თამუნა კვარაცხელია: "სიტყვები – "რა კარგად გამოიყურები" – ჩემთვის კომპლიმენტი აღარ არის"
2 018 ნახვა
კარგი განწყობა, სწორად შერჩეული სამოსი და მაკიაჟი – ტელეკომპანია "მაესტროს" საინფორმაციო გამოშვების წამყვანი თამუნა კვარაცხელია ქალის სილამაზის საიდუმლოდ სწორედ ამ სამ კომპონენტს მიიჩნევს. თავისი საეკრანო ჩაცმულობა და მაკიაჟი პროფესიონალებისთვის აქვს მინდობილი, განწყობაზე კი თავად ზრუნავს. 24 წლის ტელეჟურნალისტს მთელი ყურადღება საქმეზე აქვს გადატანილი, რადგან თვლის, რომ ამ ეტაპზე გარეგნობაზე ზედმეტი ფიქრი არც სჭირდება.
– თამუნა, მოდით, ჯერ იმაზე ვისაუბროთ, როგორ დაიწყეთ ტელევიზიაში მუშაობა.
– თავიდან ვფიქრობდი, იურისტი გამოვსულიყავი, რადგან ჩემს ოჯახში თითქმის ყველა ამ პროფესიისა, მაგრამ საბოლოოდ მაინც ჟურნალისტიკა ვარჩიე. პირველი შეხება კამერასთან უნივერსიტეტში მქონდა. ბევრ ორგანიზაციაში გავიარე სტაჟირება ახალი ამბების ჟურნალისტის სტატუსით, მათ შორის – რადიოშიც და პრესაშიც. მერე მივედი ერთ–ერთ ინტერნეტტელევიზიაში, სადაც იქამდე ვმუშაობდი, სანამ მისი ხელმძღვანელობა არ შეიცვალა. ხელმძღვანელობის შეცვლის მერე, რადგან ჩვენი შეხედულებები განსხვავებული იყო, იქიდან წამოვედი. იმ პერიოდში მქონდა შანსი, საზღვარგარეთ, ტალინში წავსულიყავი და ერთ–ერთ ორგანიზაციასთან ერთად დოკუმენტური ფილმების მიმართულებით მემუშავა, მაგრამ ზუსტად მაშინ ძველმა თანამშრომელმა მითხრა, რომ ტელეკომპანია "მაესტროში" ტელეწამყვანების შესარჩევი კონკურსი ტარდებოდა და მონაწილეობა მიმეღო. ასე დავიწყე "მაესტროსთან" თანამშრომლობა. უკვე მეორე წელია ამ ტელეკომპანიაში ყოველდღიური საინფორმაციო გამოშვების წამყვანი ვარ.
– საინფორმაციოს წამყვანმა გარეგნობასთან დაკავშირებით რა კრიტერიუმები უნდა დაიცვას, რომ მაყურებლის გაღიზიანება არ გამოიწვიოს?
– მაყურებელმა ახალი ამბები უნდა მოისმინოს, ამიტომ საინფორმაციო გამოშვების წამყვანმა თავისი გარეგნობით ზედმეტი ყურადღება არ უნდა მიიქციოს. ამაში იგულისხმება გამოკვეთილი მაკიაჟი თუ შეუფერებელი ჩაცმულობა. ამავდროულად ახალი ამბები მოკლე და ლაკონური უნდა იყოს.
– წამყვანის ჩაცმულობაში ფერებს თუ ენიჭება მნიშვნელობა?
– არ არსებობს სტანდარტი, თუ რა უნდა ჩაიცვა და რა – არა. აუცილებელია, სადად გამოიყურებოდე. ძალიან გადატვირთული სამოსი საინფორმაციო გამოშვების წამყვანისთვის მიუღებელია. ყოველ შემთხვევაში, მე სადა სტილს ვანიჭებ უპირატესობას.
– მაკიაჟი სამსახურშიც გაქვთ და მის გარეთაც?
– თუ გადაღებაზე არ მივდივარ, ვცდილობ, მაკიაჟი არ გამოვიყენო. ბუნებრიობა მირჩევნია. სამსახურის გარეთ, ჟურნალისტიკის პარალელურად, პერიოდულად სხვადასხვა პროექტს ვაკეთებ. შესაბამისად, ეტიკეტიდან გამომდინარე, მიწევს დრესკოდის დაცვა და ხშირად სამსახურის მიღმაც მაკიაჟის გამოყენება. საკმაოდ დატვირთული გრაფიკი მაქვს. დილის 10 საათიდან საღამოს 7 საათამდე ტელევიზიაში ვარ. ნურავინ იტყვის, რომ საინფორმაციო გამოშვების წამყვანობა ადვილია.
– მოგისმენიათ ამგვარი შეფასება?
– ძალიან ხშირად. ბევრს ჰგონია, რომ მხოლოდ სხვისი დაწერილი ტექსტის წაკითხვა მიწევს. რეალურად საინფორმაციო გამოშვების წამყვანი ძალიან ბევრ ინფორმაციას იღებს. ეს ინფორმაცია თავად უნდა დაწეროს, პარალელურად მუდმივად ცვალოს, რადგან ახალი ამბები ხშირად იცვლება და საბოლოოდ შეიძლება სულ სხვა, ახალი ტექსტი წაიკითხოს და არა ის, რასაც მანამდე ამზადებდა. გაუთვალისწინებელი ჩართვებისთვის თუ ცვლილებებისთვის მუდამ მზად უნდა იყოს.
– გქონიათ პირდაპირ ეთერში გაუთვალისწინებელი სიტუაცია, რომელიც დღეს ღიმილით გახსენდებათ?
– არაერთი შემთხვევა მახსენდება. როცა ტელეკომპანია "მაესტრო" ახალ შენობაში გადავიდა, მაუწყებლობის პარალელურად რემონტი მიმდინარეობდა. ერთ დღეს, მიუხედავად იმისა, რომ მუშები გაფრთხილებული იყვნენ, საინფორმაციოს დაწყებისას მუშაობა შეეწყვიტათ, პირდაპირ ეთერში განაახლეს სარემონტო საქმეები. იმდენად სახიფათო ხმაური ატყდა, რომ ოპერატორმა ოთახში მარტო დამტოვა. მიუხედავად ამისა, ლაპარაკი არ შემიწყვეტია და მაყურებელს ინფორმაცია მაინც მივაწოდე.
გარეგნობასთან დაკავშირებით უხერხული შემთხვევა პირდაპირ ეთერში არ მქონია. ჩვენს გარეგნობაზე პროფესიონალი ვიზაჟისტები ზრუნავენ, ხოლო კოსტიუმებს დიზაინერი თეონა თავართქილაძე გვიკერავს.
– თქვენთვის ალბათ ძალიან მნიშვნელოვანია, როგორ გამოიყურებით ეკრანზე, როგორი მაკიაჟი გაქვთ.
– ეთერში გასვლისას ყოველთვის ვიზაჟისტების მიერ შექმნილ იმიჯს ვანიჭებ უპირატესობას, რადგან ვთვლი, რომ პირდაპირი ეთერი ხარისხს მოითხოვს. პირველ რიგში კი, კონცენტრაციას იმ ამბავზე ვაკეთებ, რომელიც უნდა წავიკითხო. ასეთ დროს გარეგნობა მეორეხარისხოვანი ხდება. ყოფილა შემთხვევა, რომ ვერ მომისწრია პირდაპირი ეთერისთვის გარეგნულად ისე მომზადება, როგორც მინდოდა, მაგრამ ამისთვის დიდი მნიშვნელობა არ მიმინიჭებია, რადგან, გავიმეორებ, რომ წინ საქმეს ვაყენებ. ადრე ჩემთვის კომპლიმენტი თუ იყო სიტყვები – "რა კარგად გამოიყურები", დღეს კომპლიმენტად ვთვლი, ჩემ მიერ წაყვანილ ეთერს დადებითად თუ შეაფასებენ. ისიც მსიამოვნებს, როცა მეუბნებიან, რომ კარგი მძღოლი ვარ.
– საჭესთან ქალური სისუსტე არასდროს გძლევთ, რომ თავის მოსაწესრიგებლად მანქანის სარკეები გამოიყენოთ?
– მსგავსი შემთხვევა არ მქონია. მიუხედავად იმისა, რომ სულ რაღაც 9 თვეა, მანქანა მყავს, ვცდილობ, პროფესიონალურად ვატარო.
– პირადი ცხოვრებისთვის დრო თუ გრჩებათ?
– მიუხედავად იმისა, რომ ტელევიზიაშიც ვმუშაობ და ასევე პროექტებზეც, ოჯახისა და მეგობრებისთვისაც მრჩება დრო. პირადი ცხოვრების სამსახურთან შეთავსება თავისთავად ხდება. გათხოვილი არ ვარ. ოჯახი ჩემს პროფესიულ წინსვლაში ძალიან მეხმარება. მათგან ბევრ რჩევას ვისმენ, რომელთაც ვითვალისწინებ, თუმცა გადაწყვეტილებებს, ხშირ შემთხვევაში, დამოუკიდებლად ვიღებ.
– მართალია, ჯერ ამისთვის ძალიან ახალგაზრდა ხართ, მაგრამ მაინც რამდენად დაინტერესებული ხართ თანამედროვე ესთეტიკური მედიცინით და ამ დარგის სიახლეებს თუ ეცნობით?
– რა თქმა უნდა, ყველა სიახლეს, რომელიც მომწონს, მივყვები. თუნდაც პლასტიკურ ქირურგიას დადებითად ვუყურებ და ვთვლი, ვისაც სჭირდება, უნდა გამოიყენოს. მაგრამ თავად ამის სურვილი ჯერ არ გამჩენია. ჯერჯერობით ელემენტარულ კოსმეტოლოგიურ პროცედურებს ვჯერდები. კანს კოსმეტოლოგის მიერ დანიშნული საცხებით ვუვლი. სულ ეს არის.
– ჯანსაღი კვების პრინციპებს იცავთ?
– ვფიქრობ, ჯანსაღად კვება ძალიან მნიშვნელოვანია, თუმცა ჩემი რეჟიმისთვის ეს ცოტა რთული შესასრულებელია. რამდენადაც ვახერხებ, ვცდილობ, სწორად ვიკვებო.
– თქვენი აზრით, რა არის ქალის სილამაზის ძირითადი განმსაზღვრელი?
– პირველ რიგში – განწყობა. შინაგანად უნდა მოდიოდეს დადებითი ემოცია, რაც ქალის გარეგნობაზე კარგად აისახება. ასე რომ, სილამაზეს მხოლოდ გარეგნობაზე ზრუნვა არ განსაზღვრავს.
მანანა ნოდია, ჟურნალი სარკე
– თამუნა, მოდით, ჯერ იმაზე ვისაუბროთ, როგორ დაიწყეთ ტელევიზიაში მუშაობა.
– თავიდან ვფიქრობდი, იურისტი გამოვსულიყავი, რადგან ჩემს ოჯახში თითქმის ყველა ამ პროფესიისა, მაგრამ საბოლოოდ მაინც ჟურნალისტიკა ვარჩიე. პირველი შეხება კამერასთან უნივერსიტეტში მქონდა. ბევრ ორგანიზაციაში გავიარე სტაჟირება ახალი ამბების ჟურნალისტის სტატუსით, მათ შორის – რადიოშიც და პრესაშიც. მერე მივედი ერთ–ერთ ინტერნეტტელევიზიაში, სადაც იქამდე ვმუშაობდი, სანამ მისი ხელმძღვანელობა არ შეიცვალა. ხელმძღვანელობის შეცვლის მერე, რადგან ჩვენი შეხედულებები განსხვავებული იყო, იქიდან წამოვედი. იმ პერიოდში მქონდა შანსი, საზღვარგარეთ, ტალინში წავსულიყავი და ერთ–ერთ ორგანიზაციასთან ერთად დოკუმენტური ფილმების მიმართულებით მემუშავა, მაგრამ ზუსტად მაშინ ძველმა თანამშრომელმა მითხრა, რომ ტელეკომპანია "მაესტროში" ტელეწამყვანების შესარჩევი კონკურსი ტარდებოდა და მონაწილეობა მიმეღო. ასე დავიწყე "მაესტროსთან" თანამშრომლობა. უკვე მეორე წელია ამ ტელეკომპანიაში ყოველდღიური საინფორმაციო გამოშვების წამყვანი ვარ.
– საინფორმაციოს წამყვანმა გარეგნობასთან დაკავშირებით რა კრიტერიუმები უნდა დაიცვას, რომ მაყურებლის გაღიზიანება არ გამოიწვიოს?
– მაყურებელმა ახალი ამბები უნდა მოისმინოს, ამიტომ საინფორმაციო გამოშვების წამყვანმა თავისი გარეგნობით ზედმეტი ყურადღება არ უნდა მიიქციოს. ამაში იგულისხმება გამოკვეთილი მაკიაჟი თუ შეუფერებელი ჩაცმულობა. ამავდროულად ახალი ამბები მოკლე და ლაკონური უნდა იყოს.
– წამყვანის ჩაცმულობაში ფერებს თუ ენიჭება მნიშვნელობა?
– არ არსებობს სტანდარტი, თუ რა უნდა ჩაიცვა და რა – არა. აუცილებელია, სადად გამოიყურებოდე. ძალიან გადატვირთული სამოსი საინფორმაციო გამოშვების წამყვანისთვის მიუღებელია. ყოველ შემთხვევაში, მე სადა სტილს ვანიჭებ უპირატესობას.
– მაკიაჟი სამსახურშიც გაქვთ და მის გარეთაც?
– თუ გადაღებაზე არ მივდივარ, ვცდილობ, მაკიაჟი არ გამოვიყენო. ბუნებრიობა მირჩევნია. სამსახურის გარეთ, ჟურნალისტიკის პარალელურად, პერიოდულად სხვადასხვა პროექტს ვაკეთებ. შესაბამისად, ეტიკეტიდან გამომდინარე, მიწევს დრესკოდის დაცვა და ხშირად სამსახურის მიღმაც მაკიაჟის გამოყენება. საკმაოდ დატვირთული გრაფიკი მაქვს. დილის 10 საათიდან საღამოს 7 საათამდე ტელევიზიაში ვარ. ნურავინ იტყვის, რომ საინფორმაციო გამოშვების წამყვანობა ადვილია.
– მოგისმენიათ ამგვარი შეფასება?
– ძალიან ხშირად. ბევრს ჰგონია, რომ მხოლოდ სხვისი დაწერილი ტექსტის წაკითხვა მიწევს. რეალურად საინფორმაციო გამოშვების წამყვანი ძალიან ბევრ ინფორმაციას იღებს. ეს ინფორმაცია თავად უნდა დაწეროს, პარალელურად მუდმივად ცვალოს, რადგან ახალი ამბები ხშირად იცვლება და საბოლოოდ შეიძლება სულ სხვა, ახალი ტექსტი წაიკითხოს და არა ის, რასაც მანამდე ამზადებდა. გაუთვალისწინებელი ჩართვებისთვის თუ ცვლილებებისთვის მუდამ მზად უნდა იყოს.
– გქონიათ პირდაპირ ეთერში გაუთვალისწინებელი სიტუაცია, რომელიც დღეს ღიმილით გახსენდებათ?
– არაერთი შემთხვევა მახსენდება. როცა ტელეკომპანია "მაესტრო" ახალ შენობაში გადავიდა, მაუწყებლობის პარალელურად რემონტი მიმდინარეობდა. ერთ დღეს, მიუხედავად იმისა, რომ მუშები გაფრთხილებული იყვნენ, საინფორმაციოს დაწყებისას მუშაობა შეეწყვიტათ, პირდაპირ ეთერში განაახლეს სარემონტო საქმეები. იმდენად სახიფათო ხმაური ატყდა, რომ ოპერატორმა ოთახში მარტო დამტოვა. მიუხედავად ამისა, ლაპარაკი არ შემიწყვეტია და მაყურებელს ინფორმაცია მაინც მივაწოდე.
გარეგნობასთან დაკავშირებით უხერხული შემთხვევა პირდაპირ ეთერში არ მქონია. ჩვენს გარეგნობაზე პროფესიონალი ვიზაჟისტები ზრუნავენ, ხოლო კოსტიუმებს დიზაინერი თეონა თავართქილაძე გვიკერავს.
– თქვენთვის ალბათ ძალიან მნიშვნელოვანია, როგორ გამოიყურებით ეკრანზე, როგორი მაკიაჟი გაქვთ.
– ეთერში გასვლისას ყოველთვის ვიზაჟისტების მიერ შექმნილ იმიჯს ვანიჭებ უპირატესობას, რადგან ვთვლი, რომ პირდაპირი ეთერი ხარისხს მოითხოვს. პირველ რიგში კი, კონცენტრაციას იმ ამბავზე ვაკეთებ, რომელიც უნდა წავიკითხო. ასეთ დროს გარეგნობა მეორეხარისხოვანი ხდება. ყოფილა შემთხვევა, რომ ვერ მომისწრია პირდაპირი ეთერისთვის გარეგნულად ისე მომზადება, როგორც მინდოდა, მაგრამ ამისთვის დიდი მნიშვნელობა არ მიმინიჭებია, რადგან, გავიმეორებ, რომ წინ საქმეს ვაყენებ. ადრე ჩემთვის კომპლიმენტი თუ იყო სიტყვები – "რა კარგად გამოიყურები", დღეს კომპლიმენტად ვთვლი, ჩემ მიერ წაყვანილ ეთერს დადებითად თუ შეაფასებენ. ისიც მსიამოვნებს, როცა მეუბნებიან, რომ კარგი მძღოლი ვარ.
– საჭესთან ქალური სისუსტე არასდროს გძლევთ, რომ თავის მოსაწესრიგებლად მანქანის სარკეები გამოიყენოთ?
– მსგავსი შემთხვევა არ მქონია. მიუხედავად იმისა, რომ სულ რაღაც 9 თვეა, მანქანა მყავს, ვცდილობ, პროფესიონალურად ვატარო.
– პირადი ცხოვრებისთვის დრო თუ გრჩებათ?
– მიუხედავად იმისა, რომ ტელევიზიაშიც ვმუშაობ და ასევე პროექტებზეც, ოჯახისა და მეგობრებისთვისაც მრჩება დრო. პირადი ცხოვრების სამსახურთან შეთავსება თავისთავად ხდება. გათხოვილი არ ვარ. ოჯახი ჩემს პროფესიულ წინსვლაში ძალიან მეხმარება. მათგან ბევრ რჩევას ვისმენ, რომელთაც ვითვალისწინებ, თუმცა გადაწყვეტილებებს, ხშირ შემთხვევაში, დამოუკიდებლად ვიღებ.
– მართალია, ჯერ ამისთვის ძალიან ახალგაზრდა ხართ, მაგრამ მაინც რამდენად დაინტერესებული ხართ თანამედროვე ესთეტიკური მედიცინით და ამ დარგის სიახლეებს თუ ეცნობით?
– რა თქმა უნდა, ყველა სიახლეს, რომელიც მომწონს, მივყვები. თუნდაც პლასტიკურ ქირურგიას დადებითად ვუყურებ და ვთვლი, ვისაც სჭირდება, უნდა გამოიყენოს. მაგრამ თავად ამის სურვილი ჯერ არ გამჩენია. ჯერჯერობით ელემენტარულ კოსმეტოლოგიურ პროცედურებს ვჯერდები. კანს კოსმეტოლოგის მიერ დანიშნული საცხებით ვუვლი. სულ ეს არის.
– ჯანსაღი კვების პრინციპებს იცავთ?
– ვფიქრობ, ჯანსაღად კვება ძალიან მნიშვნელოვანია, თუმცა ჩემი რეჟიმისთვის ეს ცოტა რთული შესასრულებელია. რამდენადაც ვახერხებ, ვცდილობ, სწორად ვიკვებო.
– თქვენი აზრით, რა არის ქალის სილამაზის ძირითადი განმსაზღვრელი?
– პირველ რიგში – განწყობა. შინაგანად უნდა მოდიოდეს დადებითი ემოცია, რაც ქალის გარეგნობაზე კარგად აისახება. ასე რომ, სილამაზეს მხოლოდ გარეგნობაზე ზრუნვა არ განსაზღვრავს.
მანანა ნოდია, ჟურნალი სარკე
