სოციალურ ქსელში პროექტ "ცეკვავენ ვარსკვლავებიდან" იულია ქავთარაძის გაშვების რეალურ მიზეზებზე ალაპარაკდნენ

''ცეკვავენ ვარსკვლავების'' მესამე საკონკურსო ტურზე მოვლენები უცნაურად განვითარდა. გარდა იმისა, რომ ჟიურის ყველაზე ავანგარდული წევრი, გოჩა ჩერტკოევი ოდნავ შეზარხოშებული ჩანდა, პროექტიდან ერთ-ერთი საუკეთესო წყვილი იულია ქავთარაძე და ოთო ფოლადაშვილი გაუშვეს.

მართალია, გოჩას სიმთვრალე სოფო ნიჟარაძისა და მისი მეწყვილის ''განუმეორებელ'' ვალსს დააბრალეს - თვალებდაბინდულმა გოჩამ სოფიასთვის ათიანი გაიმეტა.

მართალია, როგორც ნიჟარაძე წინა ტურზე ოცნებობდა, გოჩასგან ''ექსელენთ'' ვერ გაიგო, მაგრამ მაინც კმაყოფილი დარჩა, რადგან უმაღლესი შეფასება მიიღო. ათიანები დაუწერეს ''იმედის'' ჟურნალისტ თაკო ჩორგოლაშვილსაც, რომელიც ჟიურიმ პროფესიონალ მოცეკვავეს შეადარა.

იულიას ცეკვამ, სოციალურ ქსელში ნამდვილი ფურორი მოახდინა და პროექტიდან მისი გაშვების შემდეგ უკვე გაჩნდა მოსაზრება, რომ ძლიერ მონაწილეებს ნელ-ნელა იშორებენ. მიზეზი კი სოფიას გამარჯვება გახლვათ. გთავაზობთ, Fორუმ.გე-ზე გამოქვეყნებულ პოსტებს, სადაც მაყურებელი მომხდარის გამო აღშფოთებას ვერ მალავდა...

keti 111

პეტო უნდა იყოს გარეთ და გუგა კუზანოვი სცენაზე? კუზანოვს მგონი გიაჩო სჯობდა. ტოლიკა მაგარ პრესშია, საწყალი...

marimari

მარაზმია და არ შემიძლია არ დაგეთანხმო... ორი უძლიერესი აუტსაიდერი... უი, იულია გავარდა... და ნინა და კუზანოვი დარჩნენ?

merciamercia

''ცეკვავენ ვარსკვლავები'' კი არა და ცეკვავენ ფულიანები დაარქვან.

just_mee

ნიჭი კი არ ფასდება, ფულები. სოფო მოიგებს, რად უნდა ამას ბევრი ლაპარაკი, ყველაზე ფულიანი ეგაა.

irinka555

სოფოოოოოო, პირველი იქნება ნაცების დამსახურებით, უსამართლობა ისევ...

Windmühle

შოკირებული ვარ. თვითონაც შოკში არიან ყველა _ მონაწილეებიდან დაწყებული ჟიურით დამთავრებული. ადგეს კუზანოვი, წკრიალაშვილი ან კოტიკო და დაუთმონ ოფიციალურად ადგილი, რა უბედურებაა ეს.

just_mee

ფინალი: წკრიალაშვილი, კოტიკო და სოფო. იგებს სოფო.

irinka555

როდის იქნება საქართველოში სამართლიანი რამე? რა უბედურებაა, უსამართლობის ზეიმი. არჩევნების მერე მაინც დაცხრენ...

Mariko20

და საერთოდ, ოდნავი სირცხვილის გრძნობა მაინც რომ ჰქონდეს მაგ სამიდან ერთ-ერთს უნდა დაეთმო იულიასთვის. ვსიო რა, ამ პროექტის ყურების სურვილი დავკარგე, თუ ასე გაგრძელდა უსამართლობა კუზანოვი შეიძლება ფინალშიც ვიხილოთ. ან რათ უნდათ ეგრე ფულებით გადასვლა ტურიდან ტურში როცა აშკარად იცი რომ ვერ ცეკვავ და ვიღაც კარგი იჩაგრება იმის გამო რომ ფული არ აქვს შენსავით. ოდნავი სინდისი მაინც თუ აქვთ ამ ადამიანებს მაინტერესებს (ნინას, კუზანოვს და კოტიკოს).

Gogliko555

მართლა ყ.....ობაა... საქართველოში ასეთი პროექტების ჩატარებას აზრი არ აქვს, გავარტყი იმ პროექტს სადაც კუზანოვი და ტაკიმასხარა კოტიკო დარჩნენ და იულია კიდე გააგდეს, არადა რამდენიმე სმს-იც კი გავუგზავნე, მაგრამ რათ გინდა, ვინც თვითონ აწყობთ იმათ გადაიყვანენ ბოლომდე. ''იმედი'' რომ იწონებდა თავს ყველაზე რეიტინგული პროექტიაო ზოგი ახლა მოიწონოს თავი ვნახავთ მაგათ ნაქებ რეიტინგს ამის შემდეგ.

Mariko20

თვითონ ჩერტკოევიც და ჟიურის წევრებიც გაოცებულები იყვნენ და საერთოდ ყველასთვის შოკი იყო მგონი მათი გავარდნა. მე მაინც მგონია, რომ იულიას მოგება არ აწყობდათ, ამიტომ მოიშორეს თავიდანვე, საინტერესოა რატომ არ ამბობენ ბოლოს ვინ რამდენი პროცენტი მიიღო.
ისე ვეტოს უფლება აქვთ მგონი, მაგრამ არამგონია გამოიყენონ.

tsimbireli

სოფოზე გამოიყენებენ, თუ მართლა აქვთ უფლება...

GoSsiP GirL

რატომ გიკვირთ იულია რომ გავარდა, ვერ ვხვდები. იულია თავიდანვე კარგად ცეკვავდა. არანაირი განსაკუთრებული პროგრესი მას არ ჰქონია. ამავდროულად, უცხოა ქართული საზოგადოებისათვის. ჩემი აზრით, ისინი უფრო იმსახურებენ შემდგომ ტურებში გადასვლას, ვინც პროგრესს განიცდის და მართლა წვალობს იმისათვის, რომ რამე გამოუვიდეს.

gabi_3

უკვე მეორე გადაცემა იყო ველოდი კუზანოვის ან ნინას გავარდნას, მაგრამ იმედები გამიცრუვდა. უსამართლობა იქნებოდა ნანა რომ გავარდნილიყო მაგარია ძალიან.
ჟიური რაღაც ადვილად წერს მგონი 10-ს. ეს ჩერტკოევიც გადარიეს და საერთოდ, ხუთი ჟიურის წევრი არ იყო საჭირო, ზოგგან სამი ჰყავთ.

ქეთი მელაძე
''რეიტინგი"