რატომ გაეყარა სოფო ბედია ქმარს
2 378 ნახვა
მომღერალი სოფო ბედია პირად ცხოვრებაში ყოველთვის წარმატებული ჩანდა. პრესასთან ის სიყვარულით საუბრობდა თავის ქმარზე, მუსიკოს მიშა შაყულაშვილზე, ამბობდა, რომ ბედნიერი ოჯახი ჰქონდა. ერთად ზრდიდნენ შვილს, ნიკოლოზს და მომავლის გეგმებს აწყობდნენ... ახლახან კი ცნობილი გახდა, რომ მათი ოჯახი დაინგრა. როგორც ირკვევა, ბზარი დიდი ხნის წინ გაჩნდა, 3 თვის წინ კი სოფომ ყველაფერს წერტილი დაუსვა. გავრცელდა ხმები, რომ მათ შორის მესამე პირი ჩადგა, რასაც მომღერალი "სარკესთან" კატეგორიულად უარყოფს და გაშორების რეალურ მიზეზებზე საუბრობს.
– სოფო, თქვენი ოჯახი ისეთი ბედნიერი ჩანდა, ძნელი იყო წარმოდგენა, რომ მას ოდესმე დანგრევის საფრთხე დაემუქრებოდა.
– ყველა ადამიანის ცხოვრებაში რაღაც იწყება და რაღაც მთავრდება. სასურველია, როცა ადამიანი დიდი სიყვარულით შექმნის ოჯახს, ცხოვრების ბოლომდე შეინარჩუნოს იგი, მაგრამ ყველაფერი ხდება. თანაცხოვრება რთული საკითხია, სიყვარულს მოფრთხილება სჭირდება. მე ყოველთვის ვუფრთხილდებოდი ჩვენს გრძნობას, ვცდილობდი, ჩვენი ოჯახი ყველასთვის თითით საჩვენებელი, მისაბაძი ყოფილიყო. ხალხის თვალში ასეც იყო. ჩვენი ოჯახის რღვევამ ამიტომაც გამოიწვია ამხელა აჟიოტაჟი. ყველა აღნიშნავდა, რომ გამორჩეული წყვილი ვიყავით, შეიძლება ასეც იყო, მაგრამ დადგა დრო, როცა ეს ყველაფერი დამთავრდა.
– სოციალურ ქსელში დაწერეს, რომ თქვენი ოჯახის დანგრევის მიზეზი ღალატი იყო. რას უპასუხებთ ამ ხმებს?
– გამორიცხულია, ეს ტყუილია! ჩვენ ერთმანეთს საოცრად დიდ პატივს ვცემდით. გვიყვარდა ერთმანეთი და ორივე ძალიან გულწრფელი და ერთგული ვიყავით ერთმანეთის მიმართ.
სასაცილოა ღალატის თემა. ვიღაცისთვის საინტერესო რომ ყოფილიყო ჩვენი ოჯახის დანგრევის მიზეზი, ამიტომ გაავრცელეს ეს ხმა.
– როდის მიხვდით, რომ თქვენი ცოლქმრობა შეიძლებოდა დასრულებულიყო?
– დიდი ხნის წინ, მაგრამ ყველანაირად ვცდილობდი, ეს ურთიერთობა არ დამესრულებინა. რამდენიმე თვის წინ ორსულად დავრჩი, ვიფიქრე, მეორე შვილი შეცვლიდა ჩვენს ურთიერთობას, მაგრამ ისე მოხდა, რომ მუცელი მომეშალა. ალბათ ღვთის ნება იყო. ამის შემდეგ ჩემი გადაწყვეტილებით ყველაფერი დასრულდა. ეს მოხდა 3 თვის წინ.
ბზარი ბევრად ადრე გაჩნდა, ვცდილობდი, შემევსო, მაგრამ არაფერი გამოვიდა. როცა ორი ადამიანი ერთმანეთს ვეღარ უგებს, როცა სალაპარაკო თემა აღარ არსებობს, იქ უნდა დამთავრდეს ყველაფერი. იმას, რომ არაჩვეულებრივი მამაა, არავინ უკარგავს, დღემდე ნორმალური ურთიერთობა გვაქვს. ბავშვს ნახულობს, ერთმანეთს ხშირად ვხედავთ. ვუსურვებ ბედნიერებას სხვასთან. თუ ის უკეთესად იგრძნობს ვინმე სხვასთან თავს, რატომაც არა, ეს ჩემთვის მისაღები იქნება.
– ერთ–ერთ გამოცემაში თქვენ ამბობთ, რომ ახალ სიყვარულს ეძებთ.
– ჟურნალისტმა დაწერა ჩემი სიტყვები – ჩემს თავსაც და ყოფილ მეუღლესაც ვუსურვებ, ახალი სიყვარული გვეპოვოს–მეთქი. ეს ხალხმა ისე გაიგო, თითქოს ახალ სიყვარულს ვეძებდი. ეს არის მტკნარი სიცრუე! არაფერს ვეძებ, ჩემთვის ვარ მშვიდად, მინდა, დალაგდეს ჩემი ცხოვრება და მომავალში რა იქნება, ეს უფალმა იცის. ყველა ადამიანს ვურჩევდი, ადამიანობა გამოიჩინონ.
ჩემს ამბავს ისეთი კომენტარები მოჰყვა ხალხის მხრიდან, რომ გული მეტკინა, შევშფოთდი. მათ აგრესიას მოუმზადებელი შევხვდი. ჩემი "ფეისბუქის" გვერდზე მათ პასუხი გავეცი, რაც დღევანდელი გადასახედიდან არასწორი ნაბიჯი იყო. მათი იგნორირება ვერ შევძელი, რადგან სუფთა ვარ და გულწრფელად გავბრაზდი ხალხის დამოკიდებულების გამო: თავი შეიკავეთ თქვენი ზედმეტი დებილური აზრების გამოხატვისგან, ამის უფლება არ გაქვთ! ვისზე ლაპარაკობთ? მთელმა საქართველომ იცის, რითი ვსუნთქავ და როგორი ღირსეული ქალი ვიყავი, ვარ და ვიქნები. აი, ამაზე მწყდება გული. აღარ იცის ხალხმა, როგორი ბოროტი ჭორი დაგიყაროს. ასე გაბოროტება არ შეიძლება!
– ქმარი ხომ არ ეჭვიანობდა თქვენზე?
– არა, რადგან ამის საბაბი არ ჰქონია. როცა ლამაზი, წარმატებული ცოლი გყავს, მას განსაკუთრებული ყურადღება სჭირდება. მე ყოველ საღამოს რესტორანში ვმღერი, მიშა ყოველთვის ყურადღებიანი იყო, ჩვენ ყველგან ერთად დავდიოდით, თუმცა ეს არ ნიშნავს იმას, რომ ის ეჭვიანობდა.
– იქნებ სწორედ წარმატებული, ლამაზი ქალის გვერდით ყოფნა იყო მისთვის რთული?
– მიშიკო უნიჭიერესი ადამიანია, ძლიერი მუსიკოსი, კომპოზიტორი, მომღერალი და ეს მთელმა ქვეყანამ იცის, თუმცა თავისი ნიჭის რეალიზება ვერ მოახერხა, საჭირო დროს საჭირო ადგილას ვერ მოხვდა. მოკლედ, არ გაუმართლა. იმაში, რომ მე წარმატებული ქალი ვარ, ორი აზრი არ არსებობს. პოპულარული მომღერალი ვარ, უამრავი შემოთავაზება მაქვს. არ ვიცი, ამ სიტუაციაზე ეჭვიანობდა თუ არა, მაგრამ ზოგადად ალბათ ძნელია წარმატებული ქალის ქმრობა, მით უმეტეს, მაშინ, როცა შენც ხელოვანი ხარ და შენც გინდა, წარმატებული იყო.
– მარტოხელა დედობისთვის მზად ხართ?
– ახლა მთელი ჩემი ყურადღება შვილზე მაქვს გადატანილი. მე და მიშას ნიკოლოზი გვაკავშირებს ერთმანეთთან, რომელიც ჩვენი დიდი სიყვარულის ნაყოფია. ნიკოლოზს ჰყავს მამა, რომელიც თავის როლს კარგად ასრულებს. ზოგადად კი მოგახსენებთ ჩემს აზრს – მარტოობა არავისთვის არის კარგი, ყველა ადამიანს აქვს უფლება, იყოს ბედნიერი. გასაოცარს არაფერს ვამბობ, რომ ხალხმა გამლანძღოს. ჩემს ყოფილ მეუღლესაც ვუსურვებ, არ იყოს მარტო.
– მშვიდად დაშორდით ერთმანეთს თუ კონფლიქტურად?
– ჩვენი დაშორება ძალიან მშვიდად მოხდა. მე გადავწყვიტე, რომ ყველაფერი დასრულებულიყო. ერთი თვის წინ ოფიციალურად განვქორწინდით. რა თქმა უნდა, შემეწინააღმდეგა, მაგრამ... ყოველთვის ცდილობდა, რომ კიდევ ერთი შანსი მიმეცა და აღარ მთავრდებოდა ეს შანსები. ჩემი ბოლო გადაწყვეტილება მტკიცე იყო. რას იზამდა? გაგებით მოეკიდა ყველაფერს, ახლა ძალიან ადამიანური ურთიერთობა გვაქვს.
– შერიგება აღარ უცდია?
– ალბათ დღემდე სურს, რომ შევრიგდეთ, მაგრამ მე ამის სურვილი არ გამაჩნია.
– ახლა როგორ ცხოვრობთ, რთულმა განცდებმა გაიარა?
– ჩვეულებრივად ვცხოვრობ. დეპრესიული ადამიანი არ ვარ. ჩემთვის მტკივნეული იყო ოჯახის დანგრევა, ძალიან განვიცდიდი, ნერვიულობისგან წონაშიც საგრძნობლად დავიკელი.
– ბავშვმა როგორ აღიქვა მშობლების დაშორება?
– ნიკოლოზი ჯერ პატარაა, 4 წლის და 6 თვისაა. ჯერჯერობით კეთილ ტყუილს ვეუბნები. ვცდილობ, მისთვის ეს ყოველივე მძაფრი არ იყოს.
– მას შემდეგ, რაც მარტო ხართ, ასპარეზზე თაყვანისმცემლები ხომ არ გამოჩნდნენ?
– ეს მე არ შემიმჩნევია. რომც გამოიჩინოს ვინმემ ინიციატივა, კონტაქტის სურვილი არავისთან მაქვს. როცა ეს იარა მოშუშდება, მიშიკოც შეეგუება, რომ ყველაფერი დამთავრდა, მერე დრო გვიჩვენებს, რა და როგორ იქნება... რთულია ამაზე ლაპარაკი, თითქმის 6 წელი ვიცხოვრეთ ერთად და ძნელია უცებ აღიქვა, რომ ის აღარ გყავს გვერდით. ამას ნელ–ნელა ვეჩვევი.
– ახლა რას აკეთებთ?
– საქმეში თავიდან ბოლომდე ვარ ჩათული, სოლო ალბომზე ვმუშაობ, რომელშიც შევა სოლო სიმღერები, დუეტები, მათ შორის – ჩემს ყოფილ ქმართან დუეტი. წლებია ამ ალბომისთვის ვემზადები, ვერა და ვერ დავაყენე საშველი და ახლა აღარ ვაპირებ, მოვეშვა. ნამდვილად არ მცალია პირადი ცხოვრებისთვის, არავინ მაინტერესებს.
ერთ რამეს ვთხოვ ყველა ჭეშმარიტ ქრისტიან ადამიანს – ნურავის ცხოვრებაში ჩაერევიან, ბოროტებისგან თავი შეიკავეთ!
ლანა კიკნაძე, ჟურნალი სარკე
– სოფო, თქვენი ოჯახი ისეთი ბედნიერი ჩანდა, ძნელი იყო წარმოდგენა, რომ მას ოდესმე დანგრევის საფრთხე დაემუქრებოდა.
– ყველა ადამიანის ცხოვრებაში რაღაც იწყება და რაღაც მთავრდება. სასურველია, როცა ადამიანი დიდი სიყვარულით შექმნის ოჯახს, ცხოვრების ბოლომდე შეინარჩუნოს იგი, მაგრამ ყველაფერი ხდება. თანაცხოვრება რთული საკითხია, სიყვარულს მოფრთხილება სჭირდება. მე ყოველთვის ვუფრთხილდებოდი ჩვენს გრძნობას, ვცდილობდი, ჩვენი ოჯახი ყველასთვის თითით საჩვენებელი, მისაბაძი ყოფილიყო. ხალხის თვალში ასეც იყო. ჩვენი ოჯახის რღვევამ ამიტომაც გამოიწვია ამხელა აჟიოტაჟი. ყველა აღნიშნავდა, რომ გამორჩეული წყვილი ვიყავით, შეიძლება ასეც იყო, მაგრამ დადგა დრო, როცა ეს ყველაფერი დამთავრდა.
– სოციალურ ქსელში დაწერეს, რომ თქვენი ოჯახის დანგრევის მიზეზი ღალატი იყო. რას უპასუხებთ ამ ხმებს?
– გამორიცხულია, ეს ტყუილია! ჩვენ ერთმანეთს საოცრად დიდ პატივს ვცემდით. გვიყვარდა ერთმანეთი და ორივე ძალიან გულწრფელი და ერთგული ვიყავით ერთმანეთის მიმართ.
სასაცილოა ღალატის თემა. ვიღაცისთვის საინტერესო რომ ყოფილიყო ჩვენი ოჯახის დანგრევის მიზეზი, ამიტომ გაავრცელეს ეს ხმა.
– როდის მიხვდით, რომ თქვენი ცოლქმრობა შეიძლებოდა დასრულებულიყო?
– დიდი ხნის წინ, მაგრამ ყველანაირად ვცდილობდი, ეს ურთიერთობა არ დამესრულებინა. რამდენიმე თვის წინ ორსულად დავრჩი, ვიფიქრე, მეორე შვილი შეცვლიდა ჩვენს ურთიერთობას, მაგრამ ისე მოხდა, რომ მუცელი მომეშალა. ალბათ ღვთის ნება იყო. ამის შემდეგ ჩემი გადაწყვეტილებით ყველაფერი დასრულდა. ეს მოხდა 3 თვის წინ.
ბზარი ბევრად ადრე გაჩნდა, ვცდილობდი, შემევსო, მაგრამ არაფერი გამოვიდა. როცა ორი ადამიანი ერთმანეთს ვეღარ უგებს, როცა სალაპარაკო თემა აღარ არსებობს, იქ უნდა დამთავრდეს ყველაფერი. იმას, რომ არაჩვეულებრივი მამაა, არავინ უკარგავს, დღემდე ნორმალური ურთიერთობა გვაქვს. ბავშვს ნახულობს, ერთმანეთს ხშირად ვხედავთ. ვუსურვებ ბედნიერებას სხვასთან. თუ ის უკეთესად იგრძნობს ვინმე სხვასთან თავს, რატომაც არა, ეს ჩემთვის მისაღები იქნება.
– ერთ–ერთ გამოცემაში თქვენ ამბობთ, რომ ახალ სიყვარულს ეძებთ.
– ჟურნალისტმა დაწერა ჩემი სიტყვები – ჩემს თავსაც და ყოფილ მეუღლესაც ვუსურვებ, ახალი სიყვარული გვეპოვოს–მეთქი. ეს ხალხმა ისე გაიგო, თითქოს ახალ სიყვარულს ვეძებდი. ეს არის მტკნარი სიცრუე! არაფერს ვეძებ, ჩემთვის ვარ მშვიდად, მინდა, დალაგდეს ჩემი ცხოვრება და მომავალში რა იქნება, ეს უფალმა იცის. ყველა ადამიანს ვურჩევდი, ადამიანობა გამოიჩინონ.
ჩემს ამბავს ისეთი კომენტარები მოჰყვა ხალხის მხრიდან, რომ გული მეტკინა, შევშფოთდი. მათ აგრესიას მოუმზადებელი შევხვდი. ჩემი "ფეისბუქის" გვერდზე მათ პასუხი გავეცი, რაც დღევანდელი გადასახედიდან არასწორი ნაბიჯი იყო. მათი იგნორირება ვერ შევძელი, რადგან სუფთა ვარ და გულწრფელად გავბრაზდი ხალხის დამოკიდებულების გამო: თავი შეიკავეთ თქვენი ზედმეტი დებილური აზრების გამოხატვისგან, ამის უფლება არ გაქვთ! ვისზე ლაპარაკობთ? მთელმა საქართველომ იცის, რითი ვსუნთქავ და როგორი ღირსეული ქალი ვიყავი, ვარ და ვიქნები. აი, ამაზე მწყდება გული. აღარ იცის ხალხმა, როგორი ბოროტი ჭორი დაგიყაროს. ასე გაბოროტება არ შეიძლება!
– ქმარი ხომ არ ეჭვიანობდა თქვენზე?
– არა, რადგან ამის საბაბი არ ჰქონია. როცა ლამაზი, წარმატებული ცოლი გყავს, მას განსაკუთრებული ყურადღება სჭირდება. მე ყოველ საღამოს რესტორანში ვმღერი, მიშა ყოველთვის ყურადღებიანი იყო, ჩვენ ყველგან ერთად დავდიოდით, თუმცა ეს არ ნიშნავს იმას, რომ ის ეჭვიანობდა.
– იქნებ სწორედ წარმატებული, ლამაზი ქალის გვერდით ყოფნა იყო მისთვის რთული?
– მიშიკო უნიჭიერესი ადამიანია, ძლიერი მუსიკოსი, კომპოზიტორი, მომღერალი და ეს მთელმა ქვეყანამ იცის, თუმცა თავისი ნიჭის რეალიზება ვერ მოახერხა, საჭირო დროს საჭირო ადგილას ვერ მოხვდა. მოკლედ, არ გაუმართლა. იმაში, რომ მე წარმატებული ქალი ვარ, ორი აზრი არ არსებობს. პოპულარული მომღერალი ვარ, უამრავი შემოთავაზება მაქვს. არ ვიცი, ამ სიტუაციაზე ეჭვიანობდა თუ არა, მაგრამ ზოგადად ალბათ ძნელია წარმატებული ქალის ქმრობა, მით უმეტეს, მაშინ, როცა შენც ხელოვანი ხარ და შენც გინდა, წარმატებული იყო.
– მარტოხელა დედობისთვის მზად ხართ?
– ახლა მთელი ჩემი ყურადღება შვილზე მაქვს გადატანილი. მე და მიშას ნიკოლოზი გვაკავშირებს ერთმანეთთან, რომელიც ჩვენი დიდი სიყვარულის ნაყოფია. ნიკოლოზს ჰყავს მამა, რომელიც თავის როლს კარგად ასრულებს. ზოგადად კი მოგახსენებთ ჩემს აზრს – მარტოობა არავისთვის არის კარგი, ყველა ადამიანს აქვს უფლება, იყოს ბედნიერი. გასაოცარს არაფერს ვამბობ, რომ ხალხმა გამლანძღოს. ჩემს ყოფილ მეუღლესაც ვუსურვებ, არ იყოს მარტო.
– მშვიდად დაშორდით ერთმანეთს თუ კონფლიქტურად?
– ჩვენი დაშორება ძალიან მშვიდად მოხდა. მე გადავწყვიტე, რომ ყველაფერი დასრულებულიყო. ერთი თვის წინ ოფიციალურად განვქორწინდით. რა თქმა უნდა, შემეწინააღმდეგა, მაგრამ... ყოველთვის ცდილობდა, რომ კიდევ ერთი შანსი მიმეცა და აღარ მთავრდებოდა ეს შანსები. ჩემი ბოლო გადაწყვეტილება მტკიცე იყო. რას იზამდა? გაგებით მოეკიდა ყველაფერს, ახლა ძალიან ადამიანური ურთიერთობა გვაქვს.
– შერიგება აღარ უცდია?
– ალბათ დღემდე სურს, რომ შევრიგდეთ, მაგრამ მე ამის სურვილი არ გამაჩნია.
– ახლა როგორ ცხოვრობთ, რთულმა განცდებმა გაიარა?
– ჩვეულებრივად ვცხოვრობ. დეპრესიული ადამიანი არ ვარ. ჩემთვის მტკივნეული იყო ოჯახის დანგრევა, ძალიან განვიცდიდი, ნერვიულობისგან წონაშიც საგრძნობლად დავიკელი.
– ბავშვმა როგორ აღიქვა მშობლების დაშორება?
– ნიკოლოზი ჯერ პატარაა, 4 წლის და 6 თვისაა. ჯერჯერობით კეთილ ტყუილს ვეუბნები. ვცდილობ, მისთვის ეს ყოველივე მძაფრი არ იყოს.
– მას შემდეგ, რაც მარტო ხართ, ასპარეზზე თაყვანისმცემლები ხომ არ გამოჩნდნენ?
– ეს მე არ შემიმჩნევია. რომც გამოიჩინოს ვინმემ ინიციატივა, კონტაქტის სურვილი არავისთან მაქვს. როცა ეს იარა მოშუშდება, მიშიკოც შეეგუება, რომ ყველაფერი დამთავრდა, მერე დრო გვიჩვენებს, რა და როგორ იქნება... რთულია ამაზე ლაპარაკი, თითქმის 6 წელი ვიცხოვრეთ ერთად და ძნელია უცებ აღიქვა, რომ ის აღარ გყავს გვერდით. ამას ნელ–ნელა ვეჩვევი.
– ახლა რას აკეთებთ?
– საქმეში თავიდან ბოლომდე ვარ ჩათული, სოლო ალბომზე ვმუშაობ, რომელშიც შევა სოლო სიმღერები, დუეტები, მათ შორის – ჩემს ყოფილ ქმართან დუეტი. წლებია ამ ალბომისთვის ვემზადები, ვერა და ვერ დავაყენე საშველი და ახლა აღარ ვაპირებ, მოვეშვა. ნამდვილად არ მცალია პირადი ცხოვრებისთვის, არავინ მაინტერესებს.
ერთ რამეს ვთხოვ ყველა ჭეშმარიტ ქრისტიან ადამიანს – ნურავის ცხოვრებაში ჩაერევიან, ბოროტებისგან თავი შეიკავეთ!
ლანა კიკნაძე, ჟურნალი სარკე
