შალვა რამიშვილმა და ხატია ეკიზაშვილმა ჯვარი დაიწერეს

შალვა რამიშვილი როგორც ჩანს, ჟურნალისტიკაში კიდევ დიდხანს არ დაბრუნდება. როგორც ამბობენ, პრეზიდენტის ინაუგურაციის შემდეგ, გიორგი მარგველაშვილის პიარსამსახურში იმუშავებს.

მართალია, ამ ინფორმაციას შალვა რამიშვილი ჯერჯერობით არ ადასტურებს, მაგრამ წინასაარჩევნოდ მარგველაშვილის პიარის უფროს, შალვა რამიშვილს სავარაუდო კონკურენტიც კი არ ჰყავს ამ თანამდებობაზე.

შალვა რამიშვილს და სუხიშვილების პიარმენეჯერს ხატია ეკიზაშვილს რომ ერთმანეთი უყვარდათ, ამ ამბავზე ჯერ კიდევ ორი წლის წინ წერდა ჟურნალი `რეიტინგი~.

წყვილი ერთად ცხოვრობდა, მათი სიყვარულის ამბავი აღარავისთვის იყო საიდუმლო. შალვა და ხატია ურთიერთობის გაოფიციალურებას არ ჩქარობდა.

როგორც ჩანს, წყვილი არჩევნების მშვიდობიანად დამთავრებას ელოდა. ორ ნოემბერს წყვილმა ჯვარი ანჩისხატის ეკლესიაში დაიწერა. მოგვიანებით კი მეგობრებთან ერთად თავიანთი ბედნიერება რესტორანში აღნიშნეს.

„რეიტინგი“ ულოცავს წყვილს გაბედნიერებას და ყველაფერ საუკეთესოს უსურვებს.

სპეციალურად „რეიტინგი“
სალომე დადიანი