ჯენიფერ ლოპესი კასპერ სმარტს დაშორდა?

თუკი პრესას ვენდობით, ჯენიფერ ლოპესისა და კასპერ სმარტის ორწლიანი რომანი დასრულდა. ჟურნალი „Star“ წერს, რომ 44 წლის მომღერალმა თავისი 26 წლის შეყვარებული თითქმის ერთთვიანი ჩხუბების შემდეგ სახლიდან გააგდო. „ჯენი კასპერს თავის წარუმატებლობას აბრალებდა, ახლა კი საერთოდ სახლიდან გაუძახა“, — განაცხადა ვარსკვლავთან დაახლოებულმა საინფორმაციო წყარომ. სხვა ინფორმატორის თქმით, შეყვარებულებს შორის ყველაფერი ჯერ არ დასრულებულა: „მათ საქმე არც ისე კარგად აქვთ, ისინი ჩხუბობენ. ურთიერთობა ხან გათბება და ხანაც განელდება, ახლა სწორედ „გაციებულ სტადიაშია“. კასპერთან შეხვედრა ჯეი ლომ ყოფილ მეუღლესთან, მარკ ენტონისთან დაშორებიდან სამი თვის შემდეგ დაიწყო, რომელიც მისი რიგით მესამე ქმარი გახლდათ. ამბობენ, რომ ლოპესის გარემოცვაში სმარტს, მომღერლის პოტენციურ მეუღლედ არასდროს მიიჩნევდნენ. „კასპერი მისი ცხოვრების სიყვარული არ არის. ყველასთვის სიურპრიზი იქნება, თუ ეს ურთიერთობა დიდხანს გასტანს“.