''თუ გემოვნება არ გაქვთ, ეს საგანგაშო არ არის!..''
1 888 ნახვა
რამაზო რომა, იგივე რამაზ შამანაური, თურქეთში მოღვაწე ქართველი დიზაინერია, რომელიც სულ მალე თბილისში ჩამოვა და მოდის კვირეულშიც მიიღებს მონაწილეობას, მანამდე კი მას ტენდენციების გასაცნობად დავუკავშირდით.
- 2012-2013 წლის გაზაფხული-ზაფხულის კოლექცია ''პეპლები'' ძალიან წარმატებული აღმოჩნდა, ახლა კი, როგორც მსოფლიო სტანდარტები გვკარნახობს, ვმუშაობ 2013-2014 წლის გაზაფხული-ზაფხულის კოლექციაზე, სადაც პეპლებს ყვავილები შეცვლის. მე ყოველთვის ვქმნი ნაჭერს, რომლითაც შემდეგ კოლექცია იკერება. არ მიყვარს, როცა ჩემნაირი ფაქტურით სხვაც კერავს, ამიტომ ვქმნი ესკიზს, რომელიც გადამაქვს ნაჭერზე და შემდეგ ვიწყებ მუშაობას კოლექციაზე. რაც შეეხება ჩვენებებს, უახლოეს მომავალში მსოფლიო მოდის ფესტივალზე მაქვს ჩვენება კუშადასში, რის შემდეგაც ჩამოვალ თბილისის მოდის კვირეულზე და მერე გადავინაცვლებ კვიპროსში, ასევე მოდის კვირეულზე.
- მაშინ გვითხარით, რა იქნება აქტუალური 2013-2014 წლის გაზაფხული-ზაფხულის სეზონზე.
- ამ სეზონზე კოლექციაში ვიყენებ თეთრს, წითელს, შავს, იასამნისფერს და ღია ვარდისფერს. საერთოდ, შავი ფერი ძალიან მიყვარს, მაგრამ ზაფხულში მაინც უფრო ნათელ ფერებს ვანიჭებ უპირატესობას, შიფონის ან თუნდაც სხვა ჰაეროვან ნაჭერში გამოწყობილი ქალი ნამდვილად სასიამოვნო და მოდური იქნება, შეიძლება, ერთი კაბის შეკერვისას 8-9 მეტრი ნაჭერი დავხარჯო, რომ მას სიმსუბუქე და ჰაეროვნება მივანიჭო.
- ცივ სეზონზე რა მოვირგოთ, რომ გამოვიყურებოდეთ მოდურად და თავს ვგრძნობდეთ კომფორტულად?
- ცივი სეზონი არის დრო, როდესაც მე არჩევანს მუქი და დამჯდარი ფერების სასიკეთოდ ვაკეთებ. შავი, რუხი, აგურისფერი და მუქი მწვანე პალტო ძალიან აქტუალური იქნება, ასევე მოდაშია კიტელის ფორმის პალტოები. სხვათა შორის, ახლა ''სალდატსკი'' პალტოებს ვაკერინებ.
- სამხედრო დეტალები, ''ბატინკები'' ძალიან მოდური გახდა..
- კი, ნამდვილად, მსოფლიო მოდის ტენდენციებში შეინიშნება ასეთი დეტალების სიმრავლე. სამხედრო ''ბატინკები'' მართლაც მოდური და კომფორტულია, მაგრამ მე ტყავის ბოტფორტები ქალზე ძალიან მომწონს, თუნდაც ის მუხლსქვედა სიგრძის კაბაზე ეცვას. როცა ქალი ჯდება და ბოტფორტი უჩანს, ეს სექსუალურია.
- კაბის სიგრძე სად უნდა შევაჩეროთ, რას გვკარნახობს ტენდენციები?
- მუხლსქვემოთ სიგრძის მოტკეცილი კაბა, ფეხზე ''ლოდკებით'' უფრო სექსუალურია, ვიდრე ძალიან მინიქვედაბოლო.
- რაც შეეხება აქსესუარებს...
- საერთოდ, მე ძალიან მომწონს ტყავის აქსესუარები, შარფები, რომელიც ალამაზებს სამოსს. ქალებს ვურჩევ, შეიძინონ ბევრი შარფი, შეიძლება, ჩვეულებრივ კაბაზე შემოიხვიო ეს აქსესუარი და ძალიან კარგად და მოდურად წარმოჩინდეს შენი იმიჯი.
- გარდა ''შანელისეული'' პატარა შავი კაბისა, კიდევ რა არის აუცილებელი მოდური ქალის გარდერობისთვის?
- ჩემი აზრით, აუცილებელია სპორტული სამოსი, ჯინსი მაინც, სპორტული მაისური, ლამაზი კოქტეილის კაბა, შარფები, აქსესუარები, რომლებიც უბრალო კაბასაც კარგ ეფექტს სძენს. სამწუხაროდ, საქართველოში არ არის იმის კულტურა, რომ დღის განმავლობაში ხალხმა მოირგოს სპორტული და კომფორტული სამოსი და საღამოს დაიწყოს გაპრანჭვაზე ფიქრი.
ჩემი აზრით, ყველა ქალმა ცხოვრებაში ერთხელ მაინც უნდა გაიაროს კონსულტაცია დიზაინერთან. არსებობენ ცნობილი ადამიანები, რომელთაც არ აქვთ გემოვნება, იციან ეს და სრულიად დამოკიდებულნი არიან დიზაინერზე. არა მგონია, ავთანდილმა, დათუნა სულიკაშვილმა ან თამუნა ინგოროყვამ უარი უთხრან სალონში შესულ ადამიანს კონსულტაციაზე, პირადად მე ყავაზეც დავპატიჟებდი იმ ადამიანს და ჩემს სათქმელს ვეტყოდი. საერთოდ, ჩემი აზრით, მთავარია გემოვნება და არა ის, რომ გეცვას ''გუჩი'' , ''ლუი ვიტონი'' , ''არმანი'' ან ''ჰერმესი'' . თუ გემოვნება არ გაქვთ, ეს არ არის საგანგაშო, შეგიძლიათ მიმართოთ დიზაინერს კონსულტაციისთვის მაინც და ის შეცვლის თქვენი ჩაცმის სტილს.
ციცი ომანიძე
ჟურნალი ''რეიტინგი''
- 2012-2013 წლის გაზაფხული-ზაფხულის კოლექცია ''პეპლები'' ძალიან წარმატებული აღმოჩნდა, ახლა კი, როგორც მსოფლიო სტანდარტები გვკარნახობს, ვმუშაობ 2013-2014 წლის გაზაფხული-ზაფხულის კოლექციაზე, სადაც პეპლებს ყვავილები შეცვლის. მე ყოველთვის ვქმნი ნაჭერს, რომლითაც შემდეგ კოლექცია იკერება. არ მიყვარს, როცა ჩემნაირი ფაქტურით სხვაც კერავს, ამიტომ ვქმნი ესკიზს, რომელიც გადამაქვს ნაჭერზე და შემდეგ ვიწყებ მუშაობას კოლექციაზე. რაც შეეხება ჩვენებებს, უახლოეს მომავალში მსოფლიო მოდის ფესტივალზე მაქვს ჩვენება კუშადასში, რის შემდეგაც ჩამოვალ თბილისის მოდის კვირეულზე და მერე გადავინაცვლებ კვიპროსში, ასევე მოდის კვირეულზე.
- მაშინ გვითხარით, რა იქნება აქტუალური 2013-2014 წლის გაზაფხული-ზაფხულის სეზონზე.
- ამ სეზონზე კოლექციაში ვიყენებ თეთრს, წითელს, შავს, იასამნისფერს და ღია ვარდისფერს. საერთოდ, შავი ფერი ძალიან მიყვარს, მაგრამ ზაფხულში მაინც უფრო ნათელ ფერებს ვანიჭებ უპირატესობას, შიფონის ან თუნდაც სხვა ჰაეროვან ნაჭერში გამოწყობილი ქალი ნამდვილად სასიამოვნო და მოდური იქნება, შეიძლება, ერთი კაბის შეკერვისას 8-9 მეტრი ნაჭერი დავხარჯო, რომ მას სიმსუბუქე და ჰაეროვნება მივანიჭო.
- ცივ სეზონზე რა მოვირგოთ, რომ გამოვიყურებოდეთ მოდურად და თავს ვგრძნობდეთ კომფორტულად?
- ცივი სეზონი არის დრო, როდესაც მე არჩევანს მუქი და დამჯდარი ფერების სასიკეთოდ ვაკეთებ. შავი, რუხი, აგურისფერი და მუქი მწვანე პალტო ძალიან აქტუალური იქნება, ასევე მოდაშია კიტელის ფორმის პალტოები. სხვათა შორის, ახლა ''სალდატსკი'' პალტოებს ვაკერინებ.
- სამხედრო დეტალები, ''ბატინკები'' ძალიან მოდური გახდა..
- კი, ნამდვილად, მსოფლიო მოდის ტენდენციებში შეინიშნება ასეთი დეტალების სიმრავლე. სამხედრო ''ბატინკები'' მართლაც მოდური და კომფორტულია, მაგრამ მე ტყავის ბოტფორტები ქალზე ძალიან მომწონს, თუნდაც ის მუხლსქვედა სიგრძის კაბაზე ეცვას. როცა ქალი ჯდება და ბოტფორტი უჩანს, ეს სექსუალურია.
- კაბის სიგრძე სად უნდა შევაჩეროთ, რას გვკარნახობს ტენდენციები?
- მუხლსქვემოთ სიგრძის მოტკეცილი კაბა, ფეხზე ''ლოდკებით'' უფრო სექსუალურია, ვიდრე ძალიან მინიქვედაბოლო.
- რაც შეეხება აქსესუარებს...
- საერთოდ, მე ძალიან მომწონს ტყავის აქსესუარები, შარფები, რომელიც ალამაზებს სამოსს. ქალებს ვურჩევ, შეიძინონ ბევრი შარფი, შეიძლება, ჩვეულებრივ კაბაზე შემოიხვიო ეს აქსესუარი და ძალიან კარგად და მოდურად წარმოჩინდეს შენი იმიჯი.
- გარდა ''შანელისეული'' პატარა შავი კაბისა, კიდევ რა არის აუცილებელი მოდური ქალის გარდერობისთვის?
- ჩემი აზრით, აუცილებელია სპორტული სამოსი, ჯინსი მაინც, სპორტული მაისური, ლამაზი კოქტეილის კაბა, შარფები, აქსესუარები, რომლებიც უბრალო კაბასაც კარგ ეფექტს სძენს. სამწუხაროდ, საქართველოში არ არის იმის კულტურა, რომ დღის განმავლობაში ხალხმა მოირგოს სპორტული და კომფორტული სამოსი და საღამოს დაიწყოს გაპრანჭვაზე ფიქრი.
ჩემი აზრით, ყველა ქალმა ცხოვრებაში ერთხელ მაინც უნდა გაიაროს კონსულტაცია დიზაინერთან. არსებობენ ცნობილი ადამიანები, რომელთაც არ აქვთ გემოვნება, იციან ეს და სრულიად დამოკიდებულნი არიან დიზაინერზე. არა მგონია, ავთანდილმა, დათუნა სულიკაშვილმა ან თამუნა ინგოროყვამ უარი უთხრან სალონში შესულ ადამიანს კონსულტაციაზე, პირადად მე ყავაზეც დავპატიჟებდი იმ ადამიანს და ჩემს სათქმელს ვეტყოდი. საერთოდ, ჩემი აზრით, მთავარია გემოვნება და არა ის, რომ გეცვას ''გუჩი'' , ''ლუი ვიტონი'' , ''არმანი'' ან ''ჰერმესი'' . თუ გემოვნება არ გაქვთ, ეს არ არის საგანგაშო, შეგიძლიათ მიმართოთ დიზაინერს კონსულტაციისთვის მაინც და ის შეცვლის თქვენი ჩაცმის სტილს.
ციცი ომანიძე
ჟურნალი ''რეიტინგი''
