე!
მედეა: დედა ყოველთვის შვილზეა გადამკვდარი და სულ მის გვერდითაა. რა მნიშვნელობა აქვს, რა ასაკისაა, სკოლას ამთავრებს, უნივერსიტეტს თუ ცოლი მოჰყავს? გასაგებია, რომ ქმარიც კარგია, მაგრამ შვილის სიყვარული სულ სხვანაირია. მანანა სულ ფიქრობს, მის შვილს არ შიოდეს, სამსახურში როგორაა. დათო რასაც აკეთებს, ყველაფერი აინტერესებს.
– ასეთი ხართ თქვენი ქალიშვილის მიმართაც?
მედეა: ჩემს შვილზე მართლა გადამკვდარი ვარ. სულ მაინტერესებს და ვეკითხები, რატომ არის მოწყენილი, რა მოხდა, ხომ არაფერი უჭირს.
ლევანი: ვერ ვიტყოდი, რომ მხოლოდ შვილთანაა ასე. ჩვენთან, მსახიობებთანაც, ზუსტად ასეთი დამოკიდებულება აქვს. ჩვენი ყველაფერი გულთან ახლოს მიაქვს და ნერვიულობს.
მედეა: კახელი ქალები თუ დინჯები არიან, იმერლები ცოტა ქოთქოთები ვართ. ლევანის გაბრაზება ცხოვრებაში არასოდეს მინახავს, თუ ერთ შემთხვევას არ ჩავთვლით.
– თქვენ ხომ არ გაგიბრაზდათ?
მედეა: არა, რაღაც მოხდა და გაბრაზდა. ისე არ მოექცნენ, როგორც საჭირო იყო და ნამდვილად არ იყო ამისი ღირსი. ლევანი ისეთი ადამიანია, კოლექტივმა ხელისგულზე უნდა ვატაროთ. მართლა ყველას უყვარს, მაგრამ რატომღაც მის გმირს ღალატს არ პატიობდნენ.
– თქვენც გყავთ გოგო და ანალოგიურ შემთხვევაში ეტყოდით, ქმარს აპატიე და შეურიგდიო?
მედეა: კი, აუცილებლად. ოჯახის შექმნა ძალიან ადვილია, დანგრევაა ძნელი. ამიტომ ვეტყოდი, თავის ქმარს ხან აქედან მიდგომოდა, ხან იქიდან და ყველა სიტუაციაში ეპატიებინა. როგორ შეიძლება ოჯახის ერთი ხელის მოსმით დანგრევა?! ნინამ კი რა გააკეთა – ოჯახის დანგრევას ხელი შეუწყო. ქმარს ეუბნებოდა, რომ არ ეცალა, არსად დაჰყვებოდა. მანანამ საჭმელი თუ არ მიუტანა, ქმარს შიმშილით მოკლავს და ასეთი რაღაცეები როგორ შეიძლება. ერთი გაბედონ და ამისი თავი დამიჩაგრონ, თვალებს ამოვთხრი!
– ლევან, თქვენს ცოლს და დედას ისეთივე ურთიერთობა აქვთ, როგორიც სერიალში ნინას და მანანას?
ლევანი: მანანა ძალიან ემოციურია და ყველაფერზე ქოთქოთებს, ჩემი ცოლის და დედაჩემის შემთხვევაში კი ცოტა სხვანაირადაა. ისინი ერთმანეთთან ისე არიან, როგორც შეიძლება ქართველი რძალ–დედამთილი იყვნენ. ყველგანაა რაღაც დარტყმები.
მედეა: ჩემს სიძესთან ისეთი მორიდებული ვარ, სულ ვცდილობ, ყველაფერში გავამართლო. ცოტა ფიცხია, ორი შვილი ჰყავს და ორივე ძალიან ცელქები არიან. ჩემს გოგოს სულ ვეუბნები, კაცი სამსახურიდან დაღლილი მოდის და უნდა მოუთმინო–მეთქი.
– ლევან, ქმარმა თუ უნდა აპატიოს ცოლს ღალატი?
ლევანი: ტყუილი და ღალატი სასიამოვნო არ არის. ადამიანს ძალიან უნდა, რომ აპატიონ, მაგრამ შეიძლება ასე არ მოხდეს.
მედეა: კაცი განათხოვარ, შვილიან ქალს უფრო ითხოვს და ცოლს ღალატს ვერ აპატიებს. კაცს რომ ცოლი უღალატებს, ეს ყველაზე დიდი საშინელებაა. ქალების ბედი კი ის არის, რომ ერთხელ მაინც აუცილებლად ღალატობს ქმარი.
– ქალბატონო მედეა, ალბათ გაიგებდით, რომ სერიალის პარალელურად ლევანს ოჯახშიც ჰქონდა გაუგებრობა ცოლთან. როგორი რეაქცია გქონდათ ამაზე?
მედეა: როცა ეს ამბავი გავიგე, ვუთხარი, რაღაც მოვიდა ჩემს ყურამდე და რა ხდება–მეთქი. ყველა ოჯახშია უსიამოვნება. როცა ქალი მსახიობს მიჰყვება ცოლად, ქმრის განრიგით უნდა იცხოვროს და მისი სამსახურისადმი პატივისცემა გამოიჩინოს. ლევანი ხანდახან ღამის 2 ან 3 საათზე შედის სახლში, აბა, რა ქნას, ოჯახს რჩენა არ უნდა? მესმის, რომ ქალს ქმარი სჭირდება გვერდით, მაგრამ ხელი აუცილებლად უნდა შეუწყოს. ლევანი ისეთი წესიერი და პატიოსანი ბიჭია, ვერ წარმოიდგენთ! ხომ შეეძლო, როცა ცოლთან დაშორებული იყო, საყვარელი გაეჩინა. ეთქვა, მე მსახიობი ვარ, თუ გინდა, შეეგუე, თუ არადა ქალის მეტი რა არისო. რამდენი კაცია, რომელსაც აღარც ცოლი უნდა და აღარც შვილები. ლევანი ასეთი არაა.
ლევანის ცოლს ვთხოვ: ჩვენ შენი ქმარი ძალიან გვიყვარს და ცოტა ხანს დაგვეხმარე, რომ მას სახლში სიმყუდროვე და სიწყნარე ჰქონდეს.
ლევანი: ახლა უკვე ყველაფერი მოგვარდა, წყნარად, ნორმალურად ვართ. ერთი რამ ზუსტად ვიცი, არასოდეს უნდა თქვა, ჩემთან ცუდი არაფერი მოხდებაო.
– ლევან, თქვენი ცოლი ეჭვიანი არ არის?
ლევანი: არა. თუკი ოდესმე დამიგვიანია, ჩემთან ტელეფონზე დარეკვა არასოდეს დაუწყია. სამსახურის მერე ზოგჯერ დალევა მიწევს და ამიტომ უფრო მიგვიანდება სახლში, მაგრამ მარინას ეჭვიანობა არასოდეს მიგრძვნია. ჩვენი შვილები უკვე დიდები არიან, მათ ბევრი ყურადღება სჭირდებათ და ამიტომ ეჭვიანობის დროც არ აქვს. ამას გარდა, ძალიან კარგად მიცნობს. ურთიერთობაში მთავარი ნდობაა და მარინა მენდობა.
მედეა: მარინასი მესმის. გასაგებია, როცა ქმარი რამდენჯერმე დააგვიანებს, მაგრამ მთელი წლის განმავლობაში სულ სამსახურზე რომაა გადართული, საყვედურს ეტყვი, აბა, რა იქნება?!
ლევანი: მსახიობისთვის სახლში ჯდომა არ გამოდის.
– ლევან, დათოს ღალატის გამო ერთი პერიოდი ძალიან განაწყენებული გყავდათ მაყურებელი. როგორც ატყობთ, დაიბრუნეთ მისი კეთილგანწყობა?
ლევანი: ვცდილობ, რაღაცნაირად შემოვირიგო. ძალიან მაკრიტიკებდნენ, რადგან ჩემი გმირისგან ასეთ საქციელს არ ელოდნენ. სადაც კი შევდიოდი, ერთი ამბავი ატყდებოდა ხოლმე, სერიალს რეალობისგან ვეღარ არჩევდნენ. მეუბნებოდნენ, გაჩერდი, იმ ქალს თავი დაანებეო. ერთმა ქალმა მითხრა, არც ერთი ქალი ღირს შენი შვილების ცრემლებადო – ჯეკო და ტასო იგულისხმა.
ერთხელ ბენზინგასამართ სადგურზე ვიღაც ბიჭმა მითხრა, გეხვეწები რა, გაჩერდი, ცოლი კბილის ექიმთან აღარ მიშვებსო. ბევრს ისიც უთქვამს, ტელეფონზე სალაპარაკოდ სხვა ოთახში რომ გავდივარ, ცოლი მეკითხება, ვის ველაპარაკე, როცა ადრე ამით არ დაინტერესებულაო.
ხალხი ძლივს დავაჯერეთ, რომ მე და ანი ტყებუჩავა რეალურად ცოლ–ქმარი არ ვართ და ტასოს და ჯეკოს როლის შემსრულებლები ჩვენი შვილები არ არიან. შეიძლება ვიღაცეებს დღესაც ასე ჰგონიათ.
– არ შიშობთ, რომ ეს როლები ისე "მოგეწებებათ", ხალხისთვის ყოველთვის მანანად და დათოდ დარჩებით?
ლევანი: კი, ვფიქრობ. ამდენი სეზონის და ასეთი პოპულარობის შემდეგ ალბათ ძალიან განსხვავებული როლი უნდა ვითამაშო, რომ ყველასთვის ისევ დათო გოცირიძე არ ვიყო.
მედეა: მე აღარ მინდა, სხვაგანაც ქოთქოთა ბებიის როლი ვითამაშო. წყნარი, თბილი, მოსიყვარულე ბებიის ან მინისტრის გადაპრანჭული ცოლის როლი მინდა.
– ბატონო ლევან, თქვენი შვილები უყურებენ სერიალს?
ლევანი: კესო 15 წლის არის, ვასიკო – 6–ის. ორივე უყურებს სერიალს. ადრე პატარა ცოტა ეჭვიანობდა ტასოზე, ვერ გაიგო, რა ხდებოდა, სხვები რატომ მეძახდნენ მამას. ერთხელ მკითხა, ეს ხომ კინოა და მართლა იმათი მამა არ ხარო. ავუხსენი, რომ ეს უბრალოდ თამაშია.
ქეთი დინოშვილი, ჟურნალი სარკე
