Kiss, Beso, поцелуй და სხვა... როგორია კოცნა ფრანგულად, იტალიურად, რუსულად, ინგლისურად და ესკიმოსურად?
2 235 ნახვა
კოცნა სხვ დასხვაგვარი არსებობს – ოფიციალური, მეგობრული, ვნებიანი. მეცნიერებმა დაადგინეს, რომ ყველა მათგანი ჩვენში ბედნიერების ჰორმონს გამოყოფს და წვავს კალორიებს! მაგრამ ყველა ქვეყანას კოცნის თავისებური, დამახასიათებელი მანერა აქვს.
ვნებიანი სამხრეთი
სამხრეთელებს – კავკასიელებს (მათ შორის, ჩვენც, ქართველებს), იტალიელებსა და ესპანელებს – აერთიანებს მაღალი ემოციურობა. ისინი აქტიურები არიან, ხმამაღლა საუბრობენ, ხმამაღლა იცინიან – ერთი სიტყვით, დაუფარავად გამოხატავენ ემოციებსა და გრძნობებს. ამიტომაც კოცნა მათთვის ურთიერთობის ერთ-ერთი და ალბათ, უმთავრესი მეთოდია. ესპანელები აუცილებლად გადაკოცნიან ნათესავს, მეგობარს და ახალ ნაცნობსაც კი ყოველი შეხვედრისას. იტალიელები ამით არ კმაყოფილდებიან და გადაკოცნას თან ურთავენ ხელის ჩამორთმევას ან გადახვევას. გრძნობის ასეთ გამოხატულებაში სწორედ მათ დაიკავეს პირველი ადგილი – იტალიაში ყოველწლიურად იმართება მსოფლიო ჩემპიონატი წყალქვეშ კოცნაში, ხოლო ვენეციაში ახლახან ლამაზი ტრადიცია დამკვიდრდა – სან-მარკოს მოედანზე ახალ წელს კოცნით ხვდებიან.
გერმანული თავშეკავებულობა
თუმცა გერმანელები სამხრეთელებისგან თავშეკავებულობით გამოირჩევიან, მაგრამ მათ სიხარულით გადაიღეს მოდა, ყოველი შეხვედრისას გადაკოცნონ ახლობელი, ნათესავი თუ კოლეგა. სხვათა შორის, ამ უკანასკნელთა გადაკოცნა ხშირად უადგილოა ხოლმე, აცხადებს ეტიკეტის წესების დაცვის გერმანული საზოგადოება და ამ პრობლემის გადაწყვეტას მკაცრი აკრძალვებით ცდილობს – გერმანულ ოფისებში აუცილებელია დისტანციის დაცვა 60 სანტიმეტრით და ბევრ დაწესებულებაში საოფისე მაგიდასთან გაკრულია აბრა წარწერით: "კოცნისთვის აკრძალული ზონა".
ფრანგული კოცნა
კოცნის ყველაზე ვნებიანი და პოპულარული სახეობა, რომლის წარმოშობის ისტორიაც საიდუმლოებით არის დღემდე მოცული. ერთ-ერთი ლეგენდის თანახმად, შუა საუკენეებში ერთ-ერთი ცნობილი ქალბატონი სტუმრად ახალგაზრდა მეღვინეს ესტუმრა. მისი ღვინოებით აღფრთოვანებული ქალი დაინტერესდა დახვეწილი არომატის საიდუმლოთი, რაზეც ახალგაზრდა მეღვინემ უპასუხა, რომ ყურძნის მოყვანის დროს თითოეულ მტევანს კოცნიდა და ქალს შესთავაზა, ეჩვენებინა თავისი ოსტატობა. ფრანგებმა ამ კოცნას "სულთა შერწყმა" უწოდეს და ამით მთელ მსოფლიოში გაითქვეს სახელი. დღეს უკვე მეცნიერები თვლიან, რომ კოცნის ეს სახეობა ყველაზე მეტ ბედნიერების ჰორმონს გამოყოფს ადამიანში, რაც თავის მხრივ, ორგანიზმისთვის ძლიერი იმუნური დაცვაა!..
წინააღმდეგობრივი ინგლისი
კოცნის მსოფლიო დღე ოფიციალურად აღიარებულ იქნა და რეგულარულად აღინიშნება 6 ივლისს. ეს დღე კი ინგლისელებმა შემოიღეს და აქ ამ თარიღს მე-19 საუკუნიდან აღნიშნავენ. უცნაურია, მაგრამ ამის პარალელურად, ინგლისში არსებობს კანონი, რომლის მიხედვითაც, შეყვარებულ წყვილებს ეკრძალებათ გამოხატონ თავიანთი გრძნობები მეტროში. ეს წესი იმისთვის არის შემოღებული, რომ შეყვარებული წყვილები კოცნის დროს ხშირად ხელს უშლიდნენ მეტროში ხალხის ნაკადის მოძრაობას.
მოკრძალებული აღმოსავლეთი
აღმოსავლეთის კულტურა მკვეთრად განსხვავდება დასავლეთისგან, განსაკუთრებით, ადამიანებს შორის ურთიერთობის საკითხში. იაპონელები ძველ ტრადიციებს მისდევენ, რომლის მიხედვითაც კოცნა – შეყვარებული წყვილის გრძნობის ინტიმური გამოხატულებაა. ამიტომაც ისინი სახალხოდ არ გამოხატავენ ემოციებს. ჩინელები, ტაილანდელები და კორეელებიც ამ საკითხში სოლიდარულები არიან იაპონელებთან. ერთადერთი, რაზეც ეს ადამიანები წავლენ, არის ის, რომ გაშლილი ხელის დაშორებით გადაიხრებიან ერთმანეთისკენ და ერთი წამის განმავლობაში აკოცებენ.
ემოციური ესკიმოსები
ალბათ, მსოფლიოში ყველაზე ემოციური ხალხი ესკიმოსებს შეგვიძლია ვუწოდოთ. ჩრდილოეთის კლიმატური მდგომარეობა შეყვარებულებს არ აძლევს საშუალებას, დატკბნენ იგივე "ფრანგული კოცნით", თორემ შეიძლება ტუჩები შეეყინოთ. ამასთან, შეფუთულ ესკიმოსებს მხოლოდ ცხვირი და თვალები უჩანთ ტანსაცმლიდან. ამიტომაც მოხერხებულმა და მოსიყვარულე ესკიმოსებმა ალერსის გამოხატვის ფორმა "კუნიკი" მოიგონეს, რომლის დროსაც პარტნიორები ერთმანეთს ეხებიან ცხვირითა და ზედა ტუჩით და ასე შეიგრძნობენ ერთურთის არომატს. ყველანაირი ქვეტექსტის გარეშე, საყვარლად "ეხახუნებიან ცხვირებით" ერთმანეთს მეგობრები, მეზობლები, მეუღლეები და ბებიები და შვილიშვილები.
რუსული კოლორიტი
რუსულ კულტურაზე დიდი გავლენა აქვს დასავლეთსა და აღმოსავლეთს. ერთი მხრივ, განვითარებული ევროპისგან იღებენ სიახლეებს პეტრე დიდისგან მოყოლებული, მეორე მხრივ – მართლმადიდებლური ეკლესიის მკაცრ კანონებს მისდევენ. მაგრამ თუ კომუნისტების დროს მთელ მსოფლიოში გავრცელებული ფოტოთი "სამმაგი ბრეჟნევი" ვიმსჯელებთ, რუსებისთვის ტუჩებში კოცნა არა მხოლოდ ვნების, არამედ მეგობრობის და პატივისცემის გამოხატულებადაც ითვლება.
მკაცრი არაბები
არაბები – ვნებიანი ბუნებით გამოირჩევიან, მაგრამ საზოგადოებრივი მორალის მკაცრი კანონები, რომლებიც მუსულმანურ ტრადიციებზეა დაფუძნებული, მათ არ აძლევს უფლებას, სურვილისამებრ გამოხატონ ემოციები. ამიტომაც არაბულ ქვეყნებში მოგზაურობისას, გირჩევთ, თქვენც ნუ მიეცემით გრძნობებს – თუნდაც უვნებელი გადაკოცნა, შესაძლოა, აქ შეურაცხყოფად მიიჩნიონ და ჯარიმაც გამოგიწერონ. მაგალითად, აბუ-დაბიში კოცნისთვის შეუძლიათ 500 დოლარით დაგაჯარიმონ ან ერთი კვირით ციხეში გამოგამწყვდიონ. ინდონეზიაში კოცნისთვის ჯარიმა წარმოუდგენლად დიდია – 33 000 დოლარი. ინდოეთშიც გრძნობის სახალხოდ გამოხატვა გარყვნილებად ითვლება, თუმცა აქ მაქსიმუმ აღშფოთებულმა გამვლელმა მოგცეთ სიტყვიერი შენიშვნა და მეტი არაფერი.
ვნებიანი სამხრეთი
სამხრეთელებს – კავკასიელებს (მათ შორის, ჩვენც, ქართველებს), იტალიელებსა და ესპანელებს – აერთიანებს მაღალი ემოციურობა. ისინი აქტიურები არიან, ხმამაღლა საუბრობენ, ხმამაღლა იცინიან – ერთი სიტყვით, დაუფარავად გამოხატავენ ემოციებსა და გრძნობებს. ამიტომაც კოცნა მათთვის ურთიერთობის ერთ-ერთი და ალბათ, უმთავრესი მეთოდია. ესპანელები აუცილებლად გადაკოცნიან ნათესავს, მეგობარს და ახალ ნაცნობსაც კი ყოველი შეხვედრისას. იტალიელები ამით არ კმაყოფილდებიან და გადაკოცნას თან ურთავენ ხელის ჩამორთმევას ან გადახვევას. გრძნობის ასეთ გამოხატულებაში სწორედ მათ დაიკავეს პირველი ადგილი – იტალიაში ყოველწლიურად იმართება მსოფლიო ჩემპიონატი წყალქვეშ კოცნაში, ხოლო ვენეციაში ახლახან ლამაზი ტრადიცია დამკვიდრდა – სან-მარკოს მოედანზე ახალ წელს კოცნით ხვდებიან.
გერმანული თავშეკავებულობა
თუმცა გერმანელები სამხრეთელებისგან თავშეკავებულობით გამოირჩევიან, მაგრამ მათ სიხარულით გადაიღეს მოდა, ყოველი შეხვედრისას გადაკოცნონ ახლობელი, ნათესავი თუ კოლეგა. სხვათა შორის, ამ უკანასკნელთა გადაკოცნა ხშირად უადგილოა ხოლმე, აცხადებს ეტიკეტის წესების დაცვის გერმანული საზოგადოება და ამ პრობლემის გადაწყვეტას მკაცრი აკრძალვებით ცდილობს – გერმანულ ოფისებში აუცილებელია დისტანციის დაცვა 60 სანტიმეტრით და ბევრ დაწესებულებაში საოფისე მაგიდასთან გაკრულია აბრა წარწერით: "კოცნისთვის აკრძალული ზონა".
ფრანგული კოცნა
კოცნის ყველაზე ვნებიანი და პოპულარული სახეობა, რომლის წარმოშობის ისტორიაც საიდუმლოებით არის დღემდე მოცული. ერთ-ერთი ლეგენდის თანახმად, შუა საუკენეებში ერთ-ერთი ცნობილი ქალბატონი სტუმრად ახალგაზრდა მეღვინეს ესტუმრა. მისი ღვინოებით აღფრთოვანებული ქალი დაინტერესდა დახვეწილი არომატის საიდუმლოთი, რაზეც ახალგაზრდა მეღვინემ უპასუხა, რომ ყურძნის მოყვანის დროს თითოეულ მტევანს კოცნიდა და ქალს შესთავაზა, ეჩვენებინა თავისი ოსტატობა. ფრანგებმა ამ კოცნას "სულთა შერწყმა" უწოდეს და ამით მთელ მსოფლიოში გაითქვეს სახელი. დღეს უკვე მეცნიერები თვლიან, რომ კოცნის ეს სახეობა ყველაზე მეტ ბედნიერების ჰორმონს გამოყოფს ადამიანში, რაც თავის მხრივ, ორგანიზმისთვის ძლიერი იმუნური დაცვაა!..
წინააღმდეგობრივი ინგლისი
კოცნის მსოფლიო დღე ოფიციალურად აღიარებულ იქნა და რეგულარულად აღინიშნება 6 ივლისს. ეს დღე კი ინგლისელებმა შემოიღეს და აქ ამ თარიღს მე-19 საუკუნიდან აღნიშნავენ. უცნაურია, მაგრამ ამის პარალელურად, ინგლისში არსებობს კანონი, რომლის მიხედვითაც, შეყვარებულ წყვილებს ეკრძალებათ გამოხატონ თავიანთი გრძნობები მეტროში. ეს წესი იმისთვის არის შემოღებული, რომ შეყვარებული წყვილები კოცნის დროს ხშირად ხელს უშლიდნენ მეტროში ხალხის ნაკადის მოძრაობას.
მოკრძალებული აღმოსავლეთი
აღმოსავლეთის კულტურა მკვეთრად განსხვავდება დასავლეთისგან, განსაკუთრებით, ადამიანებს შორის ურთიერთობის საკითხში. იაპონელები ძველ ტრადიციებს მისდევენ, რომლის მიხედვითაც კოცნა – შეყვარებული წყვილის გრძნობის ინტიმური გამოხატულებაა. ამიტომაც ისინი სახალხოდ არ გამოხატავენ ემოციებს. ჩინელები, ტაილანდელები და კორეელებიც ამ საკითხში სოლიდარულები არიან იაპონელებთან. ერთადერთი, რაზეც ეს ადამიანები წავლენ, არის ის, რომ გაშლილი ხელის დაშორებით გადაიხრებიან ერთმანეთისკენ და ერთი წამის განმავლობაში აკოცებენ.
ემოციური ესკიმოსები
ალბათ, მსოფლიოში ყველაზე ემოციური ხალხი ესკიმოსებს შეგვიძლია ვუწოდოთ. ჩრდილოეთის კლიმატური მდგომარეობა შეყვარებულებს არ აძლევს საშუალებას, დატკბნენ იგივე "ფრანგული კოცნით", თორემ შეიძლება ტუჩები შეეყინოთ. ამასთან, შეფუთულ ესკიმოსებს მხოლოდ ცხვირი და თვალები უჩანთ ტანსაცმლიდან. ამიტომაც მოხერხებულმა და მოსიყვარულე ესკიმოსებმა ალერსის გამოხატვის ფორმა "კუნიკი" მოიგონეს, რომლის დროსაც პარტნიორები ერთმანეთს ეხებიან ცხვირითა და ზედა ტუჩით და ასე შეიგრძნობენ ერთურთის არომატს. ყველანაირი ქვეტექსტის გარეშე, საყვარლად "ეხახუნებიან ცხვირებით" ერთმანეთს მეგობრები, მეზობლები, მეუღლეები და ბებიები და შვილიშვილები.
რუსული კოლორიტი
რუსულ კულტურაზე დიდი გავლენა აქვს დასავლეთსა და აღმოსავლეთს. ერთი მხრივ, განვითარებული ევროპისგან იღებენ სიახლეებს პეტრე დიდისგან მოყოლებული, მეორე მხრივ – მართლმადიდებლური ეკლესიის მკაცრ კანონებს მისდევენ. მაგრამ თუ კომუნისტების დროს მთელ მსოფლიოში გავრცელებული ფოტოთი "სამმაგი ბრეჟნევი" ვიმსჯელებთ, რუსებისთვის ტუჩებში კოცნა არა მხოლოდ ვნების, არამედ მეგობრობის და პატივისცემის გამოხატულებადაც ითვლება.
მკაცრი არაბები
არაბები – ვნებიანი ბუნებით გამოირჩევიან, მაგრამ საზოგადოებრივი მორალის მკაცრი კანონები, რომლებიც მუსულმანურ ტრადიციებზეა დაფუძნებული, მათ არ აძლევს უფლებას, სურვილისამებრ გამოხატონ ემოციები. ამიტომაც არაბულ ქვეყნებში მოგზაურობისას, გირჩევთ, თქვენც ნუ მიეცემით გრძნობებს – თუნდაც უვნებელი გადაკოცნა, შესაძლოა, აქ შეურაცხყოფად მიიჩნიონ და ჯარიმაც გამოგიწერონ. მაგალითად, აბუ-დაბიში კოცნისთვის შეუძლიათ 500 დოლარით დაგაჯარიმონ ან ერთი კვირით ციხეში გამოგამწყვდიონ. ინდონეზიაში კოცნისთვის ჯარიმა წარმოუდგენლად დიდია – 33 000 დოლარი. ინდოეთშიც გრძნობის სახალხოდ გამოხატვა გარყვნილებად ითვლება, თუმცა აქ მაქსიმუმ აღშფოთებულმა გამვლელმა მოგცეთ სიტყვიერი შენიშვნა და მეტი არაფერი.
