ვალერი მელაძე ცოლს შორდება

ვალერი მელაძე ცოლს, ირინას შორდება. პრესა წერს, რომ 21 ოქტომბერს 48 წლის მომღერალმა გაყრის მოთხოვნით სასამართლოს მიმართა. დოკუმენტში მითითებულია, რომ ქორწინება 1998 წელს არის რეგისტრირებული, თუმცა, 2012 წელს ცოლ-ქმარს შორის ურთიერთობა შეწყდა. განცხადებაში ნათქვამია, რომ ვალერის მეუღლე გაყრაზე თანახმაა. წყვილს სამი შვილი ჰყავს: 22 წლის ინგა, 14 წლის სოფია და 11 წლის არინა. შეგახსენებთ, რომ მიმდინარე წლის აგვისტოში ვალერის ძმის, კონსტანტინ მელაძის გაყრის შესახებ გახდა ცნობილი. მან ცოლთან, იანასთან 19 წელი იცხოვრა. მათ ასევე, სამი შვილი ჰყავთ.