გიგი გაჩეჩილაძეს სალომე ჭაჭუას დავიწყებაში ძმა დაეხმარა
1 985 ნახვა
მოცეკვავე გიგი გაჩეჩილაძის უმცროსი ძმა, რატი, ამერიკიდან იმის გამო დაბრუნდა, რომ უფროს ძმას რთულ პერიოდში გვერდით დასდგომოდა. გიგისთვის რვაწლიანი რომანის დასრულება და სალომე ჭაჭუასთან დაშორება იოლი გადასატანი ნამდვილად არ იყო. ამ სტრესის დაძლევაში კი ძმა დაეხმარა.
რატი გაჩეჩილაძეც ოჯახურ ტრადიციას აგრძელებს, ისიც შესანიშნავი სამეჯლისო მოცეკვავეა, თუმცა პროექტში "ცეკვავენ ვარსკვლავები" ვერ მოხვდა და ამას თავისი სუბიექტური მიზეზი ჰქონდა, რის შესახებაც ქვემოთ თავად ძმები გვიამბობენ.
– როგორი ბავშვობა გქონდათ ძმებს? აღიარეთ, რომელი რომელს ჩაგრავდით.
გიგი: ადრე მე ვჩაგრავდი, მაგრამ ახლა ეს მჩაგრავს. ჩვენ შორის 4 წელზე მეტია სხვაობა. რატი პატარა რომ იყო, სიგარეტზე გამოვიჭირე, ძალიან გავნერვიულდი და ისეთი სიძლიერით ამოვარტყი პანჩური, რომ კარგა ხანს ფეხი თაბაშირში მქონდა. ეს ამბავი დღესაც ძალიან ცუდად მახსოვს. არ მინდოდა, რა სისულელეებიც მე მქონდა გამოვლილი, ამასაც იგივე გაეკეთებინა. ჩემს დიდ ნაკლად მიმაჩნია, რომ ვეწევი. სამწუხაროდ, ჩემმა ფეხის მოტეხამაც ვერ უშველა და სიგარეტს თავი არ დაანება.
– ორივე სამეჯლისო მოცეკვავე ხართ და ერთმანეთს საქმეში ალბათ ყველაზე უკეთ უგებთ.
რატი: ახლა გიგი აღარ ვარჯიშობს, მაგრამ როცა მე ვვარჯიშობ, ძმა ჩემი მესამე თვალია. ყველაზე სამართლიანად სწორედ გიგი მაკრიტიკებს.
გიგი: ძმებს შეგვიძლია, ჩვენს პროფესიაში ერთობლივად წამოვიწყოთ სერიოზული საქმე. მიუხედავად იმისა, რომ რატი ჩემი ძმაა და ძალიან მიყვარს, არ მიჭირს, მის მიმართ ობიექტური ვიყო. ერთმანეთს დათვურ სამსახურს არ გავუწევთ.
რატი: პირიქით, ერთმანეთისგან ყოველთვის მეტს ვითხოვთ. იქამდე არ ვეშვებით ერთმანეთს, სანამ იმას არ მივიღებთ, რაც გვინდა.
– რატი, გიგის "სარკეში" მოყოლილი აქვს, როგორ ცხოვრობდა ამერიკაში რამდენიმე წელი. თქვენი ამერიკული ყოფა როგორი იყო?
რატი: ამერიკაში 4 წელი ვიცხოვრე. ჩემთვის იქ მხოლოდ მუშაობა და მუშაობა იყო.
გიგი: რომ ერთობოდი, მაგასაც ნუ მალავ!
რატი: რა თქმა უნდა, დასვენების დღეებში ვერთობოდი. ჩემი ყველაზე დიდი პრობლემა ის იყო, რომ ამერიკაში 4 წლის განმავლობაში მეწყვილე ვერ ვიპოვე. დალასში ბევრი ახალგაზრდა არ დადის სამეჯლისო ცეკვებზე. ჩემი მოსწავლეები სულ ხანშიშესულები იყვნენ. ყოველდღე ერთსა და იმავეს ვაკეთებდი: მივდიოდი კოლეჯში, მერე უკან ვბრუნდებოდი, მერე სავარჯიშოდ სპორტულ დარბაზში მივდიოდი.
– ანუ ამერიკაში პროფესიულად ვერ გაიზარდეთ?
რატი: ძალიან გავიზარდე, როგორც მასწავლებელი, მაგრამ არა, როგორც მოცეკვავე. და მაინც, ამერიკაში ყოფნის 4 წელს ძალიან კარგად ვაფასებ.
– საქართველოში რა გეგმებით ჩამოხვედით?
რატი: ჩემი მთავარი გეგმა ისაა, რომ ცეკვას "მივაწვე". მყავს მეწყვილე, მთელი დღე ვვარჯიშობთ, მოსწავლეებიც მყავს. ჯერჯერობით მხოლოდ ამით ვარ დაკავებული.
გიგი: რატის შეეძლო, ამერიკის მოქალაქეობა მიეღო და მერე ჩამოსულიყო, მაგრამ არ დამიჯერა. ახლა, როცა უკვე აქაა, მაქსიმალურად ვუდგავართ გვერდში ერთმანეთს. რატი მხოლოდ საქმეებში კი არა, სტრესის დაძლევაშიც დამეხმარა. მისნაირად და რამდენიმე ძმაკაცისნაირად არავინ დამდგომია გვერდში.
რატი: მე და გიგი ერთად გაცილებით მეტს მივაღწევთ, ვიდრე მე ამერიკაში და გიგი – აქ.
– რატი, როცა გიგი პროექტის "ცეკვავენ ვარსკვლავები" ორ სეზონში მონაწილეობდა, როგორ გულშემატკივრობდით?
გიგი: ამერიკიდან რატიმ და ჩემმა დამ (გაჩეჩილაძეების და გოჩა ჩერტკოევის ცოლია. ავტ.) ვიდეო გამოგზავნეს, სადაც ჩემს მხარდაჭერაზე იყო საუბარი, მაგრამ ვიდეო ეთერში არ გაუშვეს. ძალიან ცუდი ტენდენციაა, რომ პროექტში მხოლოდ ვარსკვლავი იმარჯვებს, რადგან ეს წყვილის ცეკვებია. მხოლოდ ვარსკვლავში რომ იყოს საქმე, როსტო სალომე ჭაჭუას გარეშე ამდენს ვერ გაქაჩავდა, ვერც გიორგი ვარდოსანიძე გავიდოდა ფინალში სალომეს გარეშე. თქვენი აზრით, სალომესთან ჯაბა კილაძე რომ ყოფილიყო, უფრო წინ ვერ წავიდოდა? ვარსკვლავს რომ ძალიან ცუდი მოცეკვავე დავუყენოთ, გაქაჩავს? ვერა.
რატომღაც მსაჯებმა მოცეკვავის ფუნქცია მეორე სეზონში ძალიან დაამდაბლეს და ამბობდნენ, ჩვენ მოცეკვავეს არ ვაფასებთო. რატომ არ უნდა შეაფასონ? მაშინ მხოლოდ ვარსკვლავმა იცეკვოს და ჩვენ ტაშს დავუკრავთ.
– რატი, როგორც ვიცით, წლევანდელ სეზონში თქვენც უნდა გეცეკვათ. რატომ არ ხართ პროექტში?
რატი: შემოთავაზება მივიღე, მეწყვილეც უკვე მყავდა და, წესით, უნდა ვყოფილიყავი პროექტში, მაგრამ ერთი ადამიანის გამო არ ვარ.
– ეს ადამიანი ჟიურის წევრია?
რატი: კი.
– ანუ მართალია გავრცელებული ხმა, რომ გოჩა ჩერტკოევმა არ მოინდომა პროექტში თქვენი მონაწილეობა?
გიგი: გოჩამ მითხრა, შენ დიდი ხნის ჩამოსული ხარ, რატი კი ახლა ჩამოვიდაო. ვიცი, რომ მისი საქციელი სხვა რამის ბრალია, მაგრამ ეს ჟურნალში დასაწერი არაა.
რატი: გოჩას მთავარი არგუმენტი ის იყო, ახალი ჩამოსული ხარ და ყველას ეგონება, რომ მე შეგიყვანე პროექტშიო.
გიგი: ვერც ჩვენ მივხვდით, ეს რა მიზეზი იყო. ყველა ცდილობდა, რომ რატი პროექტში ყოფილიყო, მაგრამ არ გამოვიდა. რადგან ჩემი ძმაა, ამიტომ არ ვამბობ, მაგრამ მართლა ძალიან კარგად ცეკვავს. თუ იქნება მეოთხე სეზონი, ალბათ მაშინ მაინც გამოჩნდება და ხალხი ნახავს, რომ კარგად ცეკვავს. სამაგიეროდ ყველა ჩვენს მოცეკვავეს ძალიან ვგულშემატკივრობთ. თუ ვინმე მე მგულშემატკივრობდა, შეუძლიათ ჩვენს მოცეკვავეებს დაუჭიროს მხარი.
– ხშირად მოცეკვავე წყვილს შორის სასიყვარულო ურთიერთობა იწყება. რატი, თქვენს მეწყვილესთან რომანი გქონიათ?
რატი: არ ვიცი, რატომ, მაგრამ არასოდეს მქონია.
– როცა წყვილს სიყვარული აკავშირებს, ეს მათ ცეკვაზე კარგად აისახება?
რატი: ამაზე ძალიან ბევრის თქმა შემიძლია. თუ შენს მეწყვილე–შეყვარებულს დაშორდები, მერე ერთად ცეკვაც აღარ გამოვა. ამ დროს პირადს სხვა რაღაცეებიც ეწირება.
გიგი: დადებითი ის არის, რომ უფრო გრძნობით ცეკვავ, ტვინს არავინ გიბურღავს, ჩემს შეყვარებულს ხელი როგორ დაადეო, რაც საქართველოში ხშირად ხდება. უარყოფითი კი ისაა, რომ ძალიან ძნელია, გაბუტულ შეყვარებულთან ერთად დადგე და ივარჯიშო. საბოლოოდ მაინც ჯობია, საქმე და პირადი ცხოვრება ერთმანეთისგან გაიმიჯნოს. ამის კარგი გამოცდილება მაქვს.
– გიგი, მას შემდეგ, რაც სალომე ჭაჭუას დაშორდით, თქვენს ცხოვრებაშიც გამოჩნდა ახალი სიყვარული – ნინი წიკლაური. გაგვაცანით, ვინ არის ის.
გიგი: ჩვენ ურთიერთობის საწყის ეტაპზე ვართ, ამიტომ მოსაყოლი ბევრი არაფერია. დაახლოებით 4 თვეა, რაც ნინის ვიცნობ.
– რატი, თქვენ იცნობთ მას?
რატი: ხასიათით ძალიან მაგარი გოგოა, კარგი ადამიანია. როგორც ჩემი ძმის შეყვარებული, ჩასახუტებელი გოგოა. ნინი მაგრად მიყვარს.
გიგი: რადგან ჩვენი ურთიერთობა ახალი დაწყებულია, ამაზე ბევრი ლაპარაკი არ ღირს. იმას კი არ ვამბობ, რომ არასერიოზული ურთიერთობაა და მხოლოდ ფლირტი გვაკავშირებს, არ მინდა, ვთქვა, მიყვარს, ვგიჟდები, ხვალ ცოლად მომყავს–მეთქი და ბოლოს ისე მოხდეს, რომ დავშორდეთ. სანამ ყველაფერში დარწმუნებული არ ვიქნები, ამ თემაზე ზედმეტს არ ვილაპარაკებ. დასამალი არაფერი მაქვს და არც მას ვმალავ. რატომღაც ჩათვალეს, რომ ჩემი და სალომეს ურთიერთობის გამომზეურება შეცდომა იყო, მაგრამ მე ასე არ ვთვლი.
– თქვენგან განსხვავებით, სალომემ პირადი ცხოვრების თემას ტაბუ დაადო.
გიგი: ჰო, ვიცი. მე კი დასამალი არაფერი მაქვს. თუ ვინმე ჩემი პირადი ცხოვრებით დაინტერესდება, შეუძლია გაიგოს, ოღონდ გარკვეულ ზღვრამდე. ზედმეტად პირადში არასოდეს არავინ ჩამიხედებია. ნებისმიერ ადამიანთან ძალიან ლამაზად მიმყავს ურთიერთობა, ამიტომ არ ვიცი, რას უნდა ვმალავდე. არასოდეს ვაკეთებ ისეთ რაღაცას, რაც შეიძლება მერე წინ დამიდგეს.
– თქვენი შეყვარებული ნინი წიკლაური ყველას მომღერალი ნინი წიკლაური ეგონა.
გიგი: ჰო, მომღერალ ნინისთვის დაურეკავთ. მას უთქვამს, ვინ გიგი, რა გიგი, რა გამიწყალეთ გული, სულ არ ვიცნობო. არც მე ვიცი ეს მომღერალი.
– მეგობრობით დაიწყო თქვენი ურთიერთობა თუ თავიდანვე სიმპათიით განეწყვეთ?
გიგი: რომ დავინახე, მაშინვე სიმპათიით განვეწყვე. ყველაზე მეტად მისმა ადამიანურობამ მომხიბლა და გამაგიჟა. გარეგნულად ნამდვილად არაა ცუდი გოგო და ამას ყველა ნახავს. ზოგადად მხოლოდ გარეგნულად არ ვაფასებ ადამიანებს. როცა გავიცანი და ვნახე, როგორი სუფთა, როგორი გულწრფელია, ამან გამაგიჟა და შემშალა.
– გიგი, თქვენი ინტერვიუ ვნახე დაახლოებით ასეთი სათაურით, სალომეზე და გიორგიზე ჯერ კიდევ პროექტის მსვლელობის დროს ვეჭვიანობდიო. მართლა ეჭვიანობდით?
გიგი: არც ერთ ინტერვიუში ასეთი რაღაც არ მითქვამს. ზედმეტად ეჭვიანი ვარ, მაგრამ მხოლოდ მაშინ ვეჭვიანობ, როცა ყურადღებას მაკლებენ. თუ სალომეს ცხოვრებაში ვინმე გამოჩნდა, წარმატებებს ვუსურვებ. მე არანაირი პრობლემა არ მაქვს. თუ ჩემი საყვარელი ადამიანი სხვასთან უფრო ბედნიერი იქნება, ვიდრე ჩემთან, უფრო გამიხარდება. მე რომ მაშინ ეჭვიანობა დამეწყო, ეს ჩემი დიდი არაპროფესიონალიზმი იქნებოდა. გიორგის და სალომეს ურთიერთობის შესახებ რომ ხალხმა გაიგო, ჩემზე დაიწერა, თითქოს მე ეს ყველაფერი საკმაოდ კარგად მივიღე. ნამდვილად კარგად მივიღე, მაგრამ მათ საიდან იცოდნენ, როცა ჩემთვის არც კი დაურეკავთ?
– რატი, გიგი ცდილობდა, არ შეემჩნია, სალომესთან დაშორებას რომ განიცდიდა, მაგრამ ალბათ თქვენ ყველაზე კარგად ხედავდით, როგორ გადაიტანა 8 წლიანი სიყვარულის დასასრული.
რატი: გიგი და სალომე რომ დაშორდნენ, ჩემი ძმა ისეთ ცუდ მდგომარეობაში იყო, ვერც კი მელაპარაკებოდა. "ფეისბუქზე" ორი წუთი თუ დავილაპარაკებდით, დავურეკავდი და ორ სიტყვას თუ მეტყოდა. სწორედ ამის გამო ჩამოვედი, რომ გვერდით დავდგომოდი. ჩვენ საერთო საძმაკაცო გვყავს, მირეკავდნენ და მეუბნებოდნენ, გიგი ძალიან ცუდადააო. მე კი ამ დროს საზღვარგარეთ ვიყავი.
– რატი, ამერიკაში გატარებულმა წლებმა რა შეგმატათ, რა თვისებები ჩამოგიყალიბათ?
რატი: პირველ რიგში, ადამიანურად გავიზარდე. ამისთვის დიდი მადლობელი ვარ ჩემი დის, გოჩასი, ჩემი დისშვილის. ძალიან დამეხმარნენ.
ქეთი დინოშვილი, ჟურნალი სარკე
რატი გაჩეჩილაძეც ოჯახურ ტრადიციას აგრძელებს, ისიც შესანიშნავი სამეჯლისო მოცეკვავეა, თუმცა პროექტში "ცეკვავენ ვარსკვლავები" ვერ მოხვდა და ამას თავისი სუბიექტური მიზეზი ჰქონდა, რის შესახებაც ქვემოთ თავად ძმები გვიამბობენ.
– როგორი ბავშვობა გქონდათ ძმებს? აღიარეთ, რომელი რომელს ჩაგრავდით.
გიგი: ადრე მე ვჩაგრავდი, მაგრამ ახლა ეს მჩაგრავს. ჩვენ შორის 4 წელზე მეტია სხვაობა. რატი პატარა რომ იყო, სიგარეტზე გამოვიჭირე, ძალიან გავნერვიულდი და ისეთი სიძლიერით ამოვარტყი პანჩური, რომ კარგა ხანს ფეხი თაბაშირში მქონდა. ეს ამბავი დღესაც ძალიან ცუდად მახსოვს. არ მინდოდა, რა სისულელეებიც მე მქონდა გამოვლილი, ამასაც იგივე გაეკეთებინა. ჩემს დიდ ნაკლად მიმაჩნია, რომ ვეწევი. სამწუხაროდ, ჩემმა ფეხის მოტეხამაც ვერ უშველა და სიგარეტს თავი არ დაანება.
– ორივე სამეჯლისო მოცეკვავე ხართ და ერთმანეთს საქმეში ალბათ ყველაზე უკეთ უგებთ.
რატი: ახლა გიგი აღარ ვარჯიშობს, მაგრამ როცა მე ვვარჯიშობ, ძმა ჩემი მესამე თვალია. ყველაზე სამართლიანად სწორედ გიგი მაკრიტიკებს.
გიგი: ძმებს შეგვიძლია, ჩვენს პროფესიაში ერთობლივად წამოვიწყოთ სერიოზული საქმე. მიუხედავად იმისა, რომ რატი ჩემი ძმაა და ძალიან მიყვარს, არ მიჭირს, მის მიმართ ობიექტური ვიყო. ერთმანეთს დათვურ სამსახურს არ გავუწევთ.
რატი: პირიქით, ერთმანეთისგან ყოველთვის მეტს ვითხოვთ. იქამდე არ ვეშვებით ერთმანეთს, სანამ იმას არ მივიღებთ, რაც გვინდა.
– რატი, გიგის "სარკეში" მოყოლილი აქვს, როგორ ცხოვრობდა ამერიკაში რამდენიმე წელი. თქვენი ამერიკული ყოფა როგორი იყო?
რატი: ამერიკაში 4 წელი ვიცხოვრე. ჩემთვის იქ მხოლოდ მუშაობა და მუშაობა იყო.
გიგი: რომ ერთობოდი, მაგასაც ნუ მალავ!
რატი: რა თქმა უნდა, დასვენების დღეებში ვერთობოდი. ჩემი ყველაზე დიდი პრობლემა ის იყო, რომ ამერიკაში 4 წლის განმავლობაში მეწყვილე ვერ ვიპოვე. დალასში ბევრი ახალგაზრდა არ დადის სამეჯლისო ცეკვებზე. ჩემი მოსწავლეები სულ ხანშიშესულები იყვნენ. ყოველდღე ერთსა და იმავეს ვაკეთებდი: მივდიოდი კოლეჯში, მერე უკან ვბრუნდებოდი, მერე სავარჯიშოდ სპორტულ დარბაზში მივდიოდი.
– ანუ ამერიკაში პროფესიულად ვერ გაიზარდეთ?
რატი: ძალიან გავიზარდე, როგორც მასწავლებელი, მაგრამ არა, როგორც მოცეკვავე. და მაინც, ამერიკაში ყოფნის 4 წელს ძალიან კარგად ვაფასებ.
– საქართველოში რა გეგმებით ჩამოხვედით?
რატი: ჩემი მთავარი გეგმა ისაა, რომ ცეკვას "მივაწვე". მყავს მეწყვილე, მთელი დღე ვვარჯიშობთ, მოსწავლეებიც მყავს. ჯერჯერობით მხოლოდ ამით ვარ დაკავებული.
გიგი: რატის შეეძლო, ამერიკის მოქალაქეობა მიეღო და მერე ჩამოსულიყო, მაგრამ არ დამიჯერა. ახლა, როცა უკვე აქაა, მაქსიმალურად ვუდგავართ გვერდში ერთმანეთს. რატი მხოლოდ საქმეებში კი არა, სტრესის დაძლევაშიც დამეხმარა. მისნაირად და რამდენიმე ძმაკაცისნაირად არავინ დამდგომია გვერდში.
რატი: მე და გიგი ერთად გაცილებით მეტს მივაღწევთ, ვიდრე მე ამერიკაში და გიგი – აქ.
– რატი, როცა გიგი პროექტის "ცეკვავენ ვარსკვლავები" ორ სეზონში მონაწილეობდა, როგორ გულშემატკივრობდით?
გიგი: ამერიკიდან რატიმ და ჩემმა დამ (გაჩეჩილაძეების და გოჩა ჩერტკოევის ცოლია. ავტ.) ვიდეო გამოგზავნეს, სადაც ჩემს მხარდაჭერაზე იყო საუბარი, მაგრამ ვიდეო ეთერში არ გაუშვეს. ძალიან ცუდი ტენდენციაა, რომ პროექტში მხოლოდ ვარსკვლავი იმარჯვებს, რადგან ეს წყვილის ცეკვებია. მხოლოდ ვარსკვლავში რომ იყოს საქმე, როსტო სალომე ჭაჭუას გარეშე ამდენს ვერ გაქაჩავდა, ვერც გიორგი ვარდოსანიძე გავიდოდა ფინალში სალომეს გარეშე. თქვენი აზრით, სალომესთან ჯაბა კილაძე რომ ყოფილიყო, უფრო წინ ვერ წავიდოდა? ვარსკვლავს რომ ძალიან ცუდი მოცეკვავე დავუყენოთ, გაქაჩავს? ვერა.
რატომღაც მსაჯებმა მოცეკვავის ფუნქცია მეორე სეზონში ძალიან დაამდაბლეს და ამბობდნენ, ჩვენ მოცეკვავეს არ ვაფასებთო. რატომ არ უნდა შეაფასონ? მაშინ მხოლოდ ვარსკვლავმა იცეკვოს და ჩვენ ტაშს დავუკრავთ.
– რატი, როგორც ვიცით, წლევანდელ სეზონში თქვენც უნდა გეცეკვათ. რატომ არ ხართ პროექტში?
რატი: შემოთავაზება მივიღე, მეწყვილეც უკვე მყავდა და, წესით, უნდა ვყოფილიყავი პროექტში, მაგრამ ერთი ადამიანის გამო არ ვარ.
– ეს ადამიანი ჟიურის წევრია?
რატი: კი.
– ანუ მართალია გავრცელებული ხმა, რომ გოჩა ჩერტკოევმა არ მოინდომა პროექტში თქვენი მონაწილეობა?
გიგი: გოჩამ მითხრა, შენ დიდი ხნის ჩამოსული ხარ, რატი კი ახლა ჩამოვიდაო. ვიცი, რომ მისი საქციელი სხვა რამის ბრალია, მაგრამ ეს ჟურნალში დასაწერი არაა.
რატი: გოჩას მთავარი არგუმენტი ის იყო, ახალი ჩამოსული ხარ და ყველას ეგონება, რომ მე შეგიყვანე პროექტშიო.
გიგი: ვერც ჩვენ მივხვდით, ეს რა მიზეზი იყო. ყველა ცდილობდა, რომ რატი პროექტში ყოფილიყო, მაგრამ არ გამოვიდა. რადგან ჩემი ძმაა, ამიტომ არ ვამბობ, მაგრამ მართლა ძალიან კარგად ცეკვავს. თუ იქნება მეოთხე სეზონი, ალბათ მაშინ მაინც გამოჩნდება და ხალხი ნახავს, რომ კარგად ცეკვავს. სამაგიეროდ ყველა ჩვენს მოცეკვავეს ძალიან ვგულშემატკივრობთ. თუ ვინმე მე მგულშემატკივრობდა, შეუძლიათ ჩვენს მოცეკვავეებს დაუჭიროს მხარი.
– ხშირად მოცეკვავე წყვილს შორის სასიყვარულო ურთიერთობა იწყება. რატი, თქვენს მეწყვილესთან რომანი გქონიათ?
რატი: არ ვიცი, რატომ, მაგრამ არასოდეს მქონია.
– როცა წყვილს სიყვარული აკავშირებს, ეს მათ ცეკვაზე კარგად აისახება?
რატი: ამაზე ძალიან ბევრის თქმა შემიძლია. თუ შენს მეწყვილე–შეყვარებულს დაშორდები, მერე ერთად ცეკვაც აღარ გამოვა. ამ დროს პირადს სხვა რაღაცეებიც ეწირება.
გიგი: დადებითი ის არის, რომ უფრო გრძნობით ცეკვავ, ტვინს არავინ გიბურღავს, ჩემს შეყვარებულს ხელი როგორ დაადეო, რაც საქართველოში ხშირად ხდება. უარყოფითი კი ისაა, რომ ძალიან ძნელია, გაბუტულ შეყვარებულთან ერთად დადგე და ივარჯიშო. საბოლოოდ მაინც ჯობია, საქმე და პირადი ცხოვრება ერთმანეთისგან გაიმიჯნოს. ამის კარგი გამოცდილება მაქვს.
– გიგი, მას შემდეგ, რაც სალომე ჭაჭუას დაშორდით, თქვენს ცხოვრებაშიც გამოჩნდა ახალი სიყვარული – ნინი წიკლაური. გაგვაცანით, ვინ არის ის.
გიგი: ჩვენ ურთიერთობის საწყის ეტაპზე ვართ, ამიტომ მოსაყოლი ბევრი არაფერია. დაახლოებით 4 თვეა, რაც ნინის ვიცნობ.
– რატი, თქვენ იცნობთ მას?
რატი: ხასიათით ძალიან მაგარი გოგოა, კარგი ადამიანია. როგორც ჩემი ძმის შეყვარებული, ჩასახუტებელი გოგოა. ნინი მაგრად მიყვარს.
გიგი: რადგან ჩვენი ურთიერთობა ახალი დაწყებულია, ამაზე ბევრი ლაპარაკი არ ღირს. იმას კი არ ვამბობ, რომ არასერიოზული ურთიერთობაა და მხოლოდ ფლირტი გვაკავშირებს, არ მინდა, ვთქვა, მიყვარს, ვგიჟდები, ხვალ ცოლად მომყავს–მეთქი და ბოლოს ისე მოხდეს, რომ დავშორდეთ. სანამ ყველაფერში დარწმუნებული არ ვიქნები, ამ თემაზე ზედმეტს არ ვილაპარაკებ. დასამალი არაფერი მაქვს და არც მას ვმალავ. რატომღაც ჩათვალეს, რომ ჩემი და სალომეს ურთიერთობის გამომზეურება შეცდომა იყო, მაგრამ მე ასე არ ვთვლი.
– თქვენგან განსხვავებით, სალომემ პირადი ცხოვრების თემას ტაბუ დაადო.
გიგი: ჰო, ვიცი. მე კი დასამალი არაფერი მაქვს. თუ ვინმე ჩემი პირადი ცხოვრებით დაინტერესდება, შეუძლია გაიგოს, ოღონდ გარკვეულ ზღვრამდე. ზედმეტად პირადში არასოდეს არავინ ჩამიხედებია. ნებისმიერ ადამიანთან ძალიან ლამაზად მიმყავს ურთიერთობა, ამიტომ არ ვიცი, რას უნდა ვმალავდე. არასოდეს ვაკეთებ ისეთ რაღაცას, რაც შეიძლება მერე წინ დამიდგეს.
– თქვენი შეყვარებული ნინი წიკლაური ყველას მომღერალი ნინი წიკლაური ეგონა.
გიგი: ჰო, მომღერალ ნინისთვის დაურეკავთ. მას უთქვამს, ვინ გიგი, რა გიგი, რა გამიწყალეთ გული, სულ არ ვიცნობო. არც მე ვიცი ეს მომღერალი.
– მეგობრობით დაიწყო თქვენი ურთიერთობა თუ თავიდანვე სიმპათიით განეწყვეთ?
გიგი: რომ დავინახე, მაშინვე სიმპათიით განვეწყვე. ყველაზე მეტად მისმა ადამიანურობამ მომხიბლა და გამაგიჟა. გარეგნულად ნამდვილად არაა ცუდი გოგო და ამას ყველა ნახავს. ზოგადად მხოლოდ გარეგნულად არ ვაფასებ ადამიანებს. როცა გავიცანი და ვნახე, როგორი სუფთა, როგორი გულწრფელია, ამან გამაგიჟა და შემშალა.
– გიგი, თქვენი ინტერვიუ ვნახე დაახლოებით ასეთი სათაურით, სალომეზე და გიორგიზე ჯერ კიდევ პროექტის მსვლელობის დროს ვეჭვიანობდიო. მართლა ეჭვიანობდით?
გიგი: არც ერთ ინტერვიუში ასეთი რაღაც არ მითქვამს. ზედმეტად ეჭვიანი ვარ, მაგრამ მხოლოდ მაშინ ვეჭვიანობ, როცა ყურადღებას მაკლებენ. თუ სალომეს ცხოვრებაში ვინმე გამოჩნდა, წარმატებებს ვუსურვებ. მე არანაირი პრობლემა არ მაქვს. თუ ჩემი საყვარელი ადამიანი სხვასთან უფრო ბედნიერი იქნება, ვიდრე ჩემთან, უფრო გამიხარდება. მე რომ მაშინ ეჭვიანობა დამეწყო, ეს ჩემი დიდი არაპროფესიონალიზმი იქნებოდა. გიორგის და სალომეს ურთიერთობის შესახებ რომ ხალხმა გაიგო, ჩემზე დაიწერა, თითქოს მე ეს ყველაფერი საკმაოდ კარგად მივიღე. ნამდვილად კარგად მივიღე, მაგრამ მათ საიდან იცოდნენ, როცა ჩემთვის არც კი დაურეკავთ?
– რატი, გიგი ცდილობდა, არ შეემჩნია, სალომესთან დაშორებას რომ განიცდიდა, მაგრამ ალბათ თქვენ ყველაზე კარგად ხედავდით, როგორ გადაიტანა 8 წლიანი სიყვარულის დასასრული.
რატი: გიგი და სალომე რომ დაშორდნენ, ჩემი ძმა ისეთ ცუდ მდგომარეობაში იყო, ვერც კი მელაპარაკებოდა. "ფეისბუქზე" ორი წუთი თუ დავილაპარაკებდით, დავურეკავდი და ორ სიტყვას თუ მეტყოდა. სწორედ ამის გამო ჩამოვედი, რომ გვერდით დავდგომოდი. ჩვენ საერთო საძმაკაცო გვყავს, მირეკავდნენ და მეუბნებოდნენ, გიგი ძალიან ცუდადააო. მე კი ამ დროს საზღვარგარეთ ვიყავი.
– რატი, ამერიკაში გატარებულმა წლებმა რა შეგმატათ, რა თვისებები ჩამოგიყალიბათ?
რატი: პირველ რიგში, ადამიანურად გავიზარდე. ამისთვის დიდი მადლობელი ვარ ჩემი დის, გოჩასი, ჩემი დისშვილის. ძალიან დამეხმარნენ.
ქეთი დინოშვილი, ჟურნალი სარკე
