"Keep smilig"-ის რეჟისორი ინტერნეტსივრციდან მაკა ჩიჩუას ეროტიული კადრების გაქრობას ითხოვს

საპრეზიდენტო არჩევნების ჩატარების შემდეგ სოციალურ ქსელებსა და სხვადასხვა ვებსაიტებზე რუსუდან ჭყონიას ფილმიდან, Keep smilig-იდან იმ ფრაგმენტებს ავრცელებენ, რომელშიც მაკა ჩიჩუას ეროტიული სცენაა ასახული.

ფილმის რეჟისორი რუსუდან ჭყონია ამბობს, რომ საავტორო უფლებების დარღვევისთვის ის საქმის აღძვრას აპირებს და "ფეისბუქზე" წერს:

"ყველა იმ გვერდის და ადამიანის საყურადღებოდ, რომლებიც უფლების გარეშე ავრცელებთ ჩემი ფილმიდან ან გადაღების მოედნიდან კადრებს და ამით უხეშად არღვევთ საავტორო უფლებებს, თუ ერთი საათის განმავლობაში არ წაშლით ამ კადრებს საქმეს, აღვძრავ თქვენს წინააღმდეგ ვისაც შეგიძლიათ ხმა მიაწვდინოთ ამ გვერდებს ძალიან გთხოვთ გააზიარეთ ეს სტატუსი, ფილმ Keep smilig-ის რეჟისორი და პროდუსერი - რუსუდან ჭყონია."