ნანა ლორთქიფანიძე: "ნაოჭების არ მეშინია, მთავარია, ასაკის შესაფერისი როლები მქონდეს"
1 965 ნახვა
მსახიობ ნანა ლორთქიფანიძეს კარგად ახსოვს ის დღე, როცა თავის გარეგნობას პირველი სერიოზული ცვლილება შეატყო. ის ემოცია არ ავიწყდება, მაგრამ ასაკის მატებას არ შეუშინებია, ამ ფაქტს ღირსეულად და გაგებით შეხვდა. გარეგნობაზე ზრუნავს, მაგრამ არა – გადამეტებულად. კანის მოვლის საშუალებებს იმის მიხედვით არჩევს, რისი შეძენის საშუალებაც აქვს. ძვირადღირებული კოსმეტიკური პროცედურებით თავს ვერ ინებივრებს, მაგრამ ცდილობს, სწორი კვების რეჟიმი დაიცვას, ივარჯიშოს, იცურაოს.
ცოტა ხნის წინ მძიმე დანაკარგი განიცადა – მამა, ცნობილი რეჟისორი გიგა ლორთქიფანიძე, ამქვეყნიდან წავიდა. ამ დარტყმამ ყველა საზრუნავი გადაფარა და ქალბატონი ნანა კალაპოტიდან ამოაგდო. ახლა თანდათან უბრუნდება ჩვეულ რეჟიმს.
– ქალბატონო ნანა, ყოველთვის ქერა იყავით, ახლახან კი ეკრანზე მუქი თმით გამოჩნდით. სხვა დროსაც შეგიცვლიათ მკვეთრად თმის ფერი?
– კი, თმა შემიღებავს, მაგრამ ძალიან ცოტა ხნით, რადგან სხვა იმიჯს ვერ ვეგუები. ბევრს უთქვამს, რომ მუქი თმა მიხდება, მაგრამ ბოლოს ისევ ჩემს ფერს ვუბრუნდები ხოლმე. მიყვარს მრავალფეროვნება, ვარცხნილობის შეცვლა, მაგრამ მალევე ძველ, ჩვეულ სტილს ვარჩევ.
– პლასტიკური ოპერაცია თუ გაქვთ გაკეთებული?
– პლასტიკურ ქირურგთან მისვლა არასდროს მიცდია, მიუხედავად იმისა, რომ ამას სიამოვნებით გავაკეთებდი. ვფიქრობ, რომ ქალმა მაქსიმალურად უნდა მოიწესრიგოს და გაილამაზოს თავი, მაგრამ ოპერაციების შიში მაქვს. თუ თმის ფერი არ მომეწონა, ძველ სტილს დავიბრუნებ, მაგრამ თუ ოპერაციის შედეგი არ მომეწონა, რა ვქნა? რას ვიზამთ, წლები და ნაოჭები გვემატება. მთავარია, ასაკის შესაფერისი როლები მქონდეს. პლასტიკური ოპერაციით როგორც უნდა გავიახალგაზრდავო თავი, 20 წლის მაინც ვერ გავხდები. რა თქმა უნდა, არ არის სასიამოვნო, როცა სარკეში იყურები და ყელი არ მოგწონს, ნაოჭებს ხედავ. არც ვთვლი, რომ ნაოჭებს თავისი ხიბლი აქვს, როგორც ამბობენ, მაგრამ პლასტიკური ოპერაციის ჯერ მაინც მეშინია.
ბოტოქსის თუ მეზოთერაპიის მომხრე ვარ. ბოტოქსი გამიკეთებია, მაგრამ ზომიერად, სახე არ უნდა გადაშეშდეს. არ შეიძლება, მიმიკა დაკარგო, მით უმეტეს, მსახიობმა. მეზოთერაპიაც გამიკეთებია, მაგრამ ამ ყველაფერს დიდი ფინანსები სჭირდება. მეზოთერაპიას პერიოდულად გავიკეთებდი. კარგი კრემის ყიდვაც საკმაოდ ძვირი ჯდება.
– კანი მშვენიერ მდგომარეობაში გაქვთ. როგორ უვლით მას?
– საკმაოდ დაბალფასიან საცხებს ვისვამ. ამ ბოლო დროს ბელორუსიის პროდუქცია მომეწონა. მეტს არაფერს ვაკეთებ. ქალს რაც სჭირდება კანის მოვლისთვის – მასაჟები, ნიღბები – ეს ყველაფერი ძვირადღირებულია. ძალიან მიყვარს კოსმეტიკა, მაგრამ მასშიც დიდ ფასს ვერ ვიხდი. ჩემს ცხოვრებაში იყო პერიოდი, როცა უფრო ძვირადღირებულ პარფიუმერიას და კოსმეტიკას ვიყენებდი, მაგრამ ახლა ასე აღარ არის.
– როგორც მსახიობს, გრიმის გაკეთების საკმაო გამოცდილება გექნებათ და ალბათ მაკიაჟის ხელოვნებაშიც ხართ დაოსტატებული.
– დავიკვეხნი, რომ, თვალებს როცა ვიღებავ, ყველა მეკითხება, ამას როგორ ვაკეთებ. მიყვარს თვალებზე აქცენტის გაკეთება და ლოყებზე ფერუმარილი. მკვეთრ ფერებს არ ვიყენებ, მაგრამ ხანდახან ძალიან მიყვარს წითელი ტუჩსაცხი. არასწორი მაკიაჟიც გაუკეთებიათ ჩემთვის, მაგრამ შემისწორებია.
– გარეგნობაზე ყოველთვის აისახება, თუ როგორ ვიკვებებით. თქვენი კვების რეჟიმი როგორია?
– კვების რეჟიმი ჩემთვის მტკივნეული თემაა. ბოლო დროს მოვიმატე და ვცდილობ, ფორმაში ჩავდგე. ზედმეტ წონაზე ვნერვიულობ. ვიცი, რომ ცილოვანი დიეტა მიხდება. მუდმივად ვვარჯიშობდი, ვცურავდი, მაგრამ ბოლო დროს ვეღარ ვახერხებ და ამანაც იქონია გავლენა. ძალიან გამხდარი არასოდეს ვყოფილვარ, ასეთი აღნაგობა არ მაქვს, მაგრამ წონას ვინარჩუნებდი. თავის მისახედად დრო ცოტა მაქვს – ოჯახი, ბავშვები, დედაჩემის ავადმყოფობა, მამას ავადმყოფობა და მისი ამქვეყნიდან წასვლა... თავის მიხედვას კი დროსა და ფინანსებთან ერთად განწყობაც სჭირდება, რაც არ მქონდა. მინდა, ჩვეული ცხოვრების რეჟიმს დავუბრუნდე.
– ყველა ქალს აქვს პერიოდი, როცა საკუთარი გარეგნობით კმაყოფილია, თავდაჯერებულობას გრძნობს. თქვენთან ეს შეგრძნება რა ასაკში მოვიდა?
– სხვათა შორის, 17–18 წლის ასაკში საერთოდ არ მომწონდა საკუთარი თავი, ზედმეტად კრიტიკული ვიყავი. მოგვიანებით, 40 წლის მერე, უფრო მომწონდა ჩემი თავი. ადრე გაუთავებლად ვმალავდი სურათებს, სადაც საკუთარი თავი არ მომწონდა. ახლა ის ფოტოები ძალიან მიყვარს.
25 წლის ასაკში ნაოჭებზე არც ვფიქრობდი, არ ვნერვიულობდი ამ თემაზე. მახსოვს, პირველად როდის აღმოვაჩინე, რომ გარეგნობაში ცვლილება დამეწყო და ეს არ მომეწონა: ჩვევად მაქვს, მაკიაჟის გაკეთების შემდეგ მანქანაში ჩაჯდომისას ჩავიხედო მის სარკეში და მაკიაჟი გავისწორო. ერთხელ, მზიან ამინდში, მანქანის სარკე რომ ჩამოვწიე და ჩავიხედე, ისე არ მომეწონა ჩემი ყელი... აღმოვაჩინე, რომ ისეთი აღარ იყო, როგორიც ადრე მქონდა. კინაღამ გადავიფიქრე იქ წასვლა, სადაც მივდიოდი. ნორმალური ადამიანი ბუნებრივად ეგუება ამ ცვლილებას, ზოგს კი გულთან ძალიან ახლოს მიაქვს. ამიტომ იკეთებენ პლასტიკურ ოპერციებს და ისეთ აზარტში შედიან, რომ ცოტა გამაღიზიანებელიც ხდება. ამას, რა თქმა უნდა, ბუნებრიობა სჯობია. ასაკს ვერ გავექცევით.
დაკვირვებული ვარ, ძალიან ლამაზი ქალები ვერ ეგუებიან ასაკს, უფრო ხშირად მიმართავენ პლასტიკურ ოპერაციებს და ზოგჯერ თავს იმახინჯებენ. მე ნამდვილად არ მაქვს ასაკთან დაკავშირებული ფსიქოზი, შიში. შეიძლება ეკრანზე ჩემი თავი არ მომეწონოს, მაგრამ რა ვქნა, ამას უნდა შევეგუო.
– ვინ გიყურებთ სარკიდან?
– ხანდახან, სარკეში რომ ჩავიხედავ, თავს ვეჩხუბები – რა არის, ნანა, ისევ იმავე ფერის თმა, იმიჯი... მაგრამ ყველაფერი განწყობაზეა დამოკიდებული. ადამიანი სადაც მიდიხარ, იმისდამიხედვით გექმნება განწყობა. ჩემთვის კი ნამდვილად დიდი მნიშვნელობა აქვს, სად მივდივარ. სხვა ხასიათზე ვარ, როცა თეატრში ვარ და სხვა განწყობა მეუფლება გადაღებებზე.
– რა არის თქვენი ქალური სისუსტე?
– ძალიან მიყვარს სამკაულები. ერთხელ წყნეთიდან წამოვედი მანქანით. შუა გზაში აღმოვაჩინე, რომ ბეჭდები არ მეკეთა და უკან მივბრუნდი. აქსესუარების ამოჩემება ვიცი. ოქროს დიდი ხანია ვეღარ ვიკეთებ – არ მომწონს, ვერ ვიხდენ. ხანდახან შეიძლება მოუწესრიგებელიც გავიდე სახლიდან, არანაირი აქსესუარი არ გავიკეთო. ხასიათის ადამიანი ვარ ამ მხრივ.
სერიალებმა ძალიან პოპულარული გამხადა, ყველგან მცნობდნენ. დედა იმის მერე სულ მეჩხუბებოდა, სახლიდან უბრალოდ ჩაცმული ნუ გადიხარ, გცნობენო. ამან გამხადა იძულებული, ქუჩაში მოუწესრიგებელი აღარ გავსულიყავი.
– მამისგან თუ იმსახურებდით შენიშვნებს ან შექებას გარეგნობასთან დაკავშირებით?
– ყოველთვის ამჩნევდა, თუ რამე ახალი მეცვა ან თმა სხვანაირად მქონდა... ძალიან დიდი რამ მომაკლდა. წავიდა და ოჯახის ხიბლი წაიღო. მეჩვენება, რომ ძალიან უფერულები გავხდით. მამის თვალი სულ გვერდით დამყვებოდა, რომლითაც თავს ვამოწმებდი.
– დედა, ქალბატონი ქეთევანი, ცნობილი ლამაზი ქალი იყო. ის რას გასწავლიდათ თავის მოვლის საკითხებში?
– არასოდეს არაფერს დაგაძალებდა. შეიძლება თავისი აზრი ეთქვა, მაგრამ თავს არ მომახვევდა. ახლაც ასეა. ეს დამოუკიდებლობა სულ გვქონდა ოჯახში. ხშირად არ ემთხვევა დედა–შვილის გემოვნება, თუნდაც თაობათა შორის ასაკობრივი სხვაობის გამო. დედა კი პირიქით იყო, რასაც შვილები ვიცვამდით, ის მოსწონდა და თვითონაც უნდოდა. საქმეში სულ მეხმარებოდა და მეხმარება დედა, მისი რჩევები ჩემთვის ძალიან მნიშვნელოვანია.
– თქვენ როგორი დედა ხართ, ქალიშვილს რჩევებს აძლევთ?
– ხაზგასმით შემიძლია ვთქვა, რომ მომწონს ჩემი შვილის გემოვნება და ჩაცმის სტილი. მაგრამ შენიშვნაც მიმიცია, სულ სპორტულად, ჯინსებით და კედებით სიარულიც არ შეიძლება–მეთქი. მეც სრულ თავისუფლებას ვაძლევ ქალიშვილს. არ ვერევი მის არჩევანში. ჩვენი გემოვნება ხშირად ემთხვევა ერთმანეთს.
– რა არის ქალის სილამაზის საიდუმლო?
– მისი შინაგანი განწყობა. დაკვირვებული ვარ, როცა ქალი შეყვარებულია, ისეთი ლამაზია, რომ მეტი არაფერი სჭირდება. ოჯახის კეთილდღეობა მოქმედებს ქალის გარეგნობაზე. შეიძლება უბრალოდ გადაიწიო თმა, გახვიდე გარეთ და კარგად გამოიყურებოდე.
მანანა ნოდია, ჟურნალი სარკე
ცოტა ხნის წინ მძიმე დანაკარგი განიცადა – მამა, ცნობილი რეჟისორი გიგა ლორთქიფანიძე, ამქვეყნიდან წავიდა. ამ დარტყმამ ყველა საზრუნავი გადაფარა და ქალბატონი ნანა კალაპოტიდან ამოაგდო. ახლა თანდათან უბრუნდება ჩვეულ რეჟიმს.
– ქალბატონო ნანა, ყოველთვის ქერა იყავით, ახლახან კი ეკრანზე მუქი თმით გამოჩნდით. სხვა დროსაც შეგიცვლიათ მკვეთრად თმის ფერი?
– კი, თმა შემიღებავს, მაგრამ ძალიან ცოტა ხნით, რადგან სხვა იმიჯს ვერ ვეგუები. ბევრს უთქვამს, რომ მუქი თმა მიხდება, მაგრამ ბოლოს ისევ ჩემს ფერს ვუბრუნდები ხოლმე. მიყვარს მრავალფეროვნება, ვარცხნილობის შეცვლა, მაგრამ მალევე ძველ, ჩვეულ სტილს ვარჩევ.
– პლასტიკური ოპერაცია თუ გაქვთ გაკეთებული?
– პლასტიკურ ქირურგთან მისვლა არასდროს მიცდია, მიუხედავად იმისა, რომ ამას სიამოვნებით გავაკეთებდი. ვფიქრობ, რომ ქალმა მაქსიმალურად უნდა მოიწესრიგოს და გაილამაზოს თავი, მაგრამ ოპერაციების შიში მაქვს. თუ თმის ფერი არ მომეწონა, ძველ სტილს დავიბრუნებ, მაგრამ თუ ოპერაციის შედეგი არ მომეწონა, რა ვქნა? რას ვიზამთ, წლები და ნაოჭები გვემატება. მთავარია, ასაკის შესაფერისი როლები მქონდეს. პლასტიკური ოპერაციით როგორც უნდა გავიახალგაზრდავო თავი, 20 წლის მაინც ვერ გავხდები. რა თქმა უნდა, არ არის სასიამოვნო, როცა სარკეში იყურები და ყელი არ მოგწონს, ნაოჭებს ხედავ. არც ვთვლი, რომ ნაოჭებს თავისი ხიბლი აქვს, როგორც ამბობენ, მაგრამ პლასტიკური ოპერაციის ჯერ მაინც მეშინია.
ბოტოქსის თუ მეზოთერაპიის მომხრე ვარ. ბოტოქსი გამიკეთებია, მაგრამ ზომიერად, სახე არ უნდა გადაშეშდეს. არ შეიძლება, მიმიკა დაკარგო, მით უმეტეს, მსახიობმა. მეზოთერაპიაც გამიკეთებია, მაგრამ ამ ყველაფერს დიდი ფინანსები სჭირდება. მეზოთერაპიას პერიოდულად გავიკეთებდი. კარგი კრემის ყიდვაც საკმაოდ ძვირი ჯდება.
– კანი მშვენიერ მდგომარეობაში გაქვთ. როგორ უვლით მას?
– საკმაოდ დაბალფასიან საცხებს ვისვამ. ამ ბოლო დროს ბელორუსიის პროდუქცია მომეწონა. მეტს არაფერს ვაკეთებ. ქალს რაც სჭირდება კანის მოვლისთვის – მასაჟები, ნიღბები – ეს ყველაფერი ძვირადღირებულია. ძალიან მიყვარს კოსმეტიკა, მაგრამ მასშიც დიდ ფასს ვერ ვიხდი. ჩემს ცხოვრებაში იყო პერიოდი, როცა უფრო ძვირადღირებულ პარფიუმერიას და კოსმეტიკას ვიყენებდი, მაგრამ ახლა ასე აღარ არის.
– როგორც მსახიობს, გრიმის გაკეთების საკმაო გამოცდილება გექნებათ და ალბათ მაკიაჟის ხელოვნებაშიც ხართ დაოსტატებული.
– დავიკვეხნი, რომ, თვალებს როცა ვიღებავ, ყველა მეკითხება, ამას როგორ ვაკეთებ. მიყვარს თვალებზე აქცენტის გაკეთება და ლოყებზე ფერუმარილი. მკვეთრ ფერებს არ ვიყენებ, მაგრამ ხანდახან ძალიან მიყვარს წითელი ტუჩსაცხი. არასწორი მაკიაჟიც გაუკეთებიათ ჩემთვის, მაგრამ შემისწორებია.
– გარეგნობაზე ყოველთვის აისახება, თუ როგორ ვიკვებებით. თქვენი კვების რეჟიმი როგორია?
– კვების რეჟიმი ჩემთვის მტკივნეული თემაა. ბოლო დროს მოვიმატე და ვცდილობ, ფორმაში ჩავდგე. ზედმეტ წონაზე ვნერვიულობ. ვიცი, რომ ცილოვანი დიეტა მიხდება. მუდმივად ვვარჯიშობდი, ვცურავდი, მაგრამ ბოლო დროს ვეღარ ვახერხებ და ამანაც იქონია გავლენა. ძალიან გამხდარი არასოდეს ვყოფილვარ, ასეთი აღნაგობა არ მაქვს, მაგრამ წონას ვინარჩუნებდი. თავის მისახედად დრო ცოტა მაქვს – ოჯახი, ბავშვები, დედაჩემის ავადმყოფობა, მამას ავადმყოფობა და მისი ამქვეყნიდან წასვლა... თავის მიხედვას კი დროსა და ფინანსებთან ერთად განწყობაც სჭირდება, რაც არ მქონდა. მინდა, ჩვეული ცხოვრების რეჟიმს დავუბრუნდე.
– ყველა ქალს აქვს პერიოდი, როცა საკუთარი გარეგნობით კმაყოფილია, თავდაჯერებულობას გრძნობს. თქვენთან ეს შეგრძნება რა ასაკში მოვიდა?
– სხვათა შორის, 17–18 წლის ასაკში საერთოდ არ მომწონდა საკუთარი თავი, ზედმეტად კრიტიკული ვიყავი. მოგვიანებით, 40 წლის მერე, უფრო მომწონდა ჩემი თავი. ადრე გაუთავებლად ვმალავდი სურათებს, სადაც საკუთარი თავი არ მომწონდა. ახლა ის ფოტოები ძალიან მიყვარს.
25 წლის ასაკში ნაოჭებზე არც ვფიქრობდი, არ ვნერვიულობდი ამ თემაზე. მახსოვს, პირველად როდის აღმოვაჩინე, რომ გარეგნობაში ცვლილება დამეწყო და ეს არ მომეწონა: ჩვევად მაქვს, მაკიაჟის გაკეთების შემდეგ მანქანაში ჩაჯდომისას ჩავიხედო მის სარკეში და მაკიაჟი გავისწორო. ერთხელ, მზიან ამინდში, მანქანის სარკე რომ ჩამოვწიე და ჩავიხედე, ისე არ მომეწონა ჩემი ყელი... აღმოვაჩინე, რომ ისეთი აღარ იყო, როგორიც ადრე მქონდა. კინაღამ გადავიფიქრე იქ წასვლა, სადაც მივდიოდი. ნორმალური ადამიანი ბუნებრივად ეგუება ამ ცვლილებას, ზოგს კი გულთან ძალიან ახლოს მიაქვს. ამიტომ იკეთებენ პლასტიკურ ოპერციებს და ისეთ აზარტში შედიან, რომ ცოტა გამაღიზიანებელიც ხდება. ამას, რა თქმა უნდა, ბუნებრიობა სჯობია. ასაკს ვერ გავექცევით.
დაკვირვებული ვარ, ძალიან ლამაზი ქალები ვერ ეგუებიან ასაკს, უფრო ხშირად მიმართავენ პლასტიკურ ოპერაციებს და ზოგჯერ თავს იმახინჯებენ. მე ნამდვილად არ მაქვს ასაკთან დაკავშირებული ფსიქოზი, შიში. შეიძლება ეკრანზე ჩემი თავი არ მომეწონოს, მაგრამ რა ვქნა, ამას უნდა შევეგუო.
– ვინ გიყურებთ სარკიდან?
– ხანდახან, სარკეში რომ ჩავიხედავ, თავს ვეჩხუბები – რა არის, ნანა, ისევ იმავე ფერის თმა, იმიჯი... მაგრამ ყველაფერი განწყობაზეა დამოკიდებული. ადამიანი სადაც მიდიხარ, იმისდამიხედვით გექმნება განწყობა. ჩემთვის კი ნამდვილად დიდი მნიშვნელობა აქვს, სად მივდივარ. სხვა ხასიათზე ვარ, როცა თეატრში ვარ და სხვა განწყობა მეუფლება გადაღებებზე.
– რა არის თქვენი ქალური სისუსტე?
– ძალიან მიყვარს სამკაულები. ერთხელ წყნეთიდან წამოვედი მანქანით. შუა გზაში აღმოვაჩინე, რომ ბეჭდები არ მეკეთა და უკან მივბრუნდი. აქსესუარების ამოჩემება ვიცი. ოქროს დიდი ხანია ვეღარ ვიკეთებ – არ მომწონს, ვერ ვიხდენ. ხანდახან შეიძლება მოუწესრიგებელიც გავიდე სახლიდან, არანაირი აქსესუარი არ გავიკეთო. ხასიათის ადამიანი ვარ ამ მხრივ.
სერიალებმა ძალიან პოპულარული გამხადა, ყველგან მცნობდნენ. დედა იმის მერე სულ მეჩხუბებოდა, სახლიდან უბრალოდ ჩაცმული ნუ გადიხარ, გცნობენო. ამან გამხადა იძულებული, ქუჩაში მოუწესრიგებელი აღარ გავსულიყავი.
– მამისგან თუ იმსახურებდით შენიშვნებს ან შექებას გარეგნობასთან დაკავშირებით?
– ყოველთვის ამჩნევდა, თუ რამე ახალი მეცვა ან თმა სხვანაირად მქონდა... ძალიან დიდი რამ მომაკლდა. წავიდა და ოჯახის ხიბლი წაიღო. მეჩვენება, რომ ძალიან უფერულები გავხდით. მამის თვალი სულ გვერდით დამყვებოდა, რომლითაც თავს ვამოწმებდი.
– დედა, ქალბატონი ქეთევანი, ცნობილი ლამაზი ქალი იყო. ის რას გასწავლიდათ თავის მოვლის საკითხებში?
– არასოდეს არაფერს დაგაძალებდა. შეიძლება თავისი აზრი ეთქვა, მაგრამ თავს არ მომახვევდა. ახლაც ასეა. ეს დამოუკიდებლობა სულ გვქონდა ოჯახში. ხშირად არ ემთხვევა დედა–შვილის გემოვნება, თუნდაც თაობათა შორის ასაკობრივი სხვაობის გამო. დედა კი პირიქით იყო, რასაც შვილები ვიცვამდით, ის მოსწონდა და თვითონაც უნდოდა. საქმეში სულ მეხმარებოდა და მეხმარება დედა, მისი რჩევები ჩემთვის ძალიან მნიშვნელოვანია.
– თქვენ როგორი დედა ხართ, ქალიშვილს რჩევებს აძლევთ?
– ხაზგასმით შემიძლია ვთქვა, რომ მომწონს ჩემი შვილის გემოვნება და ჩაცმის სტილი. მაგრამ შენიშვნაც მიმიცია, სულ სპორტულად, ჯინსებით და კედებით სიარულიც არ შეიძლება–მეთქი. მეც სრულ თავისუფლებას ვაძლევ ქალიშვილს. არ ვერევი მის არჩევანში. ჩვენი გემოვნება ხშირად ემთხვევა ერთმანეთს.
– რა არის ქალის სილამაზის საიდუმლო?
– მისი შინაგანი განწყობა. დაკვირვებული ვარ, როცა ქალი შეყვარებულია, ისეთი ლამაზია, რომ მეტი არაფერი სჭირდება. ოჯახის კეთილდღეობა მოქმედებს ქალის გარეგნობაზე. შეიძლება უბრალოდ გადაიწიო თმა, გახვიდე გარეთ და კარგად გამოიყურებოდე.
მანანა ნოდია, ჟურნალი სარკე
