მეკითხებიან, ცხოვრებაში არ ხარ ორსულად თუ გააჩინე უკვეო
1 618 ნახვა
სერიალ ''ჩემი ცოლის დაქალებში'' ნინო მუმლაძეს გმირის, ნათიას გამოჩენამ თითქმის მთელი საქართველო აალაპარაკა. ეს გახლავთ სტომატოლოგი, რომელიც დიდი მეოჯახე და მუყაითი კაცის, დათო გოცირიძის საყვარელი გახდა.
ქართულმა საზოგადოებამ, განსაკუთრებით კი სერიალის გულშემატკივართა დიდმა ნაწილმა, ეს ფაქტი ძალიან მტკივნეულად მიიღო, მეტიც, შეიძლება ითქვას, რომ დათოსა და ნათიას ფარულმა რომანმა რეალურ ცხოვრებაში ბევრი მნიშვნელოვანი თემა გადაფარა.
ნინო მუმლაძის გმირის რეიტინგულობა, ეტყობა, არც სერიალის შემქმნელებს დარჩენიათ უყურადღებოდ, ჰოდა, გადაწყვიტეს, ნათია ისევ შემოეყვანათ ახალ სეზონში და დათოსა და ნინას ცხოვრება ცოტა კიდევ გაერთულებინათ...
ადრე ფართო მასებისგან ნათიას მიმართ აგრესია მოდიოდა, როგორ გაბედა და მეოჯახე კაცი როგორ ''შეაცდინაო'' - ამბობდნენ, არც მისი მიმზიდველი დეკოლტე დაინდეს და ქილიკი არ დაიშურეს.
ამჯერად გადავწყვიტეთ მსახიობ ნინო მუმლაძეს დავკაშირებოდით და გაგვეგო შეიცვალა თუ არა მის მიმართ საზოგადოების დამოკიდებულება...
- ნინო, როგორ განვითარდება მოვლენები სერიალში... შეხვდებიან ნინა და ნათია ერთმანეთს?
- ამას წინასწარ არ ვიტყვი, მაგრამ ქალები უფრო ბრძნულად მოიქცევიან და მოაგვარებენ პრობლემას, ისინი იმაზე ჭკვიანურად მიუდგებიან ამ საკითხს, ვიდრე დათო ელოდა.
- როგორია დღეს საზოგადეობის დამოკიდებულება ნათიას მიმართ?
- თავიდან, როდესაც იწყებ რაღაცის კეთებას, გაინტერესებს, რა რეაქცია და რეზონანსი მოჰყვება ამას, ამიტომ უფრო მეტად ადევნებ თვალს საზოგადეობის განწყობას. თავიდან უფრო ვინტერესდებოდი და ვკითხულობდი რას წერდნენ ჩემს გმირზე, ახლა ნაკლებად, რადგან მივხვდი, რომ რეიტინგულ პერსონაჟს ვთამაშობ. რაც შეეხება ''ქუჩის'' შეფასებას, რომ დამინახავენ, რატომ უკვირთ, არ ვიცი, მაგრამ მეკითხებიან, ცხოვრებაში არ ხარ ორსულად თუ გააჩინე უკვეო.
- შეიცვალა ნათიას ჩაცმის სტილიც.. ადრე მისი ღრმა დეკოლტე თვალში საცემი იყო...
- აქამდე ნათია უქმრო, თავისუფალი ქალი იყო და უნდოდა, რომ მომხიბვლელი ყოფილიყო. ახლა კი ორსულადაა და ესაა ჩაცმის შეცვლის მიზეზი..
- თქვენ როგორ გგონიათ, დათო სწორად მოიქცა, ნინას, ამ მდგომარეობაში რომ უთხრა ნათიას ორსულობის ამბავი?
- ადრე თუ გვიან ხომ უნდა ეთქვა?! ჩემი აზრით, ის უფრო არაკაცური საქციელია, რომ შვილი არ აღიარო და მასთან არ მიხვიდე, მაგრამ თუ აღიარებ, მაშინ მის შესახებ უნდა იცოდნენ მისმა ნახევარდებმა, ნახევარძმებმა და ზოგადად, ოჯახმა. ყველაზე კარგია, როცა სინდისი სუფთა გაქვს და შესაბამისად არაფერი გაქვს გასამხელი ოჯახთან, მაგრამ რადგან ეს მოხდა, ალბათ უმჯობესია, მეორე შეცდომა არ დაუშვა და ტყუილში არ აცხოვრო ისინი.
რთულია, როცა ქმარი ასეთ რაღაცას ეუბნება ცოლს, მით უმეტეს მაშინ, როცა ოჯახში ღალატის შემდეგ სიტუაცია დალაგებულია. როცა შენს მეუღლეს შვილი ჰყვას ვიღაცისგან, ეს ნიშნავს იმას, რომ მას იმ ქალთან კონტაქტი ბავშვის გამო მაინც მოუწევს და გარკვეულწილად მთელი ცხოვრება ექნება ურთიერთობა, მართლა ძალიან ბრძენი ადამიანი უნდა იყო, რომ ეს ყველაფრი მშვიდად მიიღო.
- ნინო მუმლაძე შეძლებდა ეპატიებინა კაცისთვის ის, რაც ნინამ აპატია დათოს?
- სტანდარტული მიდგომა ასეთი საკითხების მიმართ არ მომწონს. თუ ადამიანს შეეშალა, ამას აღიარებს და ამბობს, რომ ძალიან ნანობს, რთულად შეიძლება გაუგო და აპატიო, მაგრამ დათო გახლდათ ადამიანი, რომელიც არაფრის აღიარებას არ აპირებდა, მალავდა ნათიასთან ურთიერთობას და თვითონ ნინას რომ არ გაეგო ყველაფერი, ალბათ ორ ფრონტზე ცხოვრებას გააგრძელებდა. თან როცა ნინამ უთხრა, გავიგე, რომ საყვარელი გყავსო, კიდევ ცდილობდა თავის დაძვრენას და ''ნაგლად'' ატყუებდა, რაც მეორე დანაშაულია. ალბათ ამას ვერ გადავაბიჯებდი და პატიება გამიჭირდებოდა.
ციცი ომანიძე
''რეიტინგი"
ქართულმა საზოგადოებამ, განსაკუთრებით კი სერიალის გულშემატკივართა დიდმა ნაწილმა, ეს ფაქტი ძალიან მტკივნეულად მიიღო, მეტიც, შეიძლება ითქვას, რომ დათოსა და ნათიას ფარულმა რომანმა რეალურ ცხოვრებაში ბევრი მნიშვნელოვანი თემა გადაფარა.
ნინო მუმლაძის გმირის რეიტინგულობა, ეტყობა, არც სერიალის შემქმნელებს დარჩენიათ უყურადღებოდ, ჰოდა, გადაწყვიტეს, ნათია ისევ შემოეყვანათ ახალ სეზონში და დათოსა და ნინას ცხოვრება ცოტა კიდევ გაერთულებინათ...
ადრე ფართო მასებისგან ნათიას მიმართ აგრესია მოდიოდა, როგორ გაბედა და მეოჯახე კაცი როგორ ''შეაცდინაო'' - ამბობდნენ, არც მისი მიმზიდველი დეკოლტე დაინდეს და ქილიკი არ დაიშურეს.
ამჯერად გადავწყვიტეთ მსახიობ ნინო მუმლაძეს დავკაშირებოდით და გაგვეგო შეიცვალა თუ არა მის მიმართ საზოგადოების დამოკიდებულება...
- ნინო, როგორ განვითარდება მოვლენები სერიალში... შეხვდებიან ნინა და ნათია ერთმანეთს?
- ამას წინასწარ არ ვიტყვი, მაგრამ ქალები უფრო ბრძნულად მოიქცევიან და მოაგვარებენ პრობლემას, ისინი იმაზე ჭკვიანურად მიუდგებიან ამ საკითხს, ვიდრე დათო ელოდა.
- როგორია დღეს საზოგადეობის დამოკიდებულება ნათიას მიმართ?
- თავიდან, როდესაც იწყებ რაღაცის კეთებას, გაინტერესებს, რა რეაქცია და რეზონანსი მოჰყვება ამას, ამიტომ უფრო მეტად ადევნებ თვალს საზოგადეობის განწყობას. თავიდან უფრო ვინტერესდებოდი და ვკითხულობდი რას წერდნენ ჩემს გმირზე, ახლა ნაკლებად, რადგან მივხვდი, რომ რეიტინგულ პერსონაჟს ვთამაშობ. რაც შეეხება ''ქუჩის'' შეფასებას, რომ დამინახავენ, რატომ უკვირთ, არ ვიცი, მაგრამ მეკითხებიან, ცხოვრებაში არ ხარ ორსულად თუ გააჩინე უკვეო.
- შეიცვალა ნათიას ჩაცმის სტილიც.. ადრე მისი ღრმა დეკოლტე თვალში საცემი იყო...
- აქამდე ნათია უქმრო, თავისუფალი ქალი იყო და უნდოდა, რომ მომხიბვლელი ყოფილიყო. ახლა კი ორსულადაა და ესაა ჩაცმის შეცვლის მიზეზი..
- თქვენ როგორ გგონიათ, დათო სწორად მოიქცა, ნინას, ამ მდგომარეობაში რომ უთხრა ნათიას ორსულობის ამბავი?
- ადრე თუ გვიან ხომ უნდა ეთქვა?! ჩემი აზრით, ის უფრო არაკაცური საქციელია, რომ შვილი არ აღიარო და მასთან არ მიხვიდე, მაგრამ თუ აღიარებ, მაშინ მის შესახებ უნდა იცოდნენ მისმა ნახევარდებმა, ნახევარძმებმა და ზოგადად, ოჯახმა. ყველაზე კარგია, როცა სინდისი სუფთა გაქვს და შესაბამისად არაფერი გაქვს გასამხელი ოჯახთან, მაგრამ რადგან ეს მოხდა, ალბათ უმჯობესია, მეორე შეცდომა არ დაუშვა და ტყუილში არ აცხოვრო ისინი.
რთულია, როცა ქმარი ასეთ რაღაცას ეუბნება ცოლს, მით უმეტეს მაშინ, როცა ოჯახში ღალატის შემდეგ სიტუაცია დალაგებულია. როცა შენს მეუღლეს შვილი ჰყვას ვიღაცისგან, ეს ნიშნავს იმას, რომ მას იმ ქალთან კონტაქტი ბავშვის გამო მაინც მოუწევს და გარკვეულწილად მთელი ცხოვრება ექნება ურთიერთობა, მართლა ძალიან ბრძენი ადამიანი უნდა იყო, რომ ეს ყველაფრი მშვიდად მიიღო.
- ნინო მუმლაძე შეძლებდა ეპატიებინა კაცისთვის ის, რაც ნინამ აპატია დათოს?
- სტანდარტული მიდგომა ასეთი საკითხების მიმართ არ მომწონს. თუ ადამიანს შეეშალა, ამას აღიარებს და ამბობს, რომ ძალიან ნანობს, რთულად შეიძლება გაუგო და აპატიო, მაგრამ დათო გახლდათ ადამიანი, რომელიც არაფრის აღიარებას არ აპირებდა, მალავდა ნათიასთან ურთიერთობას და თვითონ ნინას რომ არ გაეგო ყველაფერი, ალბათ ორ ფრონტზე ცხოვრებას გააგრძელებდა. თან როცა ნინამ უთხრა, გავიგე, რომ საყვარელი გყავსო, კიდევ ცდილობდა თავის დაძვრენას და ''ნაგლად'' ატყუებდა, რაც მეორე დანაშაულია. ალბათ ამას ვერ გადავაბიჯებდი და პატიება გამიჭირდებოდა.
ციცი ომანიძე
''რეიტინგი"
