დაოჯახება ქალებზე მეტად კაცებს სურთ

საიტმა LinkedIn-მა 1 023 დასაქმებული ადამიანი გამოკითხა და დაინტერესდა, რა უფრო პრიორიტეტულია მათთვის, ოჯახი თუ კარიერა.

პროექტის ორგანიზატორებისთვის შედეგები მოულოდნელი აღმოჩნდა - სუსტ სქესზე მეტად ოჯახის შექმნა კაცებისთვის უფრო პრიორიტეტულია; მამაკაცები საკუთარი ოჯახს ცხოვრების მთავარ წარმატებად მიიჩნევენ, თუმცა ქალების ნაწილი ოჯახის შექმნას პრიორიტეტულად არ თვლის. მათი თქმით, გამოკითხვამ გენდერული სტერეოტიპები დაანგრია. შედეგები ასე გამოიყურება: კაცების 86% ცხოვრების მთავარ მიღწევად ცოლის მოყვანას ასახელებს, გათხოვება ქალების 73%-სთვისაა მნიშვნელოვანი.

"დღეს ყველაფერი შეიცვალა. ოჯახის შექმნაზე ქალებზე მეტად კაცები არიან ორიენტირებულნი. ქალებისგან განსხვავებით, კაცები არ ფიქრობენ, რომ ოჯახისთვის მხოლოდ ფულია მნიშვნელოვანი", - ამბობენ პროექტის ორგანიზატორები.
LinkedIn-ის მიხედვით.